1 Petero 2:4 - Testamenta Áre 1983 (Toaripi PNG)

⁴ Papuvita tai foreraia; are makuri leitita fave, karu sa haiarara lei sukavuteōpe, a—, Ualare sa haikaea ovaita tava rovaea etau feare are reha.

1 Petero 2:4 Iomraidhean Croise

Mataio 11:28

Araro tai kotiria, heafo rovaea leita karu e, aea etau pasou la taiovaita karu e, aea ara ero lei haiorai roi.

Mataio 12:18

Ofae eavaia, ara haikaea ovaita arave sarufa meha, Ara haikakare araita vita, arave ove are voa hailareva lei, lei vovo mea vovea. Ara arave Arahoha are voa vipi, are haura leita o la torutoru karu la itoro ari roi.

Mataio 21:42

Soka Iesu erero mō ōpe, E Safu Karoro voa mea o la muti sore ei? Uvi turaita karu sa haiarara lei eite auke o ōpe lea fave, are arori lalave fave lei la eaea. Mea Papuvita sa leipe etau, ereita ofae eovi haihava loita meha.

Ioane 14:19

Soa taheka haria la eaea, lea ve aite voa mearovaeka araro ofae levi eavai roi, a—, e araro ofae eavai roi; ipi ara sa makuri leipeta lea vei, e ta makuri leiti roi.

Ioane 14:6

Iesu arero mō ōpe, Otiharo aeata okofa aeata makuri eite ara meha. Ara voa terai auke leitita lea karu farakeka Oa tai levi forerai roi.

Ioane 5:26

Ipi usoso Oa makuri ve ipi areve iri voa ovaita feare, lōfeare are siahu Atute la miarōpe makuri ve ipi ta areve iri voa ovai vei.

Ioane 5:40

a—, e makuri ovai vei araro tai koti haikaeai sore.

Ioane 6:37

Oa sa araro miaraita lea karu foromai araro tai koti roi, aea araro tai kotita lea karu la ara maria voa levi sukavuteai roi.

Ioane 6:57

Makuri lei peita Oa sa araro itapōpe, aea ara Oa vei makuri lei peita lōfeare, araro larita lea karu ara vei makuri lei peava roi.

Roma 5:10

Omopa soa ereita Ualare ve ote karu lei roroaiape, a—, are areve Atute ve opai sa ereita ita lei totoeōpe. Faitora soa ereita are ita totoea roroka lei, ereita makuri ta ovai roi Keriso ve lea makuri voa.

1 Korinito 3:11

Ipi Ualare sa uvi ve ipi oti miavi kekese leipe, Iesu Keriso haria are reha, aea uvi ve ipi oti haria aea la karu sa miavaita ore kao.

Kolose 3:4

Ereitave makuri ve eite Keriso reha, aea are pisirikao foreraita lea mea, e ta are ita sosorusosoru leita soa voa forerai roi.

1 Petero 1:19

a—, tava rovaeka kofa ovo, Keriso ve ovo reha; arero usoso siaviri auke maita maealolo auke mamoe feare omopa posaseōpe.

1 Petero 1:7

Lea hehea ve ipi eve sukaerereaita haiiri ve okofa la seseōvi ore leiti vei. Gold are veverapaita etau, a—, karu gold la a voa ea hohorea seseōvaitore, areve lareva la ore leiti vei. Eve sukaerereaita haiiri gold ve lareva la sapatai, aea eve lea sukaerereaita haiiri la a feare voa ea seseōvi roroka leita lea mea, Iesu Keriso sa areve elore maea la pisiri muiaita soa voa ero maeati roi, aeata e sosorusosoru aea fari lareva la lōri ovai roi.

1 Petero 2:7

Lea vei e arero sukaerereaita karu vei are tava rovaeka etau feare; a—, sukaerereai auke leita lea karu vei are Uvi turaita karu sa haiarara leipe lea fave, lalave fave loita meha.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

2 Petero 1:4

Lōfeare voa are areve otoare etau meta‐meta aeata lareva‐lareva la ereitaro miōri la roroa, lea otoare meru voa e mearovaeka voa leitita haikakare maealolo ve saroroapaita etau voa safauka, Ualare sa leita mai feare lei vovo roroai veia.