Luke 8:15 - TPV-RV (Thamma Pitakadaw)

¹⁵ ကောင်းမွန်သောမြေဆီလွှာတွင်ကျသောမျိုးစေ့ဆိုသည်မှာ ဘုရားရှင်၏နှုတ်ကပတ်တော်များကို ကြားနာရသောအချိန်တွင် သူတို့၏ဖြောင့်မတ်စင်ကြယ်သောစိတ်နှလုံး၌ မြဲမြံစွာသိမ်းဆည်း၍ လိုက်နာကျင့်သုံးကြသည့်အတွက် အသီးအနှံများ အဆတစ်ရာမျှ ဖြစ်ထွန်းကြသောအပင်များကဲ့သို့ဖြစ်လာကြပြီး ဘုရားရှင်နှစ်သက်တော်မူသောသူများဖြစ်လာကြ၏” ဟုမိန့်တော်မူ၏။

Luke 8:15 Iomraidhean Croise

Luke 11:28

ထိုအခါကိုယ်တော်က“ဤစကားဟာမှန်ပါ၏။ သို့သော်ဘုရားရှင်၏ မင်္ဂလာတရားတော်မြတ်ကို နာကြားရသူများသည်သာ အမှန်ပင် ကောင်းကျိုးချမ်းသာမင်္ဂလာအဖြာဖြာကို ခံစား ရတာဖြစ်တယ်”ဟုမိန့်တော်မူလိုက်လေသည်။

Luke 6:45

ထိုနည်းတူစွာ ကောင်းသောသူ၌ ကောင်းမွန်သောအတွေးများသာရှိသဖြင့် သူသည် ကောင်းသောစကားကိုသာဆို၏။ မကောင်းသောသူသည်ကား သူ၏စိတ်၌ မကောင်းသောအတွေးများသာရှိသဖြင့် မကောင်းသောအမှုအရာများကိုသာ ပြုတတ်၏။ ထို့ကြောင့် လူ၏ပြောဆိုသောစကားသည် သူ၏စိတ်နှလုံးရှိအတွေးအခေါ်များကို ဖော်ပြနေ၏” ဟုမိန့်တော်မူ၏။

Luke 8:14

ဆူးချုံပင်များအောက်ကို ကျသောမျိုးစေ့ဆိုသည်မှာ ဘုရားရှင်၏နှုတ်ကပတ်တော်များကို ကြားနာကြရသော်လည်း လောကီနှင့်ဆိုင်သောစိုးရိမ်ပူပန်ခြင်းများ၊ စည်းစိမ်ကြွယ်ဝခြင်းနှင့် ကာမဂုဏ်ခံစားခြင်းတို့ဖြင့် ကာဆီးပိတ်ဆို့ခံရသဖြင့် အသီးအနှံမဖြစ်ထွန်းကြပေ။ ထိုသို့အသီးအနှံမဖြစ်ထွန်းသောအပင်သည် လယ်သမားအတွက် အသုံးမဝင်သကဲ့သို့ ထိုသူတို့သည်လည်း ဘုရားရှင်အတွက် အသုံးမဝင်သောသူများဖြစ်ကြ၏။

Luke 8:16

တဖန် ကိုယ်တော်က “မီးအိမ်ကို မီးထွန်းညှိ၍ တောင်းနှင့်အုပ်ထားသောသူ သို့မဟုတ် အိပ်ကုတင်အောက်တွင် ဝှက်ထားသောသူဟူ၍ မရှိ။ ဝင်လာသောသူများ အလင်းရောင်ရစေရန် မီးအိမ်ကို မီးတိုင်ပေါ်တွင်သာ ချိတ်ဆွဲထားလေ့ရှိသည်မဟုတ်လော။