1 Petero 2:5 - Testamenta Áre 1983 (Toaripi PNG)

⁵ E ta kotia, makuri leitita fave fefeare lei, Arahoha ve maso uvi voa turi vipi, e safu maso tivi karu lei, Arahoha ve maso etau la Iesu Keriso vei Ualare voa omopa posaseai vei.

1 Petero 2:5 Iomraidhean Croise

Roma 12:1

Paumarehari e, ipi Ualare ve maeaforoe rauapo vei ara ero la kureaipea, e eve maea la makuri leita safu maso etau aea Ualare sa maeatita meru feare ovi, Ualare la omopa posaseaia, eve iri karu sa maso toaita mai kofa reha.

Roma 15:16

ara Keriso Iesu ve tivi toaraita vita toru hariaharia karu vei tivi leiti vei. Ara maso tivi karu feare lei, Ualare ve Ovoro Lareva la itoro ari vei, toru hariaharia karu la maravi erero lei, Safu Arahoha sa lei ovava leita meru feare Ualare ve omopa voa omopa posaseai vei.

1 Korinito 3:16

E Ualare ve maso oti, aea Ualare ve Arahoha e voa pea vovea, e lea la ore leitia kao ei?

1 Korinito 3:9

Ipi ela Ualare ita fareho tivi leita karu, aea e Ualare sa poraita oti. E ta Ualare sa turaita uvi.

1 Korinito 6:19

E mea la ore kao ei? Eve maea eve iri voa peita Safu Arahoha ve peita safu oti reha, aea Safu Arahoha la Ualare sa ero aioraiape. Eve maea eve elore etau kasirau, a—, Ualare ve;

2 Korinito 6:16

Ualare ve maso oti aeata apeva ualare ve ove etau ita oti farakeka leafeare leiti roi ei? Ipi ereita makuri leita Ualare ve maso oti, usoso Ualare sa moipe mea o feare, Ara ere voa peava roi, aea ara ere voa kerori vo meava roi; ara ereve Ualare lei, lei vovo meava roi, aea ere arave karu lei, lei vovo roroava roi.

Galatia 6:10

Soka ereita sa soa ovaita lōfeare, ereita mai lareva karu foromai vei leitia; etau rovaea ereita ereitave maeapavora, Keriso la sukaerereaita karu la mai lareva kofa ita toaraia.

Filipi 1:11

e Iesu sa lei foreraita haura ve fare foromai rauapo la tai roi, Ualare la lei sosorusosoru lei maeati vei.

Filipi 2:17

A—, arave ovo la eve sukaerereaita haiiri voa usoso maso etau voa feare sisōvai vei leitita varo, Ualare voa omopa posaseai vei. Lōfeare leitita, a—, ara hailareva lei, aea e ita farehoria ta hailareva leiti roi.

Filipi 4:18

Soka etau foromai la araro miōri roroka; ara etau rauapo kofa ia. Ipi e sa Epafrodito ita itapaia lea meru etau la ara ovaia eavia; muforoe etau Ualare voa omopa posasea arero lei haiforoe leita etau reha.

Kolose 3:17

E sukavaita o aea e leitita etau foromai voa, e Papuvita Iesu ve rare ita leitia; aea are voa Ualare Oa la maeati peava.

1 Timoteo 3:15

ara sa si leitit’ oria, a ore leiti roi ereita Ualare ve uvi karu firu voa mai leafeare leiti vei; makuri lei peita Ualare ve ekalesia, okofa ve savoro aeata ipi oti ta reha.

Heberu 3:6

A—, Keriso are Atute maea lei, Ualare ve toruipi voa harofave vita mai la kakeva ita lei vovo meiape. Ereita haiiri rofo lei, ereita au taita etau vei hailareva ita sukaerereait’ oria, ereita areve toruipi lōfeare lei roroava roi.

1 Petero 2:9

A—, e Ualare sa haikaea ovōpe toruipi karu, king voa forerōpe maso tivi karu, safu toruipi karu, Ualare ve karu kofa; ero haikaea ovōpe e murumuru kiripi, areve haihava leita ovava voa lei foreraia lea Ualare, are sa soa haria leita lea mai la e itoro ari vei.

1 Petero 4:11

Karu farakeka aea itoro arita, a—, are Ualare ve ovoro la moia; karu aea toaraita tivi leitita, a—, are Ualare sa arero miaraita rofo ita toaraia. Lōfeare voa etau foromai Ualare la lei sosorusosoru leiti vei Iesu Keriso voa: sosorusosoru aea siahu ita areve, aea lōri lei pepe peava roi. Amene.

1 Petero 4:17

Ipi seseōvi tava miaraita soa foreraita meha; Ualare ve karu firu la omopa seseōvai roi. Soka ereitaro omopa seseōvaita, a—, Ualare ve Ovoro Lareva la kakeva leiti auke leitita lea karu ve soa sarapaita soa ve mai leafeare leiti roi ei?

Apokalupo 1:6

ereitaro lei basileia ve maso tivi karu areve Oa Ualare vei lei la roroa; sosorusosoru aea basileia ve siahu ita areve reha, pepe lōri peava. Amene.

Apokalupo 20:6

Lea omopa kofa opi ata itoita soa voa foreraita lea karu ere lareva ia aeata ere safu karu reha. Lea orokoria opaita soa sa lōfeare karu la ovi aierai vei siahu kasirau, a—, ere Ualare ve aeata Keriso ve maso tivi karu lei vovo roroava roi, aea are ita farehoria sisoro 1,000 voa basileia harofave karu lei lei vovo roroava roi.

Apokalupo 3:12

Sapataita lea vita, ara arero lei are arave Ualare ve maso uvi voa savoro leiti roi, aea are arero kiripi maria voa levi soeai roi peava roi. Ara arave Ualare ve rare are voa ukai roi; arave Ualare ve karikara ve rare ita, Ierusalema áre, kauri voa arave Ualare voa fauka foreraita lea karikara, aeata arave haria rare áre ta reha.

Apokalupo 5:10

A sa erero lei, ere basileia ve harofave karu aeata maso tivi karu ereitave Ualare vei leiti vei; aeata ere mearovaeka voa arori kofa karu ta leiti roi.