SAN MATEO 14:27 - Tepehua Pisaflores

²⁷ Pero an Jesús jaxa'alalh watukan, jajuniy: ―¡Oximaj'ayi k'a'unt'it, mu kit'in, jant'u k'alakt'alhanant'it!

SAN MATEO 14:27 Iomraidhean Croise

SAN MATEO 14:28

Pus an Pedro alhtaylh, juniy: ―Li uxint'i Jamach'alhkat Jesús, k'a'ilht'u li lay akla'ancha'an an la ix'ukxni lakxkan.

SAN MATEO 17:7

Pus an Jesús, stalh jala'alh ixjalak'aych'apaycha, jajuniy: ―K'alakt'ayatcha jant'u k'alakt'alhanant'it.

SAN MATEO 28:10

Pus akxni an Jesús jajuniy: ―Jant'u k'alakt'alhanant'it. K'ap'inchi'it jamak'atsaaninini an kijat'ala'awnin li kata'alhi xalakaat'un Galilea, ancha akintala'ts'inanta.

SAN MATEO 28:5

Pero an angelh jajuniy an t'akunin: ―Jant'u k'alakt'alhanant'iti uxitnan. Kit'in ijk'atsay li yucha an Jesusi p'uxk'awyat, an yu tamakxtukmuk'alh laka cruz.

SAN MATEO 9:2

Ancha tach'ixlicha'anilh la ixputamat pumatam yu ixlakalhtukulunta. Chi jala'ts'incha li tajakiklaka'inin, pus juniy an yu lakalhtukulunta: ―Oximaj'ayi k'a'unt'i, kints'alh, amintala'alhin ikmala'mixini'oyan.

SAN MARCOS 6:50

Mu ixchuxchak'ani ixtala'ts'in ixtalaktalhanancha, pero yucha watukan jaxa'alalh, jajuniy: ―¡Oximaj'ayi k'a'unt'it, jant'u k'alakt'alhanant'it, mu kit'in!

SAN LUCAS 1:13

Pero an angelh juniy an Zacarías: ―Zacarías, jant'u k'at'alhan, mu amintapaynit asmatnik'acha, chi amint'iwi Elisabet kaxta'niyan pumatami mints'alh, Juan k'a'ulaniya'a ixta'a'ut.

SAN LUCAS 1:30

Pus an angelh juniy a María: ―Jant'u k'at'alhan, mu an Dios oxi lhiwilayan.

SAN LUCAS 12:32

’Jant'u k'alakt'alhanant'iti masi jantu milhuwk'ani, kiborregojnin, mu amimPayk'an kataxta'niyani an lhich'alhkat.

SAN LUCAS 2:10

Pero an angelh jajuniy: ―Jant'u k'alakt'alhanant'it, kit'in iklalhiminitaw laj'oxi chiwinti, yu oxi k'alhiwilaya'it'it chi ixchuxk'an an ali'in.

SAN LUCAS 5:10

An Jacobo chi an Juan, ists'alan Zebedeo yu ixjat'a'anta an Simón wachucha ixtalaktalhanan. Pero an Jesús juniy an Simón: ―Jant'u k'at'alhan, chaway tukan lapanaknicha k'ajama'alhilaya'a t'ach'a ixjama'alhilay jatantin.

SAN JUAN 16:33

Tacha ani iklajunaw para li oxi akilat'a'aklatsukuw. Ani lakamunulhpa k'ama'alh'ajnana'it'it, pero oximaj'ayi k'a'unt'it, mu kit'in iklaklhajatacha an lakamunulhpa'.

SAN JUAN 6:20

Pero yucha jajunilh: ―¡Mu kit'in, jant'u k'alakt'alhanant'it!

LOS HECHOS 23:11

Akxni taputs'isilhcha, an Dios talakasunilhi an Pablo, chi juniy: ―Pablo, jo'ati k'anaw, mu t'ach'a lhich'iwiniya kinchiwinti ani la'acha'an Jerusalén, wanajch'a ch'uni k'a'ilht'uya'a la'acha'an Roma.