1 Petero 1:4 - Testamenta Áre 1983 (Toaripi PNG)

⁴ Ualare sa areve karu vei kiva leipeta lea etau lareva‐lareva la aite soa voa maravai vei. Are lea etau firufiru la e vei aiperovi kekese lei kauri voa kiva lei, lōvoa ere puruta auke, sirisiri auke aeata fefeopai auke ita laisisea.

1 Petero 1:4 Iomraidhean Croise

Mataio 25:34

Soka King areve mai toare voa pepeita karu la mō ari roi, Kotiria, arave Oa sa lei lareva leita karu e, mearovaeka la pisosipe soa voa e vei kekese leita basileia la ovaia.

Mareko 10:17

Soka are otiharo voa maea lei terai vei leipe soa, karu aea arero tai soea vo koti, areve omopa voa sukakoka avi, arero lalasi mō leipe, Satiriaraita vita lareva e, ara etau etau lekōru la lei peita makuri aite ovai vei?

Aposetolo 20:32

Soka faitora ara Ualare ve kiva voa aea areve haiforoe ve meru ve o voa ero miavaita meha. Are sa ero lei rofo leitita ore, aea aite kofa voa soa lareva ta ero miaraita ore, are sa areve safu karu foromai vei miavi kiva leita lea oti lareva voa.

Aposetolo 26:18

A sa ereve ofae la lei feferopea, ere murumuru kiripi ovava voa kerori vei; aea Satani ve siahu ta kiripi Ualare tai kerori vei, aea ipi ere araro sukaerereaita lea vei ereve iri kaiae la felaukea mutapi, ere ereve hasu la ovai roi Ualare sa haikaea ovaita lea karu ita farehoria.

Roma 8:17

Ereita areve atutemori leitita, a—, ereita ta hasu, Ualare ve hasu Keriso ita farehoria maravaita karu; ipi ereita are ita fareho hehea leitita, a—, ereita are ita fareho sosorusosoru lōri leiti roi.

1 Korinito 9:25

Havohu ve maea avoha lei roroaita lea karu ere maea sa haikaeaita lea etau foromai kiva leititore, ere fefeopaita tolotolo kekeva tava la ovai vei; a—, ereita peita kekeva ovai vei leititore.

Galatia 3:18

Ualare sa miaraita meru Safu O sa lei ovait’ oria, a—, arero otoare vei levi miarai lare. A—, Ualare lea meru Abrahama la miarōpe ipi are sa ōpe otoare eavia.

Efeso 1:11

Etau foromai la Ualare sa lei vovea usoso areve haikaeaita lea haiiri feare; aea are ereitaro haikaea ovōpe ereita Keriso voa Ualare ve karu kofa leiti vei, usoso are sa oarehōva soa voa kekese leipe lea haiiri feare.

Efeso 1:14

Lea Arahoha are Ualare sa areve karu la miarai vei otoare ōpe etau ve toare firu. Arero miarōpe ipi areve karu foromai la paparaea ata totamaravai vei, ere areve sosorusosoru la maeatita karu leiti vei.

Efeso 1:18

Arave loki o ta meha, eve haiiri ve ofae ovava lei, are ero haikaea lei forerai vei isaita lea soa la taita ore lei, aea are areve karu la otoare arita lea pisoso ve sosorusosoru leafeare, lea ta ore leiti vei.

Kolose 1:12

E hailareva ita Oa la maeatia, ero lei usoso leitita lea Ualare, areve karu ita farehoria oti ovai vei areve ovava ve basileia voa.

Kolose 1:5

Ipi e sa tai vovo roroa e vei toutea miavaita lea etau ia kauri voa, usoso e sa Ovoro Lareva ve o kofa voa evera mapōpe lōfeare.

Kolose 3:24

Mea la ore leitia, Papuvita sa areve karu vei toea miavaita lea tava ta ero miarai roi, ipi e sa areve tivi lei roroaita lea Papuvita kofa Keriso reha.

2 Timoteo 4:8

Faitora haura leita mai vei topaita lea kekeva la ara vei kekese lei la eaea; Papuvita, seseōvaita Vita haura sa lea kekeva lea Sare kofa voa araro miōri topai roi; aea araro haria kasirau, a—, are sa foreraita soa la haikakare lei tai vovo roroaita lea karu foromai vei ta reha.

Heberu 10:34

Ipi e fasi pepeiape lea karu la maeaforoe lei, aea eve elore etauroro la irori ita faraiape lea mea, e hailareva ita morariape, ipi e ore e sa ovi roroaita lea etau lareva kofa ia aeata peita etau.

Heberu 9:15

Lea vei are sa Ualare, karu ita la lei totoeaita otoare áre la lei arita Vita; are areve opai voa siahu ia evera otoare ve soa voa safu la miroapaiape lea karu la opai voa fareōvi lei makuri leiti vei. Lōfeare voa Ualare sa isaita lea karu ere peita hasu la ovaita ore, usoso Ualare sa arita lea otoare feare.

Iakobo 1:11

Ipi sare patei siahu ita haea, kavuru la lei fefeopi, areve pupuri sisapi, aea areve maeahoa kaleitita reha. Pisoso karu ta lōfeare, are sa areve leita mai hariaharia ita meita voa, veverapi kaleiti roi.

1 Petero 3:9

Maealolo ve tava maealolo vei levi miaraia, aea o maealolo ve tava o maealolo levi moia; a—, ero o maealolo arita karu la tava o lareva la omoia. Ipi lōfeare mai leiti vei Ualare sa ero isa, ero o sa lei lareva leiti vei otoare ōpe.

1 Petero 5:4

Mamoe kiva harofave Vita la lei pisiri voa muiaita lea mea, e fefeopai auke leita makuri ve kekeva la ovai roi.

Apokalupo 21:27

A—, etau maealolo merava, ō maeamariti mai la leita karu, ō apeva karu lōvoa levi oropai roi, a—, Mamoe Mere ve makuri ve buka voa ereve rare rare la uka siseita lea karu sa haria.