1 Petero 2:1 - Testamenta Áre 1983 (Toaripi PNG)

¹ Lea vei kaiae leitita haiiri foromai, aea lohalai foromai, aea aiera‐aiera aea hilisi aea o koko foromai ita la fari mutatapaia.

1 Petero 2:1 Iomraidhean Croise

Mataio 15:7

Aiera‐aiera karu e, Isaia okofa ita peroveta o e vei mōri moipe:

Mataio 23:28

E ta lōfeare eve maria ve etau karu sa eavaita haura feare, a—, iri voa e apeva aea kaiae ita sa soō vovea.

Mataio 24:51

aea arero toa tofei itai itai lei, aiera‐aiera karu ita fareho oti arero miarai roi; lōvoa fi a’ a’ tao ta karekare ari roi.

Mataio 7:5

Aiera‐aiera karu e, lea tola hōru la ave elore ofae kofa voa fareovai ao, aea aite ave marehari ve ofae voa eaeita lea tola eloe la fareovai vei a ofae ovava ita lōri eavai roi.

Mareko 12:15

A—, are ereve aiera‐aiera la ore lei erero mō ōpe, E araro seseōvaipeta ipi levea? Silva moni aea oviti ara arero ofae eavai vei.

Luka 11:44

Ahai‐e, e vei Farisea karu e! ipi e fave auke everove tapu otioti fefeare, karu haiivavu lei ereve arori voa mora kerori vovea.

Luka 12:1

Lea soa voa karu siviri sivirieiteapo sa kokoruka elore elore mora sa pōvi sasape. Sa’ sa’, are areve satiriaraita karu vei ovoro vei mō ōpe, Farisea karu ve aiera‐aiera mai la haiarara leitia, lea mai usoso faloa la lei fefesita etau feare.

Luka 6:42

Aeata a ave marehari la o mō leafeare moitore, Marehari e, ara hopa ave ofae voa lea tola eloe la fareovai ao, a—, eite a ave elore ofae kofa voa eaeita lea tola hōru la a ore leiti sore. Aiera‐aiera vita e, lea tola hōru la ave elore ofae voa fareovai ao, aea aite ave marehari ve ofae voa eaeita lea tola eloe la fareovai vei a ofae ovava ita lōri eavai roi.

Ioane 1:47

Iesu are Natanaele arero tai forerōpe la ofae eovi are vei mō ōpe, Israela karu kofa reha; maeahahauhahau aea are voa kasirau.

Roma 1:29

lei lei ereve haiiri maealolo hariaharia sa soōpe; karu haria ve etau la maravai vei haikaeaita haiiri, kaifa aea hilisi, karu la paeai, sosori oita mai, maeahahauhahau, aea ivara eokere. Ere fari la hasiavaita karu,

1 Korinito 14:20

Paumarehari e, e atutemori feare haiiri levi seseōvaia; mai kaiae voa popora feare leitia, a—, eve seseōvaita haiiri voa karu sora leitia.

1 Korinito 5:8

Lea vei ereita Foapaita Sosoka leitia, evera fefesita etau ve maealolo ita levi leitia, a—, ovava aea okofa ita ve fefesi auke faloa ita leitia.

2 Korinito 12:20

Arave tore meha, ara sa ero tai foreraita lea mea, ara sa haikaeaita lōfeare mai la e voa levi eavaita varo; aeata eo, e sa haikaeaita lōfeare mai ita ara sa meita ta levi eavaita varo; a—, sosori, aea hilisi, aea kitou, elore etau vei irori arita mai, o kaiae, o vituvitu, haiarori aea heohea ara lōfeare la e voa eavaita varo.

Efeso 4:31

Haiiri eokere aea kitou hehea, aea irifae aea heohea e voa fari mutatapaia, aea hasiavaita haiiri foromai ta reha.

1 Tesalonika 2:3

Ipi elave kureaita o ve eite haiiri kaiae voa aea haiiri sirisiri voa aea maeahahauhahau voa kasirau;

1 Timoteo 3:11

Uamori diakono ta lōfeare, ere haiiri sora uamori, ape meimei arita uamori kao, a—, haisukafori roroaita uamori, etau foromai voa mai kofa leita uamori.

Tito 2:3

Opasora‐sora uamori ta o mei, ere ereve leita mai voa Ualare la taivotei roroai vei. Ere karu la hasiavaita fari la lei levi fafarapai vei, ma maealolo ve sarufa levi leiti vei; a—, ere mai lareva la muiaita karu lei, lei vovo roroai vei.

Heberu 12:1

Soka ereitaro ore lei fofoisaita karu sitavu mea‐e rovaeka feare, ereitaro eakoa toepi lei vovo roroaita lea vei, ereita ereitaro pasou leita lea etau foromai la, aea ereitaro pasaea fasaita lea iri kaiae la felaukea mutapi, aea ereitave omopa voa vipi muiaita lea loreape soa voa haiiri kere ita oroaia.

Iakobo 1:21

Lea vei sirisiri leita mai aea mai kaiae foromai la sukavutea mutapi, aea Ualare sa eve haiiri voa vipi peita lea o, ero lei makuri leitita ore o la haiiri‐ipi ita voa ovai haikaeaia.

Iakobo 3:14

A—, hilisi eokere aea maeamarōva ita eve haiiri voa siseit’ oria, a—, e haiovoro vei hiva levi aria, okofa la sukavutea lei kaiae lōri leiti vei.

Iakobo 4:11

Arave paumarehari e, e elore elore faeafaea oita o levi aria. Karu aea are areve marehari la faeafaea oita o, ō arero seseōvi kaiae o arit’ oria, are Safu Mai la seseōvi kaiae o lea mai vei arita reha. A Safu Mai la seseōvi kaiae o arit’ oria, a Safu Mai la kakeva leita karu kao, a—, Safu Mai la seseōvaita karu.

Iakobo 4:5

Ave haiiri Safu Buka voa mōfeare o auraka auea ukōpe ei? O meha, Karu ve haiiri voa Ualare sa vipi pepeita lea arahoha ereita vei liri ita tōtō ita a’ hilisi lei vovea.

Iakobo 5:9

Paumarehari e, o ruruku elore elore levi aria; lōfeare Ualare ta seseōvi tava ero levi miarai roi. Mapaia, seseōvi tava miaraita Papuvita utape voa soi laipea.

1 Petero 2:16

E pisiri lei roroaita karu fefeare leitia; a—, eve pisiri leita mai sa lohalai lei kaiae leita mai voa levi topiari leitia, a—, Ualare ve fasaita sarufa fefeare lei vovo roroava.

1 Petero 2:22

Are kaiae leiti auke leipe, aea apeva areve ape voa forerai kasirau.

1 Petero 3:10

Usoso Safu Buka voa uka siseita o fefeare, Makuri haikaeaipeta, aea sare lareva‐lareva la ofae eavai haikaeaita lea karu, are areve uri la maealolo ari vei sasauka, aeata areve ape poe ta reha, apeva levi ari vei.

1 Petero 4:2

Lea vei eve makuri mearovaeka voa roroaita mea soa hohoi voa, karu sa haikakare araita lea mai maealolo la levi leitia, a—, Ualare sa haikaeaita lea mai la leitia.

1 Petero 4:4

Faitora karu haihava la leipea, ipi e ere ita topiari auke lei, ere ita havohu maeakakare leiti auke leitita lea vei; aeata ere ero o maealolo ō vovea.

Apokalupo 14:5

O apeva aea ereve ape voa forerai sore, ipi ere maita maealolo auke ita roroaita karu.