1 Petero 1:1 - Testamenta Áre 1983 (Toaripi PNG)

¹ Petero, Iesu Keriso ve aposetolo ve karoro meha; toa fafarapi Ponito aea Galatia aea Kapadokia aea Asia aea Bitunia voa oti haria karu fefeare lei pepeita lea karu veia.

1 Petero 1:1 Iomraidhean Croise

Mataio 10:2

Lea aposetolo karu twelve ve rare rare meha: omopa Simona, Petero rare aravōpe lea vita, aea areve marehari Anderea, aea Iakobo Sebede aeata areve marehari Ioane,

Mataio 24:22

A—, lea sare sare la haruakao sarapai auke leitita, maeasarōva farakeka aea la lei makuri levi leiti roi. A—, ipi are haikaea maravi roroaita lea karu vei, Ualare lea sare sare la sarapi haruakao leiti roi.

Mataio 4:18

Are Galilea ve Sitoi ve miri voa orapa vovo terōpe soa, are paua ita marehari ita la ofae eavōpe, Simona, Petero rare aravōpe lea vita aea areve marehari Anderea ita, ereuka loko la toaiape, ipi ereuka ekaka tapora karu eavia.

Luka 18:7

Soka Ualare sare ita faita ita arero fi ō vovo roroa, are sa haikaea maravaita lea karu la lei haura levi leiti roi ei? Are erero toarai vei lekaleka leiti roi ei?

Ioane 11:52

A—, lea toruipi vei haria kasirau, a—, ipi Ualare ve toa fafarapaita lea atutemori la lei kokoruka firu farakeka leiti vei.

Ioane 7:35

Lea mea Iuda karu o elore elore mō ōpe, Mea vita leavoa terai roi, aea ela arero eli levi sukaeai roi ei? Are Helene karu ve aru voa fafarapi pepeipeta Iuda karu tai te Helene karu la satiriarai roi ei?

Aposetolo 18:2

Lōvoa are Iuda karu farakeka aea la sukaeōpe, areve rare Akuila, are Ponito voa mi ōpe karu; are areve ua Perisika ita Italia kiripi kotipe, ipi Roma Kaisara Klaudio Iuda karu foromai Roma karikara kiripai vei omoipe eavia.

Aposetolo 18:23

Are lōvoa soa taheka savori peiape. Aite are maea lei, Galatia ve soa aeata Furugia ve soa ve aru voa sariva lei kei kei, Iesu la sukaerereaita karu foromai la rofo leiti vei kureaiape.

Aposetolo 19:10

Lea mai sisoro orakoria voa lōri leiape; lōfeare vei Asia voa pepeiape karu foromai, Iuda karu aeata Helene karu ita Papuvita ve o la mapaiape.

Aposetolo 6:9

A—, karu hea sa arero sukavutea haiarara leiape. Ere fasaita tivi voa paraeōpe karu firu ve sunako karu hea, Kurene aea Alesanderea karikara karu. Ere aea Kikilia aea Asia ita ve soa ve karu, Setefana ita o serea elore elore ape;

Aposetolo 8:4

Soka toa liōveōpe karu sa Ovoro Lareva la mea foromai voa itoro ōvovo terōpe.

1 Korinito 16:19

Ekalesia firufiru foromai Asia voa maeaforoe o ero auai. Akuila auka Perisika ita ta maeaforoe o rauapo ero la aipea, aea ereukave uvi voa kokoruka roroaita ekalesia ta reha.

2 Korinito 1:8

Paumarehari, e, ela haikaeai ela Asia voa leivota lea haisora ve fari la e ore leiti vei; ela haiiri eae pasou rovaeka lei elaro safori, rofo foromai ta veverapi kalei, ela elave makuri vei haisafi kaleivota.

Galatia 1:2

Arao aea ara ita fareho pepeita paumarehari foromai ita mea foforoe o Galatia voa pepeita ekalesia foromai tai la itapai meha.

Efeso 2:12

Lea soa voa e Keriso ve maria voa lei, Israela ve basileia auke karu lei roroa, Ualare sa evera ōpe otoare voa soa ovai auke lei, etau lareva la taita haiiri auke lei, mearovaeka voa Ualare auke ita roroaiape.

Efeso 2:19

Soka e faitora oti haria karu aeata toruipi haria karu kasirau, e Ualare ve karu ita fareho karikara farakeka karu, aea e Ualare ve maiape karu.

2 Timoteo 1:15

A fari ore Asia voa pepeita karu foromai araro kōutoa la roroa, Fugelusu auke Heremogene ita ta ereve karu oraka reha.

Heberu 11:13

Lea karu foromai sukaerereaita haiiri ita opaiape. Ere Ualare sa otoare ōpe lea etau ve eite la ovai kao, a—, ere lea etau la ára‐ita hailareva sa lei fofoisaiape. Ere eite mearovaeka voa toruipi haria karu aeata oti haria karu, ere lea la milafukai kasirau.

Iakobo 1:1

Iakobo, Ualare aea Papuvita Iesu Keriso ve sarufa vita ve karoro meha; mearovaeka foromai voa fafarapi pepeita toruipi‐ipi twelve veia; e foforoe reha.

1 Petero 2:11

Arave haikakare leita karu e, ara ero loki e elore mea auke lei maea merava ita roroaita lea vei, e maeasarōva sa haikakare leita etau maealolo, eve ove ita marehaukaita lea etau la haiarara lei kiripaia.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

Apokalupo 1:11

mō ōpe, A ofae eavaipeta mea etau la buka voa ukaia, aea arero ekalesia seven voa itapaia, Efeso voa, aea Semurana voa, aea Peregamo voa, aea Tuatira voa, aea Saradisi voa, aea Filadelefia voa, aea Laodikea voa.