1 Petero 1:5 - Testamenta Áre 1983 (Toaripi PNG)

⁵ E Ualare la sukaerereaita lea vei, areve siahu sa ero kiva la leipea, tetete soa sarapaita soa voa pisiri muiai vei kekese lei vovo meita lea makuri leita soa la ovai vei.

1 Petero 1:5 Iomraidhean Croise

Ioane 12:48

Araro sukavutea aea arave o la haisukafori mapai auke leita lea karu, arero seseōvi tava miaraita soa ia; ara sa omoita lea o arero seseōvi tava miarai roi soa sarapaita sare voa.

Ioane 17:15

Arave loki o mōfeare kao, a erero mearovaeka voa farai vei, a—, ara aro loki a Kaiae Vita voa erero fari lei makuri leiti vei.

Ioane 4:14

a—, ara sa arero miaraita ma la larita lea karu are kōvōre‐tolo ata levi lei pepe peava roi; a—, ara arero miaraita ma areve iri voa popi, popotoa popotoa peita makuri voa forerai vei.

Ioane 5:24

Ara okofa ita ero o la moi, Arave o la mapi, aea araro itapōpe Ualare la sukaerereaita lea karu peita makuri ovaita reha; are seseōvi tava miaraita soa voa levi forerai roi, a—, are opai soa la kiripi makuri voa foreri laipea.

Roma 11:20

Okofa reha; a—, erero saerea mutatapōpe ipi ere sukaerereai auke leipe lea vei, a—, eo, eve sukarereaita haiiri sa lei mopi fofoeaitore. E haiiri maeamarōva lea vei levi leitia; a—, tore leitia.

Roma 8:18

Arave seseōvaita haiiri meha, mea faitora soa ve haisora aea Ualare sa ereitaro muiai vei leita lea sosorusosoru ita farehoria topiari seseōvaita usoso kakaeite.

1 Korinito 1:21

Ipi Ualare ve haiovoro mōfeare: mearovaeka haiore sa lei Ualare la ore auke leiape soa voa, Ualare hai mō kaeōpe itoro oita lea ovoro maeakakare sa lei sukaerereaita lea karu la fareōvi makuri leiti vei.

2 Korinito 1:24

Ela eve sukaerereaita haiiri ve papukoru kasirau; a—, ela e ita fareho tivi leititore, ero lei hailareva leiti vei; ipi e sukaererea kere lōri soi popōvai vei.

Galatia 2:20

Araro Keriso ita satauro sa paeōpe, aea makuri ata leita lea karu ara kao, a—, Keriso reha, arave iri voa makuri lei vovo meita lea Vita, aea ara maeasarōva voa leita lea makuri, ara Ualare ve Atute la sukaerereaita haiiri voa makuri lei vovo mea vovea, araro haikakare lei, areve maea la ara vei au miarōpe lea Vita voa.

Efeso 2:8

Ipi Ualare ve maeaforoe ve meru sa ero fareōvi makuri leipe, e sukaererea vo roroaita lea vei; lōfeare ve ipi eve elore rofo vei ovai kasirau, a—, Ualare ve meru sa miarōpe;

Efeso 3:17

aeata e sa sukaerereaita lea vei, Keriso eve haiiri voa pavai roi. E ta haikakare voa usoso seaupaita likilea aea kere vipaita uvi ve ipi otioti fefeare,

Filipi 1:6

Ara ore kofa loita meha, tivi lareva e voa fapōpe lea Ualare sa lea la ata lei lei, tetete are lea tivi la lei roroka leiti roi Keriso Iesu ve sare voa.

Filipi 4:7

Soka Ualare ve tairu, karu sa seseōvi ore auke leita lea tairu, eve haiiri aea eve haikaeaita la Keriso Iesu voa kiva lei meava roi.

2 Timoteo 3:15

Soa ave seika soa voa a Safu Karoro ve o la malasa leiape; lea Karoro voa aro lei haiore ovi, a Keriso Iesu voa meita lea fareōvi makuri leita soa la ovai vei, sukaerereaita haiiri la sukaeaia lōfeare.

Tito 2:13

Ereita lea Sare lareva la la taipea, lea mea ereitave Ualare rovaekapo aea ereitaro fareōvi makuri leita Vita, Iesu Keriso ita ve sosorusosoru pisiri lei forerai roi.

Heberu 6:12

E maeapatoita levi leitia; a—, mōfeare mai la leita karu fefeare leitia, ere Ualare la lula auke haiiri ita sukaererea, aeata lōfeare vei ere Ualare sa otoare ōpe lea etau la maravi la roroa.

Heberu 9:28

Lōfeare mai ita Keriso ta elore maea la omopa posaseōpe karu rauapo ve iri kaiae la taiovai vei. Aea are ata pisiri voa forerai roi, iri kaiae la lei haura leiti vei kasirau, a—, arero au tai vovo roroaita lea karu la fareōvi lei makuri leiti vei.

1 Petero 1:13

Lea vei eve haiiri ovoako lei, haisukafori roroava, aea Iesu Keriso areve elore maea la pisiri muiaita soa voa e sa ovai vei leipeta lea haiforoe leita meru la eve haiiri foromai ita au tai vovo roroava.

1 Petero 4:13

A—, e Keriso sa leitita hehea are ita fareho leipeta lea vei hailareva leitia; aite voa areve sosorusosoru pisiri voa muiaita lea soa e hailareva foromai rovaea kofa leiti roi.

1 Petero 5:1

Soka e voa pepeita opasora‐sora karu la kureaita o meha. Ara ta omopa sora karu aea ara ta Keriso sa leipe hehea la ofae eovi okofa moita karu aea, muiai vei leitita lea sosorusosoru voa ara ta soa ita karu aea.

2 Petero 1:3

Ualare ve siahu sa ereitaro etau foromai la miōri la roroa, ereita Ualare sa haikaeaita haiiri feare makuri lei roroai vei, areve elore sosorusosoru aea lareva‐eiteapo voa ereitaro isōpe lea Vita vei.

1 Ioane 3:2

Haikakare leita paumarehari e, ereita faitora Ualare ve atutemori, a—, ereita aite mai leafeare roroava roi, lea etau ereita haiiri ovava leitia kao. Ereita mea la haria ore, Keriso sa pisiri lei foreraita soa, ereita areve soso feare leiti roi, ipi ereita areve soso kofa la ofae eavai roi.

Iuda 1:1

Iuda, Iesu Keriso ve fasaita sarufa, Iakobo ve marehari, sa itapaita karoro meha; Oa Ualare sa haikakare lei, erero haikaea isa, aea Iesu Keriso sa kiva lei roroaita lea karu veia.

Iuda 1:24

E safosafoa levi putoi vei ero kiva leita ore Ualare, aea ero maita maealolo auke ita maravi, areve sosorusosoru ve omopa voa hailareva ita ero vipaita ore leita lea Ualare,