1 Petero 2:11 - Testamenta Áre 1983 (Toaripi PNG)

¹¹ Arave haikakare leita karu e, ara ero loki e elore mea auke lei maea merava ita roroaita lea vei, e maeasarōva sa haikakare leita etau maealolo, eve ove ita marehaukaita lea etau la haiarara lei kiripaia.

1 Petero 2:11 Iomraidhean Croise

Luka 21:34

A—, e kiva kofa leitia, larietau rauapo aeata maeakakare leita ma la la’ la’, mea makuri ve haikavora leita etau ita sa eve haiiri la ovi aieri, lea sare ero tai hōvakao forerai ave.

Aposetolo 15:20

a—, ereita o erere karoro ere vei uka, ere apeva ualare ve ove etau voa omopa posaseaita larietau levi laria, aea herei mai, aea faihohōroaita ovo ita etau avoha lei sukavuteai vei.

Aposetolo 15:29

apeva ualare ve ove etau voa omopa posaseaita larietau aea ovo ita faihohōroaita etau avoha lei sukavutea, aea herei mai ta levi leitia. Lea etau la e kiva leitia, a—, e lareva leiti roi. E foforoe au avai puavai‐o.

Roma 12:1

Paumarehari e, ipi Ualare ve maeaforoe rauapo vei ara ero la kureaipea, e eve maea la makuri leita safu maso etau aea Ualare sa maeatita meru feare ovi, Ualare la omopa posaseaia, eve iri karu sa maso toaita mai kofa reha.

Roma 7:23

A—, arave maea voa toepi siseita etau voa ara au leita mai haria la eavaitore, arave haiiri sa haikaea leita mai ita marehauka vovea. Lōfeare vei arave maea voa toepi siseita etau voa peita lea kaiae sa au leita mai voa araro fasi lariōva vovea.

Roma 8:13

Ipi e sarōva sa haikaeaita lea mai feare lei vovo roroait’ oria, e opi kaleiti roi; a—, e Arahoha sa lei eve mai kaiae la paea opait’ oria, e makuri leiti roi.

2 Korinito 5:20

Soka ela Keriso ve ipaisa karu, Ualare sa elave ape o voa ero loki la leipea, Keriso voa e Ualare ita totoeai vei.

2 Korinito 6:1

Ela Ualare ita fareho tivi lei, ero loki la leipea, e areve haiforoe leita meru la auraka levi ovaia.

2 Korinito 7:1

Arave haikakare e, ereita lea otoare la ovi roroaita lea vei, ereita maeasarōva aea arahoha ita sirisiri leita etau foromai la elore elore voa fareōvi mutapi, Ualare la taivotei, safu mai lareva la kekese ita lei vovo roroava.

Galatia 5:24

Keriso Iesu ve karu firu ere ereve maeasarōva ve haihahari aea haikaeaita mai maealolo ita la satauro voa vitaita feare lei lōri paea kaleita reha.

Efeso 2:19

Soka e faitora oti haria karu aeata toruipi haria karu kasirau, e Ualare ve karu ita fareho karikara farakeka karu, aea e Ualare ve maiape karu.

Efeso 4:1

Soka arao, Papuvita ve dibura karu, ero la kureaipea, ero isaita lea mai voa, lareva ita kerori vovo roroava.

2 Timoteo 2:22

Soka harokoulese ve maeasarōva sa haikaeaita mai la kiripaia, a—, haura leita mai, sukaerereaita haiiri, haikakare aea tairu ita lei vovo meava, haiiri ovava ita Papuvita la isa loki lei roroaita lea karu ita farehoria roroava.

Heberu 11:13

Lea karu foromai sukaerereaita haiiri ita opaiape. Ere Ualare sa otoare ōpe lea etau ve eite la ovai kao, a—, ere lea etau la ára‐ita hailareva sa lei fofoisaiape. Ere eite mearovaeka voa toruipi haria karu aeata oti haria karu, ere lea la milafukai kasirau.

Heberu 6:9

A—, haikakare e, elave o lōfeare arita, a—, ela e vei haiiri horahora kao. E leita mai lareva ore, aea e lōfeare voa fareōvi makuri leita soa la ovai roi.

Iakobo 4:1

E voa sosori aea o serea elore elore ve ipi leavoa forera vovea? Ere mōfefeare forera vovea: eve maeasarōva sa haikakare leitita lea mai sa eve iri voa sosori oita lea vei.

1 Petero 1:1

Petero, Iesu Keriso ve aposetolo ve karoro meha; toa fafarapi Ponito aea Galatia aea Kapadokia aea Asia aea Bitunia voa oti haria karu fefeare lei pepeita lea karu veia.

1 Petero 1:17

E veveu soasoa voa arero Oa rare ita isaita, a—, are karu foromai la usoso ereve elore elore leita mai feare voa seseōvi tava miaraitore. Lea vei e mearovaeka voa oti haria karu feare lei roroaita soa voa, arero tore ita taivotei roroava.

1 Petero 4:12

Haikakare paumarehari e, ero seseōvai vei foreri sarita a hehea feare sa ero sapeta lea vei haihava levi leitia, usoso etau soa haria sa ero tai foreraita feare.

1 Petero 4:2

Lea vei eve makuri mearovaeka voa roroaita mea soa hohoi voa, karu sa haikakare araita lea mai maealolo la levi leitia, a—, Ualare sa haikaeaita lea mai la leitia.

2 Petero 3:1

Haikakare paumarehari e, ara e vei ukaita orakori karoro meha. Ereuka orakoria voa arave haiiri ero lei, e haiiri ovava ita e ore leita lea o la ata seseōvai vei.