1 Petero 3:10 - Testamenta Áre 1983 (Toaripi PNG)

¹⁰ Usoso Safu Buka voa uka siseita o fefeare, Makuri haikaeaipeta, aea sare lareva‐lareva la ofae eavai haikaeaita lea karu, are areve uri la maealolo ari vei sasauka, aeata areve ape poe ta reha, apeva levi ari vei.

1 Petero 3:10 Iomraidhean Croise

Mataio 19:17

Are arero mō ōpe, A etau lareva vei araro lalasi leipeta ipi levea? Farakeka haria lareva. A—, a peita makuri voa oropai haikaeai oria, a—, safu o la mapi kiva leitia.

Mareko 8:35

Ipi areve makuri la kiva leiti haikaeaita lea vita ve makuri la lei veverapai roi, a—, areve makuri la lei, ara vei, aeata Ovoro Lareva vei veverapaita lea vita makuri la ovai roi.

Ioane 1:47

Iesu are Natanaele arero tai forerōpe la ofae eovi are vei mō ōpe, Israela karu kofa reha; maeahahauhahau aea are voa kasirau.

Ioane 12:25

Areve makuri la haikakare leita lea karu, arero lei veverapai roi; a—, areve makuri la mea mearovaeka voa kaifa leita lea karu, arero ovi pepe lōri peava roi.

Iakobo 1:26

Karu aea areve haiiri mōfeare, are Ualare la maso toaita karu; a—, are areve ape sa o seseōvai auke ita moita, a—, are elore haiiri la apeva vuteaita, aea areve maso toaita mai ta eite kasirau.

1 Petero 2:1

Lea vei kaiae leitita haiiri foromai, aea lohalai foromai, aea aiera‐aiera aea hilisi aea o koko foromai ita la fari mutatapaia.

1 Petero 2:22

Are kaiae leiti auke leipe, aea apeva areve ape voa forerai kasirau.

Apokalupo 14:5

O apeva aea ereve ape voa forerai sore, ipi ere maita maealolo auke ita roroaita karu.