SAN MATEO 22:21 - Tepehua Pisaflores

²¹ Yu'uncha tajuniy: ―Yucha an xajamach'alhkat la'acha'an Roma. Pus an Jesús jajuniy: ―Pus k'axt'a'nitcha yu ix'anu an xajamach'alhkat Roma chi yu ix'anu an Dios wach'uch'a k'axt'a'nit'it.

SAN MATEO 22:21 Iomraidhean Croise

SAN MATEO 22:20

Chi an Jesús, jajuniy: ―¿Tisiyuchacha ani puwilh chi an ta'a'ut ani ts'o'ulakanta?

SAN MATEO 22:37

An Jesús alhtaylh, juniy: ―“K'amap'ayniya'a amijamach'alhkat Dios, chux la mijalhunut, chux la mintakuwin, chux la mijatapast'ak'at.”

SAN MATEO 4:10

Pus an Jesús akxni alhtaylh juniy: ―K'ap'inchicha Satanás, mu ts'o'muk'akanta an la ixchiwinti Dios tan najun: “Wa yucha an miJamach'alhkat Diosi k'at'ats'o'ott'aniya'a chi wa yucha k'ak'iklaka'iya'a.”

SAN MARCOS 12:17

Pus yucha jajuniy: ―K'axt'a'nitcha yu ix'anu an ay xajamach'alhkat Roma, chi yu ix'anu Dios wach'uch'a k'axt'a'nit. Pus sawalhcha talhi'a'nilh.

SAN LUCAS 20:25

An Jesús jajuniy: ―P'us k'axt'a'nitcha yu ix'anu an xajamach'alhkat Roma chi yu ix'anu an Dios wach'uch'a k'axt'a'nit'it.

SAN LUCAS 23:2

Chi tsukulhcha ta'alhtasuy, tanajun: ―Ani lapanak ik'a'taymaw li wa jalaktilha an lapanakni yu ani jamacha'an, chi najun li jantu kamapalhlhi'anikalhi an ay xajamach'alhkat Roma, najun li ma Cristojo yucha, ma Rey.

LOS HECHOS 4:19

Pero an Pedro chi an Juan taja'alhtayanalh tanajun: ―Pus uxitnancha akilajuniw, ¿an Dios chuncha oxi lhiwilay li uxitnancha aklakiklaka'iw chi yucha jantu?

LOS HECHOS 5:29

An Pedro chi an ali'in an yu ixjamala'achata an Jesús, taja'alhtayanalh: ―Kitnan kilhi'ilhtutk'ani li ajkiklaka'iwi an Dios, yucha p'ulhnaj ajkiklaka'iyaw, jantu yu an lapanakni.

ROMANOS 13:7

Ixchuxk'an k'ajaxt'a'nitcha yu jalhip'iniyat. Yu k'axt'a'niya'it'iti laka tu'u la'a'tayjun, k'axt'a'nitcha la'a'tayjun, yu k'amap'alhniya'it'iti ixlakata yu lhimapalhlhi'at tu'u, chunchacha k'amap'alhnit. Li yu k'alhiwilaya'it, k'alhiwilatcha, yu ay lapanak k'ala'ts'ina'it, ch'unch'ach'a k'ala'ts'int'it.