1 Petero 1:2 - Testamenta Áre 1983 (Toaripi PNG)

² Ereitave Oa Ualare sa ero evera ore lei haikaea maravi, aea areve Arahoha sa ero lei safu leipe, e Iesu Keriso la mapi kakeva lei, areve ovo sa totoa lei ovava leiti vei. Haiforoe leita meru aea tairu ita e voa lei rovaea leitia.

1 Petero 1:2 Iomraidhean Croise

Mataio 24:22

A—, lea sare sare la haruakao sarapai auke leitita, maeasarōva farakeka aea la lei makuri levi leiti roi. A—, ipi are haikaea maravi roroaita lea karu vei, Ualare lea sare sare la sarapi haruakao leiti roi.

Mataio 24:24

Ipi apeva Keriso rauapo aeata apeva peroveta karu rauapo forerai roi. Ere peise etau maeamaea aea haihava leita mai rauapo ita la muiai roi, ipi ere leitita ore lei leiti oria, a—, ere Ualare sa haikaea maravaita lea karu la apeva vuteai vei.

Mataio 24:31

Aea are areve aneru rauapo u rovaea ita itapi, are haikaea maravi roroaita karu la fareovaita mea ve soa orakaraka voa, aea soa kauri ve itua itua‐tao voa kokorukai roi.

Mareko 13:20

A—, Papuvita lea sare sare la haruakao sarapai auke leitita, a—, maeasarōva farakeka aea la lei makuri levi leiti roi. A—, ipi are haikaea maravi roroaita lea karu vei, are lea sare sare la sarapi haruakao leiti roi.

Mareko 13:22

Ipi apeva Keriso rauapo aeata apeva peroveta karu rauapo forerai roi. Ere peise etau maeamaea aea haihava leita mai rauapo ita la muiai roi, ipi ere leita ore leitita, a—, ere Ualare sa haikaea maravaita lea karu la apeva vuteai vei.

Mareko 13:27

Aite are aneru rauapo la itapai roi are haikaea maravi roroaita karu la fareovaita mea ve soa orakaraka voa, aea soa mearovaeka ve itua‐tao soa tetete itua‐tao aea voa, soa kauri ve itua itua‐tao voa kokorukai roi.

Luka 18:7

Soka Ualare sare ita faita ita arero fi ō vovo roroa, are sa haikaea maravaita lea karu la lei haura levi leiti roi ei? Are erero toarai vei lekaleka leiti roi ei?

Aposetolo 15:18

Papuvita lea o la moipea; are mea etau la evera soa voa itiiti faitora lei ore leititore.

Aposetolo 2:23

Ualare sa usoso areve evera haikaeai aea areve ore leipe feare, mea vita la eve siahu voa miōri, e arero lei safu haveva leita karu ve mai sa satauro voa vitei paeaia reha.

Aposetolo 20:32

Soka faitora ara Ualare ve kiva voa aea areve haiforoe ve meru ve o voa ero miavaita meha. Are sa ero lei rofo leitita ore, aea aite kofa voa soa lareva ta ero miaraita ore, are sa areve safu karu foromai vei miavi kiva leita lea oti lareva voa.

Roma 1:5

Are voa Ualare sa araro maeaforoe lei ara aposetolo lei mei vei, ara areve rare vei toruipi‐ipi foromai voa karu la lei haiiri kerori sukaerereai kofa leiti vei.

Roma 1:7

Ualare sa haikakare leita aea safu karu leiti vei isōpe Roma karikara voa pepeipeta karu e, e foforoe lareva. Ualare, ereitave Oa aeata Papuvita Iesu Keriso voa foreraita maeaforoe ve meru aea tairu ita e ita lei pepeava.

Roma 11:2

Ualare are evera soa voa ore leipe lea toruipi karu la sukavuteaia kasirau. Safu Buka ve o Elia ve fari voa e lea la ore kao ei? Are Ualare ve omopa voa o serea ita havara Israela la paraea mō ōpe,

Roma 11:28

Iuda karu ere Ovoro Lareva la sukavuteaita lea vei ere Ualare ve ote karu, aea e lareva soa lōri ovai; a—, ipi Ualare ereve papa la haikaea maravōpe lea vei are erero haikakare araitore.

Roma 15:16

ara Keriso Iesu ve tivi toaraita vita toru hariaharia karu vei tivi leiti vei. Ara maso tivi karu feare lei, Ualare ve Ovoro Lareva la itoro ari vei, toru hariaharia karu la maravi erero lei, Safu Arahoha sa lei ovava leita meru feare Ualare ve omopa voa omopa posaseai vei.

Roma 16:19

Ipi eve haiiri sa kakeva leita mai ve fari karu foromai sa mapi fafarapaiape. Lea vei ara e vei hailareva lei vovea, aea ara mea la haikaeai, e haiore karu etau lareva voa leiti vei, a—, etau maealolo voa e haiivavu karu leiti vei.

Roma 16:26

A—, faitora lea hohore o a peroveta karu ve karoro voa pisiri mui ita meha, aea peita Ualare sa moita lea vei toru hariaharia karu foromai ta mapi ore loi, karu foromai la lei ere Ualare la sukaererea kakeva leiti vei.

Roma 8:13

Ipi e sarōva sa haikaeaita lea mai feare lei vovo roroait’ oria, e opi kaleiti roi; a—, e Arahoha sa lei eve mai kaiae la paea opait’ oria, e makuri leiti roi.

