Mak 10:18 - Tinputz

¹⁸ Ke Ieesuꞌ hi poan pan, “Vahvanih kën pokaꞌ a neoꞌ a vih? Ahikta pah teꞌ vih. E Sosoenën varoe a paeh a vih.

Mak 10:18 Iomraidhean Croise

Matiu 19:17

Ke Ieesuꞌ piun poan, pareꞌ soe pan, “Vahvanih kën hi a neoꞌ pan, ataeah to vih non? E Sosoenën varoe ko a paeh to vih non. Ivëhkëk, eën se iu kon nom o toꞌtoꞌ tamoaan, eën se vatet rakah a taateꞌ pe Sosoenën.”

Mak 10:17

Ke Ieesuꞌ me ra ma vamomhë peꞌ taneo hahah kov ee pa suk a hanan, ka pah teꞌ vavaveo maꞌ manih peꞌ, pareꞌ vatokon en manih pa matan eah, ka teꞌ pamëh hi poan, pareꞌ soe pan, “Apuh vih, eöꞌ se nok ataeah, paröꞌ kon o toꞌtoꞌ tamoaan?”

Mak 10:19

Ke Ieesuꞌ soe ke poan pan, “Eën to nat e non pa ma taateꞌ ne Sosoenën to heꞌ voh e Mosës, ‘Koe a ip vamët a meh teꞌ, koe a nok a taateꞌ rëhrëh, koe a kaveo, koe a piuk in a meh teꞌ pën manih po vahutët, koe a piuk marën a öt akuk a tah pa meh teꞌ, parën ta non e tamömah pen e sinömah.” Eks 20:12-16, me Lo 5:16-20

Luk 18:19

Ke Ieesuꞌ soe ke poan pan, “Suk ataeah, kën pokaꞌ a neoꞌ a vih? Ahikta pah teꞌ vih. E Sosoenën varoe a paeh a vih.

Room 3:12

A napan kurus to heꞌ tonun voh ee pe Sosoenën, pare örakuk pa matan e Sosoenën. Ahikta pah teꞌ to nonok vavih non sih, Ahik rakah!” Sng 14:1-3

Jëmis 1:17

A ma taateꞌ vih me a ma heꞌ vihvih kurus to tataneꞌ ne maꞌ manuh pe Sosoenën. A ma heꞌ vih varih to heꞌ ne o maaka to tataneꞌ ne maꞌ pa Teꞌ vëh to nok voh a ma tah kurus, a potan, me a sivö me o vesun. A ma paeh pee to vapapanih vah e ne sih, pa ö nee to nönö vah ne manih pa akis. Ivëhkëk, e Sosoenën to vatoe tamoaan e non, ko heꞌheꞌ tamoaan e non pea pa ma heꞌ vih peꞌ.

1 Jon 4:16

Ea to nat e noꞌ, para vaman vakis va e no manih pan, manih po iu pe Sosoenën, eꞌ a pusun in a taateꞌ iu teꞌ. E Sosoenën koman eꞌ a pusun in a taateꞌ iu a meh teꞌ. Ka teꞌ vëh to iu non a meh teꞌ, e Sosoenën to vatös tamoaan me e non peꞌ. Keꞌ vatös tamoaan varuꞌ me e non pe Sosoenën.

1 Jon 4:8

Ko teꞌ varih to hikta iu ne o upöm teꞌ, ee to hikta nat ne pe Sosoenën. Suk ataeah, e Sosoenën, eꞌ a pusun in a taateꞌ iu teꞌ.