SAN MATEO 23:7 - Tepehua Pisaflores

⁷ Chi yu'uncha talakask'in li sawalhcha kajala'axa'alakalhi an laka laktij, talakask'in li kajajunikalh maestrojnin.

SAN MATEO 23:7 Iomraidhean Croise

SAN MATEO 11:16

’Chi chaway yu ani panch'e'ex t'awnat'it, ¿tasicha aklalhimalakxtuwi?, wa tacha an jas'at'ancha an yu talaj'amanan ixtan'ajni an la'acha'an, akxni talaxa'alay p'as, chi talajuniy:

SAN MATEO 23:8

’Pero uxitnan jant'u k'alak'ask'int'iti li k'a'unk'ant'it maestrojnin, mu wa pumatami mi Maestrojk'an, Cristo, chi chux uxitnan lhit'ala'awnin.

SAN MATEO 26:25

Wa chuncha an Judas Iscariote, an yu kama'axt'a'a, alhtaylh juniy: ―¿Maestro, chu sna kit'in? An Jesús juniy: ―Uxint'ich'a naw.

SAN MATEO 26:49

Pus an Judas la'cha'alhcha an Jesús la'axa'alalhcha, juniy: ―¡Xaycha, Maestro! Chi la'xtikilhtastuklhicha.

SAN MARCOS 10:51

An Jesús juniy: ―¿Tasu ak'ilhtunch'a na'uni? Pus an la'lhtuluw lapanak juniy: ―Maestro, ijkalakawanamputun.

SAN MARCOS 11:21

Wachuncha an Pedro past'ak'ach'a, juniy: ―Maestro, jo'o k'ala'ts'i, an xak'iw higo an yu la'a'aymat'i xixtacha.

SAN MARCOS 12:38

Ixjamap'a'siy ixjajuniy: ―K'ajalajk'ats'anant'it, mu an xamaestrojnin lhamap'a'sin sawalhcha ta'achaniya tala'la'ch'iy la'lhman ixla'ch'itk'an, chi ta'achaniya kajala'axa'alakalh laka tiankis.

SAN MARCOS 14:45

Pus akxni la'cha'alhcha, juniy: ―Maestro, maestro. Chi la'xtikilhtastuklhicha.

SAN MARCOS 9:5

Pus an Pedro juniy an Jesús: ―Maestro, oxi li ani ikt'awnaw, akla'oxiyaw a'at'utu de jach'itin cha'a', a'atam mi anucha, a'atam ix'anucha an Moisés chi a'atam ix'anucha an Elías.

SAN LUCAS 11:43

’¡Payni'incha uxitnani fariseojnin! Sawalhch'a lakt'awlhp'ut'unat'iti an laka lakcha'a tan an ta'ayxt'o'aw tan lhitapalay putawlan, chi lak'ask'inat'iti li an lapanakni sawalhcha katalhiwilan, li katala'axa'alani an laka laktij.

SAN JUAN 1:38

An Jesús tala'asp'itlhi pus jala'ts'ilhi li ixtach'a'o'ata, chi jajuniy: ―¿T'isunch'a p'uxk'awyat'iti? Yu'uncha tajuniy: ―¿T'anisch'a wilht'i, Rabí? (Rabí nawputun, Maestro)

SAN JUAN 1:49

An Natanael, juniy an Jesús: ―¡Maestro, uxint'i isTs'alhk'at'i Dios! ¡Uxint'i ixRejk'an an xalapanakni Israel!

SAN JUAN 11:8

An ixt'alhtanan tajuniy: ―Maestro, jantuka' ma'ani an judiojnin ancha ixtalakat'alhmaputunacha'an, ¿ch'i a't'amch'a t'ip'imp'alay?

SAN JUAN 20:16

An Jesús juniy: ―¡María! Pus an María akxni la'ts'impalh juniy: ―¡Maestro!

SAN JUAN 3:2

Ani lapanak la'alhi an Jesús puts'ista, chi juniy: ―Maestro, ijk'atsayawi li Diosi mala'achatacha'an para li akilamiw masuninin, mu jantu xamati lay kati'ilhtulh t'ach'a an lak'ilht'uy tanlhun yu wa tichicha lapanak, li yu jantu Dios t'a'aklat'ajun.

SAN JUAN 3:26

Chi tala'alhi an Juan, tajuniy: ―Maestro, an yu ixt'ayan an ixtapiktutam ayxkan Jordán, an lapanak an yu jalhixa'alat'i, wachu jama'paxanan, chi yucha tala'an'ojoy.

SAN JUAN 4:31

An ixt'alhtanan an Jesús yu'uncha ixtalhitapayniniyanalh, ixtajuniy: ―Maestro, k'awaycha.

SAN JUAN 6:25

Akxni tacha'alhcha an ixtapiktutam lakxkan ancha tala'cha'alh, pus tajuniy: ―Maestro, ¿t'asu wananch'a ch'it'a ani?

SAN JUAN 9:2

An ixt'alhtanan tajuniy: ―Maestro, ¿tisiyuchacha ilhtulh ixtala'alhin li chunchacha la'awlhi, ixpaynin u yucha?