1 Petero 1:12 - Testamenta Áre 1983 (Toaripi PNG)

¹² Ualare lea peroveta karu la lei ore leiape, ere omoiape lea o ve eite ereve elore lareva vei kasirau, a—, e vei. Kauri voa itapōpe Safu Arahoha sa lei Ovoro Lareva ero itoro ape lea karu ve ape voa e faitora lea o ve eite la mapi ore lei la roroa meha. Eite aneru ere lea etau la ofae eovi ore leiti vei haikaeai rovaea kofa.

1 Petero 1:12 Iomraidhean Croise

Mataio 11:25

Lea mea Iesu o mō moipe, Oa, kauri ita mearovaeka ita ve Papuvita e, ara aro maeati ipi a mea etau la haiore ita haiiri pisasa ita karu voa arorisa laisisea, a—, erero haiiri tero karu la muiai.

Mataio 11:27

Etau foromai la arave Oa sa araro miōri laisisea. Karu farakeka aea Atute ve eite kofa la ore kasirau, a—, Oa sa haria; aea karu farakeka aea Oa ve eite kofa ta ore kasirau, a—, Atute sa haria, aeata Atute sa Oa la muiai haikaeaita lea karu ta reha.

Mataio 16:17

Iesu tava o arero mō ōpe, Simona, Iona ve atute e, a lareva ia, ipi maeasarōva aea ovo ita sa lea etau aro satiriarai kao, a—, arave kauri voa peita Oa sa haria.

Mareko 16:15

Soka are erero mō ōpe, Mearovaeka foromai voa teraia aea Ovoro Lareva la makuri karu foromai voa itoro aria.

Luka 15:10

Ara ero o mō la auai, Lōfeare areve mai kaiae vei haiiri kerorita lea karu farakeka vei kauri ve aneru ta hailareva leiti roi.

Luka 2:26

Safu Arahoha Lareva sa arero ta o mōri moipe, Are levi opai roi, pepepe are Papuvita ve Keriso la ofae eavai ao.

Luka 9:6

Soka ere maea lei karikara haroharo voa te Ovoro Lareva itoro a’, eka karu la lareva lei vovo roroaipe otioti foromai voa.

Ioane 15:26

Toaraita Vita, ara Oa voa ero tai itapai vei leita Vita, Oa voa pea foreraita okofa ve lea Arahoha, are foreraita lea mea, are sa o ara vei moi roi.

Aposetolo 10:44

Petero sa lea o la moiape soa Safu Arahoha Lareva lea ovoro la mapaiape karu foromai tai arori voa faukōpe.

Aposetolo 16:10

Are auka paea roroka lei itei, ela utohoa Makedonia voa ufai etau vei eliape, ipi ela hai mō seseōvōpe, Ualare sa elaro isai Ovoro Lareva la erero lōvoa itoro ari vei.

Aposetolo 2:33

Soka Ualare sa areve mai toare voa arero moravi vipi aea Oa sa miarai vei evera ōpe otoare ve Arahoha Lareva ta ovi, e ofae eovi mapaipeta mea etau are sa ela voa itapi la me meha.

Aposetolo 4:31

Ereve loki o roroka leipe lea mea, ere kokoruka pepeiape lea oti lulalula a’, ere foromai Safu Arahoha Lareva sa soa’, Ualare ve o ape karōva ita sukavaiape.

Aposetolo 4:8

Lea mea Petero Safu Arahoha Lareva sa soa’ erero mō ōpe, E karikara harofave karu aea Israela ve opasora‐sora e,

Aposetolo 8:25

Soka ereuka Papuvita ve o la okofa mei, itoro a roroka lei, ereuka Ierusalema voa ata kerori Samaria karikara rauapo voa Ovoro Lareva la itoro ōvovo pataipe.

Roma 1:15

Lea vei ara haiiri rovaea ia, e Roma voa pepeita karu ve omopa voa Ovoro Lareva ta itoro ari vei.

Roma 1:17

Ipi lea Ovoro Lareva voa Ualare sa karu la lei haura leita mai la pisiri muia vovea, lea mai ve oarehōva aeata sisa etau sukaerereaita haiiri reha; usoso Safu Buka voa mōri uka siseita o feare, Sukaerereaita haiiri sa Ualare ita lei haura leita lea karu ere makuri leiti roi.

