1 Petero 1:6 - Testamenta Áre 1983 (Toaripi PNG)

⁶ Lea vei e hailareva rovaea leitia, eite e haisora leita etau hariaharia ve hehea mea soa harua voa lei vovo la roroa.

1 Petero 1:6 Iomraidhean Croise

Mataio 11:28

Araro tai kotiria, heafo rovaea leita karu e, aea etau pasou la taiovaita karu e, aea ara ero lei haiorai roi.

Mataio 26:37

Lō mei are Petero aea Sebede ve atute oraka ita la lariōvi, aea are haitutu a’ haiiri eae foromai leipe.

Mataio 5:12

Haimeta leitia, hailareva foromai leitia, ipi eve kauri voa eaeipeta tava rovaea kofa; ipi ere eve soa ve omopa karu, lea peroveta karu ta lōfeare leiape.

Luka 1:47

Aea arave ove araro lei makuri leita Ualare voa hailareva rovaea la leipea.

Luka 10:20

A—, harisu sa eve o la mapaita lea vei hailareva levi leitia; a—, hailareva mea etau vei leitia, ipi eve rare la kauri voa uka siseipeta lea vei.

Luka 2:10

Lei, lea aneru erero mō ōpe, Tore levi leitia; ipi ara fari lareva ero omoi vei foreri mea, karu foromai la lei hailareva rovaea leiti vei.

Ioane 16:22

Soka e ta lōfeare, faitora e haisora ia, a—, ara ero ofae ata eovi, eve hai ta lareva leiti roi, aea karu eve hailareva e voa levi fareovai roi.

Ioane 16:33

Ara mea etau etau ero la moipea ipi e tairu ara voa ovai vei. Mearovaeka voa e haisora ia, a—, hailareva leitia, ara mearovaeka la ovi aieri la mea.

Aposetolo 14:22

Ereuka Iesu la sukaerereaita karu ve haiiri la lei rofo lei, areve o voa pepei vei erero kurea mō ōpe, Ereita haisora leita etau rauapo ve aru voa rororaita, ereita Ualare ve basileia voa lōri oropai roi.

Roma 12:12

E Ualare voa taita haiiri ita lea vei hailareva leitia; haisora soasoa voa haiiri kere leitia; e Ualare la loki taupi leitia.

Roma 5:11

Etau aeata meha, Ualare ereitaro lei hailareva leititore ereitave Papuvita Iesu Keriso voa, ereitaro Ualare ita lei totoeōpe lea vita.

Roma 5:2

Are ta ereitave sukaerereaita haiiri sa lei, ereitaro lei Ualare ve maeaforoe ve soa la sukaea laepepea; ereita ta Ualare ve sosorusosoru voa soa ovai vei hailareva ita la taipea.

Roma 9:2

ara haiiri eae foromai rovaea kofa, aea haiiri voa ara hehea lei vovea, kaleiti sore ipi arave toruipi karu veia.

2 Korinito 4:17

Ipi elave utohoa kaleipeta haisora seika sa elaro lei kekese la leipea, seseōvi ore auke lei peita sosorusosoru ve rovaeka kofa la aite soa voa ovai vei.

2 Korinito 6:10

Ela hai‐tofafaita, a—, hailareva lei vovea; ela merava leitita, a—, ela karu rauapo la lei pisoso karu lei vovea; elaro etau kasirau o oita karu, a—, eite ela etau foromai la maravi la roroa.

Galatia 5:22

A—, Arahoha sa taita fare meha: haikakare, hailareva, tairu, morarita mai, maeaforoe, lareva, okofa mai,

Filipi 2:26

A—, are ero foromai la ofae eavai vei haikaeai rovaea, aea are haieae rovaea kofa e sa areve eka fari la mapōpe lea vei.

Filipi 3:3

Ara erero rare lōri aravaipeta ipi peritome karu kofa ereita meha. Ipi ereita Ualare la areve Arahoha ita maso toaita karu, aea Keriso Iesu voa hiva ō vovea. Ereita maeasarōva voa leitita peise la sesearai sore.

Filipi 4:4

Soa foromai Papuvita voa hailareva lei pepeava. Ara lea o ata la moi, hailareva lei pepeava.

1 Tesalonika 1:6

E elave mai aea Papuvita ita ve mai lōfeare usoso lei, Ovoro Lareva vei karu sa ero lei haisora rauapo leivota, a—, Safu Arahoha sa miaraita lea hailareva ita e lea Ovoro la ovi la roroa.

Iakobo 1:2

Arave paumarehari e, e ero seseōvai vei vuteaita etau hariaharia sa sukaeaita lea mea, e lea etau vei hailareva o aria.

Iakobo 1:9

Ekalesia karu merava lei meit’ oria, aea Ualare sa arero moravaita, a—, hailareva leitia;

Iakobo 4:9

E haiiri eae lei, fi a’, ovororo ta sisapaia; eve area toarōrisa fi aria, aea eve hailareva ta toarōrisa haiiri totopaia.

1 Petero 3:17

Ipi Ualare sa haikaeaita, a—, e mai haura leitita lea vei karu sa ero hasiavait’ oria, lōfeare voa e lareva ia; a—, mai kaiae ve tava vei hehea leitit’ oria, lōfeare lareva kao.

1 Petero 4:7

Soka etau foromai la soa sarapaita soa haekao forerai vei la leipea; lea vei haisukafori kaeaia, ovoako lei, Ualare la loki lei vovo roroava.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.