Biblia Todo Logo
Bìoball air-loidhne

- Sanasan -




1 Petero 2:12 - Testamenta Áre 1983 (Toaripi PNG)

12 Toruipi hariaharia karu ve aru voa leita mai lareva ita roroava, ere e kaiae leita karu feare ero havara paraeaita, a—, ere eve leita mai lareva la ofae eovi, Ualare la maeati roi, are sa forera tava seseōvi miarai vei lea Sare voa.

Faic an caibideil Dèan lethbhreac




1 Petero 2:12
46 Iomraidhean Croise  

Satiriaraita vita are arero satiriaraita papuvita ve mai feare usoso leitita, aea fasaita sarufa karu are areve papuvita ita usoso leitita, lea mai lareva. Ere uvi ve papuvita la Beelsebulo rare aravaita, a—, ere areve uvi karu la rare maealolo kofa lōfeare levi aravai roi ei?


Arave rare vei karu o maeamariti ero ari oria, aea ero hasiavai vei aitetai oria, aea havara apeva ero paraeai oria, lea mea e lareva ia.


Soka eve ovava karu foromai ve soso voa lōri haeaia; ipi ere eve leita mai lareva la ofae eovi, eve kauri voa peita Oa la maeati vei.


Karu rauapo lea la ofae eovi, tore lei, Ualare la maeatipe ipi are lōfeare siahu karu la miarōpe eavia.


Papuvita, Israela ve Ualare la maeatia; ipi are areve toruipi karu tai foreri erero sukahavoeaita meha.


Ere aro mea voa toa foforuka, ave karu ita la saroroapi kaleiti roi; a voa eaeipeta fave koru farakeka aea la areve lea oti kofa voa levi kiripi eaeava roi; ipi a Ualare aro tai aro lei makuri leiti vei foreraita soa la a haveva leitita eavia.


Karu ero Karu ve Atute vei kaifa lei ero sukavutea, ero sukahoroa maeamariti o a’, eve rare etau maealolo feare o a’ mutapaita, a—, e lareva ia.


Soka Iudasi sa maria voa terōpe lea mea, Iesu mō ōpe, Faitora Karu ve Atute ve sosorusosoru pisiri muia, aea Ualare ve sosorusosoru ta are voa muiaita meha.


Simona sa ereitaro o mei roroka loi, Ualare omopa soa voa toruipi hariaharia la haikaeōpe, are ere voa areve rare aravaita karu firu ta ovai vei.


Ere ave omopa voa faitora araro paraeaipeta mea havara vei eite la okofa ita lei ore leiti kasirau.


Are forerōpe lea mea, Ierusalema voa pepea fafukōpe lea karu arero eakoa toepi, popōvi havara rauapo pasou kofa arero paraeaiape, a—, lea la lei okofa leiti vei ere ore leiti kao.


A—, a sukaerereaita lea haiiri vei ela mapai haikaeai, ipi lea mai leitita firu karu vei, ela mea la ore, otioti foromai voa karu sa erero o maealolo ōvo vovea.


Karu sa leita maealolo vei, a tava maealolo levi miaraia. Karu foromai ve omopa voa leita mai lareva la haikaea peava.


Sare ovava voa leita mai kofa feare ereita roroava; e havohu maealolo mai, uaina la’ la’ maeakakare leita mai ita, herei, ua ita vita ita la ofae fofoisaita mai, o serea elore elore, karu ve etau la ovai vei haikakare leita mai voa levi roroava.


Keriso la toari lōri leitita lea karu, Ualare la lei hailareva lei, karu ta arero haikaeai roroava roi.


aeata toru hariaharia karu ta lei ere Ualare la areve maeaforoe vei maeati vei. Usoso Safu Buka voa uka siseita o fefeare, Lea vei ara torutoru karu voa aro maeati roi; ara maeati fara ave rare vei ferai roi.


aea areve murufa haiiri pisiri voa muia, are soso oti sosorokapi iavi, Ualare la maso toa, mō o ta a’ vavavai roi, Okofa Ualare eve aru voa laipea.


Elave hiva ve ipi meha, aea leita mai la elave lea seseōvaita haiiri sa elaro lei okofa o ō vovea, ela mearovaeka voa aeata eve soso voa safu mai lareva ita aea Ualare sa miaraita haiiri ovava ita roroa vovea, maeasarōva ve haiore ita kao, a—, Ualare sa miaraita haiforoe ita voa.


