1 Petero 3:13 - Testamenta Áre 1983 (Toaripi PNG)

¹³ E sa mai haura voa haihahari leitit’ oria, ero leisa hasiavaita ore ei?

1 Petero 3:13 Iomraidhean Croise

Roma 13:3

Ipi gavana karu ere karu lareva la lei tore leita karu kao, a—, mai kaiae leita karu vei. Soka ave haiiri a harofave karu la tore levi leiti vei ei? A mai lareva la leitia, aea are aro maeati roi;

Roma 8:28

Ereita mōfeare ore, Ualare la haikakare leita karu, are haikaea isa maravaita lea karu vei, are etau foromai tivi farehoria leititore lareva la lei forerai vei.

1 Korinito 14:1

Haikakare haihahari ita lei vovo roroava, a—, Arahoha sa miaraita meru maeamaea ta metakao elia, etau rovaea e peroveta o la itoro ari vei.

Efeso 5:1

E Ualare sa leita mai la ruruiaia, usoso areve haikakare leita atutemori fefeare;

1 Tesalonika 5:15

E kiva leitia, mai maealolo vei tava maealolo la karu farakeka aea sa levi miaraia, a—, mai lareva la leiti vei haikaeaia, eve elore elore karu vei aeata karu foromai vei.

1 Timoteo 5:10

fari lareva ua ipi areve leita mai lareva eavia, areve atutemori la kiva lei savuaita ua, sariva karu ve opa la sasauka maeafukapaita ua, ekalesia karu ve mora la maukaita ua, haisora ita roroaita karu la toaraita ua, aea leita mai lareva voa haihahari leita ua; lōfefeare vei areve rare la ukaia.

Tito 2:14

Are areve maea la ereita vei miarōpe, kaiae foromai voa ereitaro fari maravi, lei ovava lei, ereitaro lei areve elore karu kofa lei roroai vei, ereita haihahari ita mai lareva la leiti vei.

3 Ioane 1:11

Haikakare leita marehari e, mai kaiae la maea levi ruruiaia, a—, lareva ita mai la maea ruruiaia. Mai lareva la leita lea karu are Ualare ve karu; a—, mai kaiae la leita lea karu are Ualare la ofae eavai sore.