1 Petero 1:8 - Testamenta Áre 1983 (Toaripi PNG)

⁸ E arero ofae eavai auke voa arero haikakare araitore, aea e arero au sukaerereai vovea. Eite e faitora arero eavai sore, aea e omoita ore auke hailareva foromai rovaea la leipea;

1 Petero 1:8 Iomraidhean Croise

Mataio 10:37

Areve oa ita lou ita la haikakare rovaea leitita, a—, araro haikakare seika leitita lea karu, ara vei usoso kasirau. Aea areve atute la aea areve mori la haikakare rovaea leitita, a—, araro haikakare seika leitita lea karu, ara vei usoso kasirau.

Ioane 14:15

E araro haikakare leitita, a—, e arave safu o la mapi kakeva leiti roi.

Ioane 14:21

Arave safu o la mapi kakeva lei vovo meita, araro haikakare leita vita reha; aea araro haikakare leita lea vita, arave Oa sa arero haikakare arai roi, aea ara ta arero haikakare ari, arero lei are araro ofae eovi ore leiti roi.

Ioane 14:24

Araro haikakare auke leitita lea karu, arave o la mapi kakeva levi leiti roi; e mapaipeta mea o, arave o kao, a—, araro itapōpe Oa ve o.

Ioane 16:22

Soka e ta lōfeare, faitora e haisora ia, a—, ara ero ofae ata eovi, eve hai ta lareva leiti roi, aea karu eve hailareva e voa levi fareovai roi.

Ioane 20:29

Iesu arero mō ōpe, A araro eavaita lea vei a sukaerereai ei? Araro eavai auke leitita voa sukaerereaita lea karu lareva ia.

Ioane 8:42

Iesu erero mō ōpe, Ualare eve Oa oria, e araro haikakare leiti lare, ipi ara Ualare voa pea koti mea. Ara haria lei koti kao, a—, araro are sa itapi mea.

Aposetolo 16:34

Are Paulo auka Silasi ita la areve uvi voa lariōvi, larietau ereukave omopa voa vipōpe. Are areve uvi karu foromai ita hailareva foromai leipe, ipi are lea soa Ualare la sukaerereōpe eavia.

Roma 14:17

Ipi Ualare ve Basileia ve eite etau ma ita la laloita lea kao, a—, areve eite meha, haura mai, tairu aeata hailareva Safu Arahoha voa.

Roma 15:13

Au tai vovo roroaita haiiri la miaraita lea Ualare, e sa sukaerereaita lea vei hailareva foromai tairu ita ero miōri miōri soaria, aea lea au taita haiiri la Safu Arahoha sa lei asi rovaea leitia.

1 Korinito 16:22

Karu aea Papuvita la haikakare auke leitita, a—, arero o maealolo a’ sukavuteai meava. Marana ta! Elave Papuvita e, kotia!

2 Korinito 1:22

Are elaro areve rare peise ita sasari, aea miaraita toare etau vei areve Arahoha la elave haiiri voa lei vifarapi la eaea.

2 Korinito 12:4

arorisa siseita o aea karu sa moita ore auke o la mapōpe.

2 Korinito 4:18

Ela ofae sa eavai auke leita lea etau la ofae fofoisai vovea, ofae sa eavaita lea etau kao; ipi ofae sa eavaita lea etau ere soasoa ia, a—, ofae sa eavai auke leita lea etau, peita etau reha.

2 Korinito 5:7

ipi ela sukaerereaita haiiri voa roroa vovea, ofae sa eovi roroaia kao.

2 Korinito 9:15

Ereita Ualare la maeatia areve meru rovaeka vei, karu sa omoi ore auke leitita lea meru.

Galatia 5:22

A—, Arahoha sa taita fare meha: haikakare, hailareva, tairu, morarita mai, maeaforoe, lareva, okofa mai,

Galatia 5:6

Karu la peritome leitita varo, peritome leiti auke leitita varo, lea oraka eite kasirau Keriso Iesu voa; a—, haikakare lei arero sukaerereaita lea mai farakeka sa haria eite kofa reha.

Efeso 3:19

aea areve haikakare la ore leiti vei, karu ve haiore la ovi aieraita lea haikakare, aea lōfeare Ualare ve so‐oita etau ero ta sisōvi soari veia.

Efeso 6:24

Haiforoe leita meru ereitave Papuvita Iesu Keriso la poetapai auke ita haikakare araita karu foromai ita lei peava.

Filipi 1:25

Ara lea etau haiiri kekese loita lea vei, ara ore ara pōvi e ita farehoria tivi leiti roi, sukaerereaita haiiri voa ero lei asi aeata lei hailareva leiti vei.

Filipi 3:3

Ara erero rare lōri aravaipeta ipi peritome karu kofa ereita meha. Ipi ereita Ualare la areve Arahoha ita maso toaita karu, aea Keriso Iesu voa hiva ō vovea. Ereita maeasarōva voa leitita peise la sesearai sore.

Filipi 4:4

Soa foromai Papuvita voa hailareva lei pepeava. Ara lea o ata la moi, hailareva lei pepeava.

Heberu 11:1

Soka sukaerereai ve eite meha, ereita au tai vovo roroaita lea etau la etakofa sukaeaita feare, aea ereita ofae eavai auke leita lea etau vei horahora auke ita roroaitore.

Heberu 11:27

Are sa sukaerereōpe lea vei, are king ve kitou la tore auke lei, Egupto kiripōpe, ipi ofae sa eavai auke leita lea Ualare la are eavai kofa feare lei, lula auke haiiri kere ita leipe eavia.

1 Petero 1:6

Lea vei e hailareva rovaea leitia, eite e haisora leita etau hariaharia ve hehea mea soa harua voa lei vovo la roroa.

1 Petero 2:7

Lea vei e arero sukaerereaita karu vei are tava rovaeka etau feare; a—, sukaerereai auke leita lea karu vei are Uvi turaita karu sa haiarara leipe lea fave, lalave fave loita meha.

1 Petero 5:4

Mamoe kiva harofave Vita la lei pisiri voa muiaita lea mea, e fefeopai auke leita makuri ve kekeva la ovai roi.