Roma 8:33

Ualare sa haikaea maravaita lea karu la havara leisa paraeai roi ei? Erero seseōvi haura o moita vita are Ualare reha.

1 Korinito 1:30

Ualare sa ero Iesu Keriso voa lei makuri ero lei roroa, aea Keriso Iesu voa haiore aea haura aea taivotaita mai aea makuri leita siahu ita la ereitaro miōri la roroa.

1 Korinito 6:11

Eve karu hea evera lōfeare mai la lei vovo roroaiape, a—, ero ma uka ovava lei, ero safu sa lei lareva lei, aea Papuvita Iesu Keriso voa aea ereitave Ualare ve Arahoha voa ero lei haura lei la roroa meha.

2 Korinito 10:5

Ela karu ve o serea la lei safutea, aea Ualare ve haiore la elapaita mare lōva foromai la toa foforuka, aea karu ve seseōvaita haiiri la fasi Keriso voa lei kakeva leiti vei lariōva vovea.

2 Korinito 13:14

Papuvita Iesu Keriso ve haiforoe leita meru, aea Ualare ve haikakare ita, aea Safu Arahoha Lareva karu farehoria ita la toari peita mai, e ita forehori lei pepe peava.

Kolose 3:12

E Ualare ve karu; are ero haikakare lei areve elore vei ero haikaea maravōpe. Lea vei e mōfeare mai la puta feare mopaia: maeaforoe leita haiiri, haimafu, haiiri‐ipi, foroe hai, aeata mea savori kitou auke roroaita haiiri ta reha.

2 Tesalonika 2:13

Soka paumarehari e, Papuvita sa haikakare leita karu e, ela soa foromai Ualare la e vei maeati vovea. Ipi Ualare omopa kofa soa voa ero haikaea maravōpe, ero fareōvi lei makuri leiti vei, areve Arahoha ve siahu sa ero lei areve safu karu leiti vei, e okofa la sukaerereaita eavia.

2 Timoteo 2:10

Lea vei Ualare sa haikaea maravaita lea karu vei ara hehea foromai la morari vovea, erero fareōvi makuri lei, ere Keriso Iesu voa peita sosorusosoru ta ovai vei.

Tito 1:1

Paulo, Ualare ve fasaita sarufa aea Iesu Keriso ve aposetolo sa itapaita karoro meha. Ualare araro lei aposetolo leipe, are sa haikaea maravaita karu ve sukaerereaita haiiri la toari, aea areve haikaeaita mai la lei foreraita lea okofa la ere voa lei fafarapi,

Heberu 10:22

Lea vei ereita haiiri kofa ita, sukaerereaita haiiri foromai ita, Ualare tai hōiri forerai vei, ereitave haiiri la ma sa uka mai maealolo la kakeva leita haiiri la fari mutatapai vei, aea ereitave maea la ma ovava voa sukoi vei.

Heberu 11:28

Are sa sukaerereōpe lea vei, are Foapaita Sosoka la lei, aea uvi ve utape utape voa ovo sa roroai o moipe, lōfeare vei paca paca arita aneru are Israela ve lea atute toare foromai la mai levi mopai vei.

Heberu 12:24

E Iesu tai ta foreri laepepea, Ualare karu ita ve aru soa voa, totoeaita otoare áre la lei arita lea Vita; aeata tovusea siseita ovo voa, lea ovo sa moita o lareva ia, Abela ve ovo ve i la sapatai.

Heberu 5:9

Meme arero lareva ita lei kekese leipe lea mea, are peita makuri ve ipi Vita leipe arero mapi kakeva leitita lea karu foromai vei.

1 Petero 1:14

Ualare la mapi kakeva leitita atutemori feare leitia. E evera haihaveva ita haikakare maealolo la leiape lea mai feare levi leitia;

1 Petero 1:19

a—, tava rovaeka kofa ovo, Keriso ve ovo reha; arero usoso siaviri auke maita maealolo auke mamoe feare omopa posaseōpe.

1 Petero 1:20

Mearovaeka la pisosi auke leipe soa voa lōfeare mai leiti vei arero everori haikaea ovōpe, a—, soa sarapaita soa voa arero e vei muia vo la mea.

1 Petero 1:22

E faitora okofa la kakeva lei, eve ove la lei ovava lei, aea harapaharapa auke ita elore elore haikakare leitita lea vei, liri ita toto ita a’ elore elore haikakare araia.

1 Petero 2:9

A—, e Ualare sa haikaea ovōpe toruipi karu, king voa forerōpe maso tivi karu, safu toruipi karu, Ualare ve karu kofa; ero haikaea ovōpe e murumuru kiripi, areve haihava leita ovava voa lei foreraia lea Ualare, are sa soa haria leita lea mai la e itoro ari vei.

2 Petero 1:2

E Ualare aea ereitave Papuvita Iesu la ore lei, aea lōfeare voa haiforoe leita meru aea tairu ita e voa rovaea kofa leitia.

2 Ioane 1:1

Ara ekalesia opasora vita sa itapaita karoro meha, Ualare sa haikaea ovaita uasora‐apo aeata areve atutemori ita veia. Ara aro okofa ita haikakare lei meitore, aea ara haria kasirau, a—, ovoro okofa la ore leitita lea karu foromai ta reha,

2 Ioane 1:13

Ualare sa haikaea vo meita ave mea moriapo ve atutemori ere maeaforoe o aro la moipea.

Iuda 1:2

Maeaforoe aea tairu aea haikakare ita e voa lei rovaea leitia.