1 Petero 1:7 - Testamenta Áre 1983 (Toaripi PNG)

⁷ Lea hehea ve ipi eve sukaerereaita haiiri ve okofa la seseōvi ore leiti vei. Gold are veverapaita etau, a—, karu gold la a voa ea hohorea seseōvaitore, areve lareva la ore leiti vei. Eve sukaerereaita haiiri gold ve lareva la sapatai, aea eve lea sukaerereaita haiiri la a feare voa ea seseōvi roroka leita lea mea, Iesu Keriso sa areve elore maea la pisiri muiaita soa voa ero maeati roi, aeata e sosorusosoru aea fari lareva la lōri ovai roi.

1 Petero 1:7 Iomraidhean Croise

Mataio 19:28

Iesu erero mō ōpe, Okofa ara ero o la moi, etau etau la lei áre lei foreri, Karu ve Atute sa areve sosorusosoru ve terona voa avaita lea mea, e araro aitetaita karu ta terona twelve voa avi, Israela ve toruipi‐ipi twelve la seseōvi tava miarai roi.

Mataio 25:21

Areve papuvita arero mō ōpe, Lareva kofa reha, tivi haura leita sarufa lareva e; a etau fafareso voa mai haura lei vovea, ara aro etau rauapo ve tivi harofave vita leiti roi; ave papuvita ve hailareva leita soa voa oropaia.

Mataio 25:23

Areve papuvita arero ta mō ōpe, Lareva kofa reha, tivi haura leita sarufa lareva e, a etau fafareso voa mai haura lei vovea, ara aro etau rauapo ve tivi harofave vita ta leiti roi; ave papuvita ve hailareva leita soa voa oropaia.

Luka 12:33

Eve etauroro la itaea lei miōri, aea lea tava moni la maravi karu merava la au aioraia; titia leiti auke oroa la maravaia. Kauri ve pisoso kaleiti ore auke etau la aiperovaia; lōvoa torea karu alaeai sore, aea ao ta la’ haroavai sore.

Luka 17:30

Karu ve Atute sa pisiri muiaita sare ta lōfeare leiti roi.

Ioane 12:26

Karu aea arave tivi karu leitita, a—, are araro aitetaia, aea ara peita lea oti voa, arave tivi karu ta peava roi. Karu aea arave tivi la leitita, a—, arave Oa sa arero maeati roi.

Ioane 5:44

E leafeare sukaerereaita ore? E maeati elore elore voa haikaea eli vovea, a—, Ualare farakeka kofa voa foreraita lea maeati la e haikaea eli sore.

Aposetolo 8:20

A—, Petero arero mō ōpe, Ave moni a ita farehoria saroroapai vei, ipi ave haiiri a Ualare sa au miaraita meru la itaea lei ovaita ore.

Roma 2:10

A—, sosorusosoru aea maeati aea tairu ita la Ualare sa lareva la lei vovo roroaita lea karu foromai la aiorai roi, Iuda karu omopa aea toru hariaharia ta reha.

Roma 2:29

A—, Iuda ve mai haiiri voa leitita, Iuda karu kofa reha, aea peritome kofa haiiri voa leitita etau reha, Arahoha sa leititore, ukōpe Safu O sa leiti sore. Lōfeare karu la maeatita o karu voa forerai sore, a—, Ualare voa.

Roma 2:7

Karu hea haiiri lula auke ita mai lareva lei lei, Ualare voa sosorusosoru aea marase o aea peita makuri la eli vovea; lōfefeare karu la Ualare sa peita makuri miarai roi.

Roma 8:19

Ipi Ualare sa pisosiape etau foromai Ualare ve atutemori la pisiri voa muiaita soa vei haihahari ita fofoisa tai vovea.

1 Korinito 3:13

etau farakeka karu ve elore elore tivi mai la pisiri muia ore leiti roi, Keriso ve sare sa muiaita lea mea. Ipi lea sare voa sarita a sa karu foromai ve tivi la muia, aea lea a sa lea tivi hariaharia la seseōvi, ereve elore elore eite la pisiri lei ore leiti roi.

1 Korinito 4:5

Soka soa kofa ve omopa voa etau everori levi seseōvaia tetete Papuvita sa kotita soa voa. Are murumuru ve hohore etau la lei ovava voa forerai roi, aea ereitave haiiri sa haikaeaita lea etau la pisiri voa muia vavavai roi. Lea mea Ualare sa karu elore elore vei marase ari roi.

