1 Petero 3:11 - Testamenta Áre 1983 (Toaripi PNG)

¹¹ Are maealolo la kiripi, mai lareva la leitia; are tairu la elia aea arero aitetaia.

1 Petero 3:11 Iomraidhean Croise

Mataio 5:45

E eve kauri voa peita Oa ve atutemori lōri leiti vei. Ipi are areve sare la maealolo karu voa, aeata lareva karu voa lei patai vovea; aea areve lai la haura karu voa aeata kaiae karu voa lei ō vovea.

Mataio 5:9

Karu la lei omopa totoea vo roroaita karu lareva ia, ipi ere rare Ualare ve atutemori rare aravai roi.

Mataio 6:13

Vuteaita mea voa elaro levi lariōvaia, a—, maealolo voa elaro fareōvi lei makuri leitia.

Mareko 14:7

Ipi merava karu e ita farehoria pepeava roi, aea e haikaeaita lea soasoa voa e erero toaraita ore; a—, ara e ita soa foromai levi peava roi.

Luka 1:79

Murumuru voa aeata opai ve tōvu ora voa pepeipeta lea karu la lei ovava haeai vei, ereitave mora la tairu ve otiharo voa lei terai vei.

Luka 6:35

A—, eve ote karu la haikakare lei mai lareva leitia, aea etau ata ovai haikaeai auke ita abitorea vei miaraia; aea eve tava rovaea kofa leiti roi; aea e ta Koakoa‐eiteapo Ualare ve atutemori leiti roi. Ipi are arero maeati auke leita karu aeata mai kaiae leita karu ita la maeaforoe lei vovea.

Luka 6:9

Soka Iesu erero mō moipe, Arave lalasi o meha, Sabati sare voa karu la lei lareva leitita ei? ō karu la hasiavaita ei, mai haura leavoa? karu la lei makuri leitita ei, ō karu la saroroapaita ei?

Ioane 17:15

Arave loki o mōfeare kao, a erero mearovaeka voa farai vei, a—, ara aro loki a Kaiae Vita voa erero fari lei makuri leiti vei.

Roma 12:18

A ore leitit’ oria, a karu foromai ita tairu ita pepeava.

Roma 14:17

Ipi Ualare ve Basileia ve eite etau ma ita la laloita lea kao, a—, areve eite meha, haura mai, tairu aeata hailareva Safu Arahoha voa.

Roma 14:19

Soka ereita tairu ve otiharo, aea ereitave karu la lei rofo leita mai ita la elia.

Roma 5:1

Lōfeare vei ereita sukaerereaita haiiri sa lei, Ualare ita haura lei, aea ereita Ualare ita totoea tairu ovi la roroa meha, Papuvita Iesu Keriso voa.

Roma 7:19

Ara leiti vei haikaeaita lea lareva la ara leiti sore; ara leiti haikaeai auke leita lea kaiae la ara lei vovea.

Roma 7:21

Lōfeare vei ara au leita mai mōfeare la eavaitore, ara haura etau la leiti vei haikaeaita lea mea, kaiae arave iri voa eaea vovea.

Roma 8:6

Sarōva sa haikaeaita lea mai ve eite opai reha; a—, Arahoha sa haikaeaita lea mai ve eite makuri aea tairu ita reha.

Galatia 5:22

A—, Arahoha sa taita fare meha: haikakare, hailareva, tairu, morarita mai, maeaforoe, lareva, okofa mai,

Galatia 6:10

Soka ereita sa soa ovaita lōfeare, ereita mai lareva karu foromai vei leitia; etau rovaea ereita ereitave maeapavora, Keriso la sukaerereaita karu la mai lareva kofa ita toaraia.

Kolose 3:15

Keriso ve tairu sa eve haiiri la lei haura leiti roi; ipi Ualare sa lea tairu voa ero isa e maea farakeka feare lei toepi pepei vei. Ualare la maeatia.

1 Timoteo 6:18

Erero ta moia, ere mai lareva voa, meru lōfoa lōfoa lei miōri, pisoso kofa fefeare toea, totōpo auke lei, etau au aioraia.

Heberu 12:14

Karu foromai ita totoeai vei haihahari ita lei vovo roroava, aeata safu mai lareva ta reha, ipi lea mai la leiti auke leitita, a—, karu Papuvita la ofae levi eavai roi.

Heberu 13:16

Leita mai lareva, aea e maravi roroaita etau la faea maeaforoe lei au miarai vei hai levi safaia; Ualare la lei hailareva lei, arero omopa posaseaita maso mai kofa reha.

Iakobo 4:17

Mai haura la ore lei, a—, leiti auke leitita lea karu are kaiae loita reha.

1 Petero 3:12

Papuvita ve ofae haura leita karu tai kerori pōva vovea, aea areve ōvauta ereve fi o mapai vei fapa vovea. A—, Papuvita ve soso maealolo leita lea karu la sukavuteaitore.

3 Ioane 1:11

Haikakare leita marehari e, mai kaiae la maea levi ruruiaia, a—, lareva ita mai la maea ruruiaia. Mai lareva la leita lea karu are Ualare ve karu; a—, mai kaiae la leita lea karu are Ualare la ofae eavai sore.