Ela Ualare la loki la leipea, e kaiae levi leiti vei; lea ve ipi elave elore haura la muiai vei kasirau, a—, ipi ero lei e mai haura leiti vei, ela usoso auke feare leitia varo.


Elave haiiri farakeka mea tivi la haura ita leiti vei; Papuvita ve soso voa aeata karu ve soso voa ta reha.


Eite ela foromai ta ere fefeare evera soa voa, aea maeasarōva sa haikaeaita mai, sarōva aeata haiiri ita sa haikaeaita lea etau la leiape. Ualare voa foreraita kaiae ve tava ela vei taiape, usoso lea karu hariaharia vei ta lōfefeare.


E evera haikaeaiape haiiri, e sa leiape mai ita la fari mutatapaia; lōfeare mai maealolo leita ipi are maeahahauhahau la liri aritore.


Soka etau rovaea meha, e makuri lei pepeita lea mai la lei usoso Keriso ve Ovoro Lareva ve mai feare leitia; lea vei ara ero ofae eavai vei foreraita varo, a—, ára‐ita peita varo, ara mea fari e vei mapai roi, e arahoha farakeka ita kere soi laepepea, aea haiiri farakeka ita Ovoro Lareva la sukaerereaita mai vei farehoria ivara lei,


Paumarehari e, laua sarapaita o meha: okofa ita etau, taivotaita etau, haura ita etau, ovava ita etau, haiforoe leita etau, maeati o ita etau, o foroe lōvoa eaei oria, aeata arita o lareva lōvoa eaei oria, lōfeare etau foromai vei haikaeakaea aria.


Lōfeare vei maria voa roroaita karu sa ero maeati roi, aeata e merava levi leiti roi.


aeata king vei aeata harofave karu foromai vei. Lōfeare voa ereita Ualare la taivotei haisukafori ita lei, lareva ita tairu ita lei vovo roroai vei.


Karu farakeka aea aro heavita áre o a’, haiarara levi leitia. A—, o voa aeata leita mai voa aea haikakare voa, aea sukaerereaita haiiri voa aea ovava mai voa, meita mai kofa la a sa erero muia ere ta lōri leiti vei.


fari lareva ua ipi areve leita mai lareva eavia, areve atutemori la kiva lei savuaita ua, sariva karu ve opa la sasauka maeafukapaita ua, ekalesia karu ve mora la maukaita ua, haisora ita roroaita karu la toaraita ua, aea leita mai lareva voa haihahari leita ua; lōfefeare vei areve rare la ukaia.


Ela vei Ualare la loki lei peava, ipi elave seseōvaita haiiri ovava aea ela leita mai foromai voa haura la haikaeai vovea; ela lea etau voa horahora kasirau.


Moni la ovai vei haikakare levi lei roroava, a—, e maravi roroaita lea etau maeamaea ita vei haiiri usoso leitia. Ipi Ualare mō ōpe, Ara aro haiarara lei kiripi levi peava roi.


E voa karu leisa haiovoro aeata haiore ia ei? Are areve makuri ve lareva la haiovoro kofa aea haiiri‐ipi ita sa areve leita mai voa muiaia.


Ipi Ualare sa haikaeaita haiiri meha, eve leita mai lareva sa maeakakare karu ve haiivavu o la lei poetapai vei.


a—, haimafu ita Ualare la haikavora lei tava o lōri omoia. Eve haiiri la ovava kofa ita lei roroava, lea vei karu sa ero o maealolo a’, e Keriso voa lei roroaita lea mai lareva vei kaiae o ero omoita lea mea, ere maeamariti leiti roi.


Karu farakeka aea itoro arita, a—, are Ualare ve ovoro la moia; karu aea toaraita tivi leitita, a—, are Ualare sa arero miaraita rofo ita toaraia. Lōfeare voa etau foromai Ualare la lei sosorusosoru leiti vei Iesu Keriso voa: sosorusosoru aea siahu ita areve, aea lōri lei pepe peava roi. Amene.


Soka lea etau foromai lōfeare mai ita saroroapi kaleitita, a—, e mai leafeare karu leiti vei ei? Mai meha, eve makuri la lei safu lei, Ualare la seseari,


Lean sinn:

Sanasan


Sanasan