SAN MATEO 3:14 - Tepehua Pisaflores

¹⁴ Pero an Juan jantu ixma'paxaputun, yucha juniy: ―Kit'in iknajun uxint'i ak'ima'p'axat'i chi uxint'i kit'ini k'ila't'ant'a.

SAN MATEO 3:14 Iomraidhean Croise

SAN MATEO 3:13

An Jesús minchalhi sta xalakaat'un Galilea chi la'cha'alhi an Juan, para li an Juan kama'paxalhi an Jesús an ayxkan Jordán.

SAN MATEO 3:15

Pus an Jesús alhtaylh juniy: ―Ak'ima'p'axat'icha chaway, mu chuncha lhitask'iniy li ka'ilhtuw yu oxi lhiwilay an Dios. Pus an Juan ma'paxalhcha an Jesús.

SAN LUCAS 1:43

¿Tasu li kit'incha kila'minta pixiyalhna an ixnati kiJamach'alhkati?

SAN JUAN 1:16

Yucha pula'a'i'oyaw wa tuchicha, chi yucha ali ali lalhawayi ixjamapayninti.

ROMANOS 1:13

Kint'ala'awnin, kit'in iklakask'in li k'ak'ats'at'iti li a'lhuwcha ikla'amputunacha'aw la'ts'inin, pero sta chaway wa tanlhuncha kila'mama'tijlay. Yu sawalhcha iklakask'in kit'in, ikla'a'tayjuputunawi li oxicha k'ajak'iklak'a'inint'it tacha ijka'a'tayjutacha ali'in lapanakni yu jantu judiojnin.

ROMANOS 3:23

Ta lhichuxi ilhtukalh tala'alhin, pus jantu xamati yu waniycha katsukulh tan an alhp'as wilh Dios.

ROMANOS 3:25

An Dios ilhtulhi li yucha an Cristojo yu akintapumala'mixinikan kintala'alhink'an, akxni an maj'alh xak'alhni. Chi para li akimala'mixinikalh chux kintala'alhin yucha li ajkiklaka'ilh an Cristo. Chunchacha pumasuy an Dios li oxi kintala'ts'inan, kintamala'mixiniyani an kintala'alhink'an yu ix'ilhtutaw ixlip'ulhnaj,

GÁLATAS 3:22

Tacha najunta an tan ts'o'muk'akanta, li ta lhichuxi ixtach'inin an tala'alhin, yuchacha ixlakata li najun an Dios li kajaxta'niya yu oxi an yu takiklaka'iy an Jesucristo.

GÁLATAS 4:6

Chi para li kamasulhi li uxitnan ixjas'at'ancha, an Dios makmilhi la mijalhunutk'an an ixTakuwin an isTs'alh. Chi an ixTakuwin p'asi chiwiniy, najun: “¡KimPay! ¡KimPay!”

HEBREOS 7:23

An ali'in sacerdotejnin wanajcha ixluwk'ani tawalh wa xliyu li akxni ixtaniycha tucha lay ali ixtataylhi'an.