1 Petero 3:1 - Testamenta Áre 1983 (Toaripi PNG)

¹ Lōfeare haiiri ita, e uamori eve elore elore vita heaea la mapi kakeva lei roroava; lōfeare voa Ovoro Lareva la sukaerereai auke leitita lea vita heaea, erero o moi auke ita voa ereve uamori sa leitita lea mai sa erero lei sukaerereai vei,

1 Petero 3:1 Iomraidhean Croise

Mataio 18:15

Ave marehari sa aro kaiae leitit’ oria, arero o erere aria, euka auka hariakao pavaita lea soa voa; are ave o mapai oria, a ave marehari ve haiiri la lei haura loita reha.

Roma 10:16

A—, ere foromai Ovoro Lareva la mapaia kao. Ipi Isaia ve o meha. Papuvita e, ela voa mapōpe fari la leisa sukaerereōpe?

Roma 6:17

Ereita Ualare la maeatia, ipi e evera soa voa mai kaiae ve sarufa lei roroaiape, a—, aite voa ero satiriaraiape lea o la e eve haiiri foromai ita mapi kakeva lei roroa.

Roma 7:2

Usoso mōfeare, vita ve siahu voa peita ua, areve vita ve makuri soa voa, Safu sa fasa vovea; a—, vita opaita, a—, are lea vita ve fasaita Safu voa kaloita reha.

1 Korinito 11:3

A—, ara haikaeai ero lei ore leiti vei, karu foromai ve harofave vita Keriso reha, aeata ua ve harofave vita areve vita reha, aea Keriso ve harofave vita Ualare reha.

1 Korinito 14:34

uamori eve kokorukai voa o auke ita roroava. Ovoro omoita soa la erero levi miaraia, a—, ere siahu ve ipi voa kakeva lei pepeava, usoso Iuda karu ve Safu voa uka siseita o fefeare.

1 Korinito 7:16

Ekalesia ua e, a ore kao, a ave vita la fareōvi makuri leita varo; aea ekalesia vita e, a ta ave ua la fareōvi makuri leita varo.

Efeso 5:33

Soka e vita heaea eve elore elore ua la haikakare araia, eve haria maea la leita lōfeare, aea ua ta areve vita la taivotaia.

Kolose 3:18

Uamori e, e eve elore elore vita heaea la mapi kakeva lei roroava, ipi Papuvita voa mai haura reha.

Kolose 4:5

Maria voa pepeita karu ve omopa voa haiovoro ita lei vovo roroava; leita soa lareva la ore lei ovai peava.

2 Tesalonika 1:8

sarita a ita, Ualare la haiarara lei sukavutea, aea ereitave Papuvita Iesu ve Ovoro Lareva la mapi kakeva auke leitita lea karu la kaiae tava miarai vei.

Heberu 11:8

Abrahama sa sukaerereōpe lea vei, arero isa, are aite soa voa ovi pavai oti voa maea leiti vei moipe soa, are kakeva lei, oti la haveva ita maea lei au isaipe.

Heberu 5:9

Meme arero lareva ita lei kekese leipe lea mea, are peita makuri ve ipi Vita leipe arero mapi kakeva leitita lea karu foromai vei.

1 Petero 1:22

E faitora okofa la kakeva lei, eve ove la lei ovava lei, aea harapaharapa auke ita elore elore haikakare leitita lea vei, liri ita toto ita a’ elore elore haikakare araia.

1 Petero 3:2

ere e sa Ualare la taivotaita lea ovava mai la eavaita soa.

1 Petero 3:7

Vita heaea e, lōfeare haiiri ita la leitia, eve uamori ita fareho pavaita mai la haisukafori kaea, erero taivotaia. Ipi ereve maea ve rofo eve rofo ita usoso kao, aeata ipi e fareho Ualare sa miaraita haiforoe leita meru la topiari ovaita lea vei, makuri leitita meru reha. E sa mai lōfeare leitita lea vei, e Ualare la loki leita lea mai la levi sukelapai roi.

1 Petero 4:17

Ipi seseōvi tava miaraita soa foreraita meha; Ualare ve karu firu la omopa seseōvai roi. Soka ereitaro omopa seseōvaita, a—, Ualare ve Ovoro Lareva la kakeva leiti auke leitita lea karu ve soa sarapaita soa ve mai leafeare leiti roi ei?