Roma 10:15

Aea ovoro ta leafeare itoro ari roi, meu karu la itapai auke leitit’ oria? Usoso Safu Buka ve o feare. Fari lareva la mei foreraita karu fororoe ere reha.

Roma 15:19

Siahu ve peise aeata haihava leita etau ita la Ualare ve Arahoha ve siahu sa leiape; lōfeare vei soa Ierusalema soa isei isei Ilurikuma voa, ara Keriso vei lea Ovoro Lareva la itoro ōvovo isei isei roroka lei mea.

1 Korinito 2:10

Soka Ualare areve Arahoha sa lei, lea etau ereitaro muiōpe. Ipi areve Arahoha etau foromai la eli vovea; okofa, Ualare ve toru iri voa siseita lea etau.

2 Korinito 1:22

Are elaro areve rare peise ita sasari, aea miaraita toare etau vei areve Arahoha la elave haiiri voa lei vifarapi la eaea.

2 Korinito 6:6

A—, ela haiiri ovava ita, haiore ita, au morarita mai ita, aea maeaforoe ita lei, ela Ualare ve tivi karu Safu Arahoha Lareva voa aea maeaforoe kofa voa roroaita la muia vovea.

Galatia 1:12

Ara arero karu voa ovai kasirau, aea karu sa arero araro satiriarai kasirau; a—, Iesu Keriso are kofa sa arave haiiri voa lea Ovoro la satiriōri muiōpe.

Galatia 1:16

Are areve Atute la arave haiiri voa muiōpe, toru hariaharia karu ve aru voa areve Ovoro Lareva la itoro ari vei; lea mea ara karu farakeka aea ita laua sukōvi lōri terai kao;

Efeso 3:10

Ipi mea faitora soa voa Ualare ve haiovoro mai hariaharia rauapo la, kauri soasoa ve harofave karu, siahu karu ita la lei, ekalesia voa ofae eovi ore leiti veia.

1 Tesalonika 2:9

Paumarehari e, ela tivi pasou lei maea‐uti ita sisapavota mai la haikaeaia. Ela sare ita faita ita tivi lei vovo roroavota, ela eve karu aea la lei heafo levi leiti vei, ela Ualare ve Ovoro Lareva ero itoro popōvi ōvota lea mea.

1 Timoteo 3:16

Okofa‐kofa‐eite, ereitave Ualare la taivotaita ovoro are hohore o rovaea kofa: Are maeasarōva lei pisiri voa muia, Arahoha sa are vei haura o a’, aneru sa arero ofae eavōpe. Torutoru karu ve aru voa o are vei itoro a’, mearovaeka voa mapi sukaererea, sosorusosoru voa arero fareōvi pataipe.

Heberu 11:13

Lea karu foromai sukaerereaita haiiri ita opaiape. Ere Ualare sa otoare ōpe lea etau ve eite la ovai kao, a—, ere lea etau la ára‐ita hailareva sa lei fofoisaiape. Ere eite mearovaeka voa toruipi haria karu aeata oti haria karu, ere lea la milafukai kasirau.

Heberu 2:4

Ualare ta peise ita, haihava leita etau ita, aea siahu ita leita mai la lei, aea Safu Arahoha ve meru hariaharia ta au miaraiape, areve haikaeaita haiiri lōfeare, lea o ve okofa la are lōri lei muiaiape.

Heberu 4:2

Ipi Ovoro Lareva ereita voa itoro ape, ere voa ta lōfeare; a—, ere mapaiape lea ovoro sa erero lei lareva leiti kasirau, ipi lea o la mapaiape karu arero ovi sukaerereai auke leiape eavia.

1 Petero 1:25

a—, ereitave Ualare ve o pepe lōri peava roi. Lea o ero itoro oita Ovoro Lareva reha.

1 Petero 4:6

Ipi lōfeare vei Ovoro Lareva opōpe karu voa ta itoro ōpe, ereve maeasarōva voa seseōvi tava erero miōri roroka leipe, usoso karu foromai ta lōfeare; a—, ere arahoha voa makuri leiti vei, Ualare sa makuri meita lōfeare.

Apokalupo 5:11

Lea mea ara ofae fofoisa, aea aneru sitavu ve i‐ape la mapōpe; ere terona aea makuri etau orakaraka aea opasora‐sora ita la eakoa toepi soi pepeiape, ere siviri siviri‐eiteapo.