1 Petero 1:13 - Testamenta Áre 1983 (Toaripi PNG)

¹³ Lea vei eve haiiri ovoako lei, haisukafori roroava, aea Iesu Keriso areve elore maea la pisiri muiaita soa voa e sa ovai vei leipeta lea haiforoe leita meru la eve haiiri foromai ita au tai vovo roroava.

1 Petero 1:13 Iomraidhean Croise

Mataio 20:4

are erero mō ōpe, E ta vine oti teraia, aea ara seseōvaita lea tava haura ara lōfeare ero miarai roi. Soka ere terōpe reha.

Luka 12:35

Eve puta sii ve maea ovi aravaia, aea eve sasae‐a muia kekese leitia.

Luka 17:30

Karu ve Atute sa pisiri muiaita sare ta lōfeare leiti roi.

Luka 17:8

Kasirau! a—, e arero mō moi roi, Arave larietau pisosi, ave mate fasi, larietau araro omopa posasea, ara larietau ma ita la’ roroka lei, aite a ta larietau ma ita laria.

Roma 13:13

Sare ovava voa leita mai kofa feare ereita roroava; e havohu maealolo mai, uaina la’ la’ maeakakare leita mai ita, herei, ua ita vita ita la ofae fofoisaita mai, o serea elore elore, karu ve etau la ovai vei haikakare leita mai voa levi roroava.

Roma 8:19

Ipi Ualare sa pisosiape etau foromai Ualare ve atutemori la pisiri voa muiaita soa vei haihahari ita fofoisa tai vovea.

1 Korinito 1:7

lea vei e sa ovai auke leita meru aea eaeia kasirau, e Papuvita Iesu Keriso la pisiri muiaita soa la tai vovo roroaita lea mea.

1 Korinito 13:13

Soka faitora sukaerereaita haiiri, aea au taita haiiri, aea haikakare ita laepepea, lea oroisoria; a—, lea oroisoria ve rovaea kofa farakeka, haikakare are reha.

Efeso 6:14

Okofa la ovi kava feare eve sofa la suka, aea haura leita mai haiposa la sasaukaita auri feare aieri,

Kolose 3:4

Ereitave makuri ve eite Keriso reha, aea are pisirikao foreraita lea mea, e ta are ita sosorusosoru leita soa voa forerai roi.

2 Tesalonika 1:7

aeata e haisora leitita karu, ela ita farehoria lei haiorai roi. Are mai lōfeare leiti roi Papuvita Iesu areve siahu ve aneru ita farehoria kauri voa fafuka foreraita soa,

2 Timoteo 4:5

A—, a etau foromai voa haisukafori lei, tivi ve hehea voa kere lei, aea Ovoro Lareva la itoro a’, Ualare sa aro miarōpe lea tivi la lei kekese leitia.

2 Timoteo 4:8

Faitora haura leita mai vei topaita lea kekeva la ara vei kekese lei la eaea; Papuvita, seseōvaita Vita haura sa lea kekeva lea Sare kofa voa araro miōri topai roi; aea araro haria kasirau, a—, are sa foreraita soa la haikakare lei tai vovo roroaita lea karu foromai vei ta reha.

Heberu 10:35

Lea vei eve haiiri ve rofo levi sisapaia, lea rofo voa foreraita tava rovaea kofa.

Heberu 3:6

A—, Keriso are Atute maea lei, Ualare ve toruipi voa harofave vita mai la kakeva ita lei vovo meiape. Ereita haiiri rofo lei, ereita au taita etau vei hailareva ita sukaerereait’ oria, ereita areve toruipi lōfeare lei roroava roi.

Heberu 6:19

Lea haikaea taipeta makuri are rofo aea kekeapi eaeita vavaea fave feare ereitave ove vei, kauri ve tavaea puta lōva iri voa alaea Ualare ve omopa voa i a’ la eaea.

Heberu 9:28

Lōfeare mai ita Keriso ta elore maea la omopa posaseōpe karu rauapo ve iri kaiae la taiovai vei. Aea are ata pisiri voa forerai roi, iri kaiae la lei haura leiti vei kasirau, a—, arero au tai vovo roroaita lea karu la fareōvi lei makuri leiti vei.

1 Petero 1:10

Peroveta karu, Ualare ve haiforoe leita meru e voa forerai o la everori moiape lea karu, ere mea lei makuri leita siahu vei lalasi lei metakao eliape.

1 Petero 3:15

A—, eve haiiri voa Keriso la eve Papuvita feare taivotaia. Soa foromai eve ape voa moi o kekese lei roroava, eve taita haiiri ve eite la ero lalasi leita lea karu la tava o omoi vei,

1 Petero 4:7

Soka etau foromai la soa sarapaita soa haekao forerai vei la leipea; lea vei haisukafori kaeaia, ovoako lei, Ualare la loki lei vovo roroava.

1 Petero 5:12

Ara mea karoro harua la mei Silasi ve mai sa ukaita meha. Are ereitave marehari kofa, arave haiiri reha. Ara haikaeai ero kurea lei rofo leiti vei, aeata ero o mō la moi, Ualare ve haiforoe leita meru kofa meha; are voa kere pavaia.

1 Petero 5:8

Haisukafori kaea, ovoako lei vovo roroava. Eve ote karu, Diabolo reha, huhururu oita liona feare, kerori kerori a’, are ore lei la’ haroavai vei leita lea karu la eli vovo la mea.

1 Ioane 3:3

Lea haiiri ita haikaea taita karu foromai ereve elore haiiri la lei ovava lareva ita leititore, usoso Keriso ta ovava‐eka ita meita lōfeare.