1 Petero 1:21 - Testamenta Áre 1983 (Toaripi PNG)

²¹ E Ualare la are voa sukaerereaitore, arero opai voa moravi, aea fari sosorusosoru arero miarōpe lea Ualare. E Ualare la sukaererea aea arero au tai vovo roroai ve ipi Iesu Keriso voa.

1 Petero 1:21 Iomraidhean Croise

Mataio 28:18

Iesu erero tai koti erero o mei mō ōpe, Siahu foromai kauri voa aea mearovaeka ita voa araro miōri mea.

Ioane 12:44

Soka Iesu i mō isa moipe, Araro sukaerereaita lea karu araro haria la sukaerereaia kao, a—, araro itapōpe lea Ualare ta sukaerereaita reha.

Ioane 14:1

Eve haiiri kapekapea haisora lei lei vovo levi roroava. E Ualare la sukaerereaia, aea araro ta sukaerereaia.

Ioane 14:6

Iesu arero mō ōpe, Otiharo aeata okofa aeata makuri eite ara meha. Ara voa terai auke leitita lea karu farakeka Oa tai levi forerai roi.

Ioane 17:1

Iesu o lōri mei, areve ofae moravi kauri voa misilei mō ōpe, Oa e, soa foreraita meha; ave Atute la lei sosorusosoru leitia, Atute ta aro lei sosorusosoru leiti vei.

Ioane 17:24

Oa e, arave haikaeai meha, a araro miarōpe mea karu, ara peita oti voa ere ara ita fareho lei, ere a sa araro miarōpe lea sosorusosoru la ofae eavai vei; ipi mearovaeka forerai auke leipe soa voa a araro haikakare leiape eavia.

Ioane 17:5

Lea vei, Oa e, mearovaeka la pisosi auke leipe lea oarehōva soa voa ara a voa ovōpe lea sosorusosoru la ovi, araro faitora lei sosorusosoru leitia ave omopa voa.

Ioane 3:34

Ipi Ualare sa itapi meita lea vita Ualare ve o la moi vovea; aea Ualare arero Arahoha la miaraita lea mea are hiake hiake ta miarai sore.

Aposetolo 2:24

A—, Ualare arero opai ve hehea voa arero felaukea paraea lei itoia reha, ipi opai sa arero ovi aieraita ore kao.

Aposetolo 3:13

Abrahama, Isako, Iakobo ita ve Ualare, ereitave papa ve Ualare, are areve tivi vita Iesu la lei sosorusosoru lei mea. Eite e arero ovi gavana karu la miōri, Pilato ve omopa voa arero haiarara leitita, Pilato arero felaukea paraeai haikaeaivota lea mea.

Aposetolo 3:15

E makuri voa lariōvaita vita kofa, Ualare sa opai voa moravaia lea vita la lei paeaita; lea etau la ore lei okofa moita karu ela la roroa meha.

Aposetolo 4:10

e foromai Israela karu foromai ita mea ore leitia, Iesu Keriso, Nasareta karu, e satauro voa vitei paea, a—, Ualare sa opai voa moravaia lea vita ve rare vei arero lei lareva lei, eve omopa voa soi pōvi me meha.

Roma 10:9

Ipi Iesu are Papuvita lea o la ave ape sa vavavai oria, aea Ualare arero opai voa moravōpe lea la ave haiiri voa sukaerereai oria, a—, aro lōri lei makuri leiti roi.

Roma 4:24

A—, ereita vei ta reha. Iesu ereitave Papuvita la opai voa moravōpe lea Ualare la ereita sa sukaerereaita lea vei, haura o ereita vei ta lōri ari roi.

2 Korinito 6:15

Keriso ita Diabolo ita haiiri farakeka leafeare leiti roi ei? Sukaerereaita karu aeata sukaerereai auke karu etau fareho leafeare ovai vei ei?

Efeso 1:15

Lea vei e sa Papuvita Iesu la sukaerereaita, aea e sa Ualare ve karu foromai la haikakare araita lea fari la mapōpe soa itiiti faitora,

Kolose 1:27

Ipi Ualare sa haikaeaita haiiri meha, toruipi hariaharia voa areve karu la mea sosorusosoru rovaea ve hohore etau la muia lei ore leiti vei. Lea ve eite mōfeare, Keriso eve iri voa laipea, aea e lōfeare vei Ualare ve sosorusosoru voa soa ovai roi.

1 Timoteo 1:1

Paulo, Keriso ve aposetolo, ereitaro fareōvi makuri leita Ualare aea Keriso Iesu, ereita haikaea au tai vo roroaita lea Papuvita sa moipe lea vei, ara sa itapaita karoro meha;

1 Timoteo 3:16

Okofa‐kofa‐eite, ereitave Ualare la taivotaita ovoro are hohore o rovaea kofa: Are maeasarōva lei pisiri voa muia, Arahoha sa are vei haura o a’, aneru sa arero ofae eavōpe. Torutoru karu ve aru voa o are vei itoro a’, mearovaeka voa mapi sukaererea, sosorusosoru voa arero fareōvi pataipe.

Heberu 2:9

A—, soa taheka voa aneru ve ipi voa lei meiape lea Vita, Iesu la ereita faitora ofae la eavaipea, are opai ve hehea la leipe lea vei, are sosorusosoru aea rare rovaea ita kekeva feare topi laipea. Ualare maeaforoe sa leipe lea vei, Iesu karu foromai vei opōpe.

Heberu 6:1

Lea vei ereita Keriso vei lea ovoro ve oarehōva satiriaraita etau la miavi, etau hea la ata topiari haiiri sora ita seseōvi ore leitia. Ereita Ovoro Lareva ve ipi etau la malasa; erero ata satiriōri satiriōri ore leiti vei, haikaeaita mai lōfeare kao. Lea ipi etau e ore, ere meha: opaita tivi voa foreraita lea mai la kiripi, haiiri kerori Ualare la sukaerereai vei,

Heberu 7:25

Lea vei are rofo ia are voa Ualare tai haekao voa foreraita lea karu la lei makuri leiti vei, ipi are pea vovea ere vei Ualare la loki taupai vei.

1 Petero 1:11

Ere mōfeare ore leiti vei eliape, lea etau ve soa leasauka aeata areve forerai mai ta leafeare. Ereve iri voa peiape Keriso ve Arahoha sa soa leasauka erero muia, aeata Keriso hehea leiti mai aea aite voa forerai sosorusosoru vei o ta moiape.

1 Petero 1:3

Ereita ereitave Papuvita Iesu Keriso ve Oa Ualare la maeatia. Areve maeaforoe rovaea eavia, are ereitaro lei ata mi áre ari vei, are sa Iesu Keriso la opai voa ata moravōpe lea vei. Lōfeare voa ereita makuri áre ita au tai vovo la roroa,

1 Petero 3:22

Aneru aea harofave arahoha aea siahu karu ita la areve ipi voa erero lei ere arero kakeva lei, are kauri voa patei Ualare ve mai toare voa avi laisesea.