Iakobo 1:12

Seseōvai vei vuteaita soasoa voa haiiri rofo ita meita lea vita lareva ia, ipi arero seseōvaita voa are sapataita lea mea are makuri ve kekeva la ovai roi, usoso Ualare sa arero haikakare araita lea karu la miarai o ōpe lea otoare feare.

1 Petero 1:13

Lea vei eve haiiri ovoako lei, haisukafori roroava, aea Iesu Keriso areve elore maea la pisiri muiaita soa voa e sa ovai vei leipeta lea haiforoe leita meru la eve haiiri foromai ita au tai vovo roroava.

1 Petero 1:5

E Ualare la sukaerereaita lea vei, areve siahu sa ero kiva la leipea, tetete soa sarapaita soa voa pisiri muiai vei kekese lei vovo meita lea makuri leita soa la ovai vei.

1 Petero 2:4

Papuvita tai foreraia; are makuri leitita fave, karu sa haiarara lei sukavuteōpe, a—, Ualare sa haikaea ovaita tava rovaea etau feare are reha.

1 Petero 2:7

Lea vei e arero sukaerereaita karu vei are tava rovaeka etau feare; a—, sukaerereai auke leita lea karu vei are Uvi turaita karu sa haiarara leipe lea fave, lalave fave loita meha.

1 Petero 4:12

Haikakare paumarehari e, ero seseōvai vei foreri sarita a hehea feare sa ero sapeta lea vei haihava levi leitia, usoso etau soa haria sa ero tai foreraita feare.

1 Petero 4:13

A—, e Keriso sa leitita hehea are ita fareho leipeta lea vei hailareva leitia; aite voa areve sosorusosoru pisiri voa muiaita lea soa e hailareva foromai rovaea kofa leiti roi.

1 Petero 5:1

Soka e voa pepeita opasora‐sora karu la kureaita o meha. Ara ta omopa sora karu aea ara ta Keriso sa leipe hehea la ofae eovi okofa moita karu aea, muiai vei leitita lea sosorusosoru voa ara ta soa ita karu aea.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

2 Petero 1:4

Lōfeare voa are areve otoare etau meta‐meta aeata lareva‐lareva la ereitaro miōri la roroa, lea otoare meru voa e mearovaeka voa leitita haikakare maealolo ve saroroapaita etau voa safauka, Ualare sa leita mai feare lei vovo roroai veia.

2 Petero 3:14

Lea vei, haikakare paumarehari e, e lea Sare la tai vovo roroaita soa voa, e haihahari kofa lei Ualare ita tairu lei, maita maealolo auke ita aeata kaiae auke ita roroai vei areve soso voa.

Iuda 1:24

E safosafoa levi putoi vei ero kiva leita ore Ualare, aea ero maita maealolo auke ita maravi, areve sosorusosoru ve omopa voa hailareva ita ero vipaita ore leita lea Ualare,

Apokalupo 1:7

Ofae eavaia, are mea‐e voa forea la kotipea; ofae foromai arero fofoisai roi, aea arero sukafaropōpe lea karu ta reha; mearovaeka ve toruipi‐ipi karu foromai are vei fi savoi roi. Okofa ta reha. Amene.

Apokalupo 2:10

Aro lei hehea leiti vei leitita lea etau la tore levi leitia. Mapaia, Diabolo sa eve karu hea la dibura uvi voa fasi sasaukai vei la roi, ero seseōvi ore leiti vei, aea e sare ten voa haisora ita popōvai roi. A—, araro sukaererea haiiri rofo ita lei peava, tava opai la sukaeaita, a—, ara makuri ve kekeva aro miarai roi.

Apokalupo 3:10

Ipi ara aro haisa moipe, a lulalula auke haiiri rofo ita mei vei lea o la mapi kakeva lei meita lea vei, mearovaeka foromai la seseōvaita ora voa, mearovaeka voa pepeita karu la seseōvi ore leiti vei, lea ora voa ara ta aro kiva lei, lei makuri leiti roi.

Apokalupo 3:18

Lea vei ara aro la kureaipea, a ara voa a voa ea hohorea ovava leitita gold la itaea lei ovaia, a pisoso vita leiti vei, aea puta maea‐sea, ave maea la mopi, ave maea paseare ve maeamariti la ofae levi eavai vei. Ofae muramura ta itaea lei ovaia, ave ofae oraka la roroa, a ofae eavai vei.