Mak 5:2 - Tinputz

² Eꞌ to këkëh takin ko non maꞌ o paröꞌ, ka teꞌ to teꞌ me non a oraꞌ hat taneꞌ maꞌ po vapeepe nö en maꞌ pa ep peꞌ.

Mak 5:2 Iomraidhean Croise

Mak 1:23

Manih po poen pamëh a pah teꞌ to teꞌ non koman iuun hinhin soneꞌ, no a pah oraꞌ hat to teꞌ non peꞌ, eꞌ to pah kokoeꞌ suntan en pareꞌ soe pan,

Mak 1:26

Ka oraꞌ hat pah kö suntan en pa teꞌ pamëh, pareꞌ pah kokoeꞌ suntan en, ko këh tavus en peꞌ.

Mak 3:30

E Ieesuꞌ to soe va nën suk a ma teꞌ varih to nat ne pa taateꞌ, eꞌe to sosoe ne pan, “Eꞌ to teꞌ me non a oraꞌ hat.”

Mak 3:9

Ke Ieesuꞌ taꞌ a ma vamomhë peꞌ pan, eꞌe se rëh vatët maꞌ to paröꞌ, keꞌ se tok, suk a napan to peo tomaꞌ tot vavah in poë.

Mak 4:1

E Ieesuꞌ to taneo hah en pa vavaasis a ma napan manih sinten a tonon va Galiliꞌ. Ka napan o pöh peo to tönun pa havin e Ieesuꞌ. Ivëh, keꞌ peah en po paröꞌ, pareꞌ ihoꞌ non, ko paröꞌ atan non pa tonon, ka napan teꞌ ne manih sinten tonon.

Mak 4:36

Kee këh ee maꞌ pa nap peo, pare peah ee po paröꞌ vëh ne Ieesuꞌ to tok vovoh vu non. Ko vamomhë peah töön ee pe Ieesuꞌ, kee nö vaꞌpeh ee. Ee to këh ee pa ma meh paröꞌ nee to pët teꞌ vu ne.

Mak 5:21

E Ieesuꞌ to tok pahan hahah kov en po paröꞌ me ra ma vamomhë peꞌ pa pap tonon vöh. Manuh pa pap tonon vöh, ee to takin, ka napan tönun vatët hahah kov ee maꞌ manih peꞌ.

Mak 5:3

A teꞌ pamëh no a oraꞌ hat to teꞌ non manih peꞌ, keꞌ kokoroh non maꞌ sih po vapeepe, ahik ta pah teꞌ to onöt non a nohnoh poan po to uris eh.

Mak 5:8

A oraꞌ hat to soe va nën, suk e Ieesuꞌ to soe pan, “Oraꞌ hat, tavus këh mah a teꞌ maneom.”

Mak 7:25

Ka pah köövo no a oraꞌ hat to teꞌ non sih manih pe semoneah, to pënton a soe va pe Ieesuꞌ to teꞌ non nën, pareꞌ vëvëhöꞌ rakah en maꞌ manih peꞌ, pareꞌ vuꞌ vatët en manih pa moneah.

Luk 8:27

E Ieesuꞌ to kukunah këh ko non o paröꞌ, ka pah teꞌ va pa vöön pamëh no oraꞌ hat to teꞌ ne manih peꞌ, nö en maꞌ manih pe Ieesuꞌ. Pa ma tamoaan no o oraꞌ hat to teꞌ ne pa teꞌ pamëh. A ma napan to matop ne poë, ko nohnoh ne sih poë po uris eh. Ivëhkëk, eꞌ to kukurus e non sih po uris eh me a ma meh tah. Pareꞌ nönö non pa moeh upin. O oraꞌ hat poë varih to teꞌ ne pa teꞌ pamëh, ka ma tamoaan neꞌ to hikta kokoroh non iuun, pareꞌ teꞌ pehpeah e non ko teꞌ non sih po vapeepe. Keꞌ nö maꞌ manih pe Ieesuꞌ, ke Ieesuꞌ hi poan, “A ëhnöömah eteh?” Ko oraꞌ hat soe pan, “A ëhnanmöm, ‘a Nap Peo’, suk emöm to peo to teꞌ hop nem pa teꞌ vëh.” Ko oraꞌ hat poë varih pah kokoeꞌ suntan kee pe Ieesuꞌ pan, “Eën se nat nom vanö a möm manuh po suraꞌ ësës tamoaan.” Ke Ieesuꞌ siröꞌ en po oraꞌ hat se tavus këh a teꞌ pamëh, ivëh, ko oraꞌ hat kokoeꞌ koe ee manih pa teꞌ pamëh, pare kokoeꞌ vaꞌpuh, ko soe pan, “Ieesuꞌ eën e Koaꞌ pe Sosoenën A Kikis Vi, eën se nok ataeah manih pemöm?” Ee to hin vakis e Ieesuꞌ, pare soe pan, “Ieesuꞌ, eën se nat nom vakmis a möm.”

Luk 9:42

E koaꞌ to nö maꞌ manih pe Ieesuꞌ, ka oraꞌ hat vi en pe koaꞌ manih po oeh, keꞌ rikrik e non. Ke Ieesuꞌ siröꞌ a oraꞌ hat, keꞌ këh en pe koaꞌ. E Ieesuꞌ to vatoꞌ en pe koaꞌ, pareꞌ heꞌ hah en pe tamaneah.