1 Petero 2:7 - Testamenta Áre 1983 (Toaripi PNG)

⁷ Lea vei e arero sukaerereaita karu vei are tava rovaeka etau feare; a—, sukaerereai auke leita lea karu vei are Uvi turaita karu sa haiarara leipe lea fave, lalave fave loita meha.

1 Petero 2:7 Iomraidhean Croise

Mataio 21:42

Soka Iesu erero mō ōpe, E Safu Karoro voa mea o la muti sore ei? Uvi turaita karu sa haiarara lei eite auke o ōpe lea fave, are arori lalave fave lei la eaea. Mea Papuvita sa leipe etau, ereita ofae eovi haihava loita meha.

Luka 2:32

Ovava kofa meha, toru hariaharia karu la lei ovava lei, aeata ave toruipi Israela la lei sosorusosoru leiti vei.

Luka 2:34

Lei, Simeona ereukaro o sa lei lareva lei, areve lou Maria la mō ōpe, Mapaia, mea atute sa foreraita ipi karu rauapo la Israela voa lei putoi vei aeata lei moravai vei, aeata karu sa sukavuteai o arita peise vei,

Luka 20:17

A—, are erero ofae fofoisa mō ōpe, Buka voa uka siseita mea o ve eite lekōru? Uvi turaita karu sa haiarara lei eite auka o ōpe lea fave, are arori lalave fave lei la eaea.

Ioane 4:42

Ere lea ua la mō ōpe, Ela arero faitora sukaerereaipeta ipi ave o vei kasirau; a—, ipi ela kofa sa arero mapi ore loita meha, mearovaeka la lei makuri leiti o oita vita kofa areo meha.

Aposetolo 26:19

Lea vei, King Ageripa e, ara ofae eavōpe lea kauri etau la kaeava ari kasirau.

Roma 10:21

A—, Israela vei areve o meha, Ara sare savori voa ara arave mai oraka kaeava aea araro sukavutea roroaita karu la sosoropi muiaiape.

Roma 15:31

sukaerereai auke leita Iuda karu voa araro fareōvi, aea ara Ierusalema voa patai vei leipeta lea tivi voa lōvoa pepeita Ualare ve karu sa haiiri lareva ita araro maeafukapai vei.

2 Korinito 2:16

Itai karu vei opai voa itoita mu, erero saroapai vei, itai aea karu vei makuri voa itoita mu, erero lei makuri leiti vei. Mea tivi leiti vei leisa usoso?

Kolose 2:10

aea Keriso voa Ualare sa makuri kofa ero miōri laepepea. Keriso are lohio karu aea siahu ita karu foromai ve harofave Vita.

Tito 3:3

Ipi ereita ta evera soa voa maeakakare lei, kaeava a’, aeata karu sa ereitaro apeva vuteaiape; ereita haikaeaita mai maealolo aea hailareva leita etau hariaharia voa malasa lei, hasiavaita haiiri ita aea hilisi ita, karu sa ereitaro kaifa lei, ereita ta elore elore kaifa lei pepeiape.

Heberu 11:31

Lea saruka ua Rahaba sa sukaerereōpe lea vei, arero Ualare la sukavutea ovafae kere leipe lea karu ita farehoria saroroapai kasirau, ipi are sa lea otiloa karu oraka la maeafukapōpe eavia.

Heberu 4:11

Lea vei ereita lea haioraita oti voa oropai vei rofo ita seseōvaia, karu aea lea ōvafae kere mai sa lei oai ave.

1 Petero 1:8

E arero ofae eavai auke voa arero haikakare araitore, aea e arero au sukaerereai vovea. Eite e faitora arero eavai sore, aea e omoita ore auke hailareva foromai rovaea la leipea;

1 Petero 2:4

Papuvita tai foreraia; are makuri leitita fave, karu sa haiarara lei sukavuteōpe, a—, Ualare sa haikaea ovaita tava rovaea etau feare are reha.

1 Petero 2:8

O aeata meha, Karu la lei safosafoaita fave, aeata lei putoita fave. Ere o la kakeva leiti auke leitita lea vei, ere safosafoa putoi vovea, ere vei Ualare sa kekese leita mai reha.