1 Petero 2:8 - Testamenta Áre 1983 (Toaripi PNG)

⁸ O aeata meha, Karu la lei safosafoaita fave, aeata lei putoita fave. Ere o la kakeva leiti auke leitita lea vei, ere safosafoa putoi vovea, ere vei Ualare sa kekese leita mai reha.

1 Petero 2:8 Iomraidhean Croise

Luka 2:34

Lei, Simeona ereukaro o sa lei lareva lei, areve lou Maria la mō ōpe, Mapaia, mea atute sa foreraita ipi karu rauapo la Israela voa lei putoi vei aeata lei moravai vei, aeata karu sa sukavuteai o arita peise vei,

Roma 9:22

Ualare sa leipe mai ta lōfeare. Are areve kitou, aea areve siahu ita la pisiri muiai vei haikaeōpe. Lea vei are erero kitou lei, saroroapai vei kekese leipe lea etau ita la au morariape.

1 Korinito 1:23

a—, ela satauro voa paea opōpe Keriso la itoro ō vovea, Iuda karu vei erero lei safosafoa putoita etau, aea toru hariaharia karu vei are maeakakare etau;

2 Korinito 2:16

Itai karu vei opai voa itoita mu, erero saroapai vei, itai aea karu vei makuri voa itoita mu, erero lei makuri leiti vei. Mea tivi leiti vei leisa usoso?

Galatia 5:11

Arave paumarehari e, ara karu la haisa peritome leita mai vei itoro ōvovo meit’ oria, karu ivara eokere ita araro hasiavaia ipi levea? Lōfeare itoro arita, a—, arave o satauro vei heafo levi leiti lare.

1 Tesalonika 5:9

Ipi Ualare ve haiiri ereita vei mōfeare, ereitaro lei areve kitou seseōvi tava miaraita soa voa levi forerai vei, a—, ereitaro fareōvi makuri leiti vei ereitave Papuvita Iesu Keriso voa.

1 Petero 2:6

Ipi Safu Buka voa o mōfefeare uka sisea, Mapaia, ara Siona voa lalave fave, haikaea ovaita fave, tava rovaea lalave fave la la vipaipea, aea arero sukaerereaita lea karu maeamariti levi leiti roi.

1 Petero 2:7

Lea vei e arero sukaerereaita karu vei are tava rovaeka etau feare; a—, sukaerereai auke leita lea karu vei are Uvi turaita karu sa haiarara leipe lea fave, lalave fave loita meha.

2 Petero 2:3

Ere sa etau rauapo maravai vei haikakare araita voa, ere o apeva sa ero kurea eve haiiri la lari roi; a—, erero seseōvi ere vei everori ōpe kaiae tava lekaleka levi leiti roi, aea erero saroroapaita soa ivutu auke ita la eaea.

Iuda 1:4

Ipi karu hea, erero seseōvi kaiae o evera ōpe, ere ereitave aru voa kekevari forera la roroa. Ere ereitave Ualare ve maeaforoe vei ōpe lea ovoro la toarōrisa, ere herei mai leiti vei, aea ere ereitave Harofave Vita farakeka, Papuvita Iesu Keriso la sukavutea avoa aritore.