SAN MATEO 14:23 - Tepehua Pisaflores

²³ Akxni ta'alhcha an lapanakni, an Jesús alhcha tapaynini a'stitawk'a, wa ix'akstu. Walh tats'isilhcha, yucha anchaka ixt'awnachalh wa ix'akstucha.

SAN MATEO 14:23 Iomraidhean Croise

SAN MATEO 26:36

Wa chuncha jat'acha'alhcha an ixt'alhtanan an Jesús, tan jalakch'ananankanta junkan Getsemaní, jajuniy: ―K'alakt'awlatka ani, kit'in ikti'an anu', ikti'an tapaynini'.

SAN MATEO 6:6

Uxint'i akxni t'ap'aynini amimPay yu jantu tasuy, k'at'ala'at'ich'awt'anut'i la mincha'a', mu yucha la'ts'ini masi yu wa la'a'sa', pus yucha kaxta'niyani tu'u yu katala'ts'ina ali'in.

SAN MARCOS 1:35

Sawalhka wats'isin puts'istaka an Jesús ostayalh, taxtulhcha, alhcha tapaynini tan lakak'iwin.

SAN MARCOS 6:46

Jala'axa'ala'olh, alhcha tapayninini Dios a'stitawk'a.

SAN LUCAS 3:21

Akxni ixchuxk'an an lapanakni ixjama'paxat'ajun an Juan, an Jesús wachu a'paxli, walh akxni ixtapaynit'ajunka an Jesús, an lakt'iyan tati'achalh.

SAN LUCAS 5:16

Pero yucha ix'an tapaynini tan wa ix'akstu, tan jantu la'acha'an.

SAN LUCAS 6:12

Anchunu panch'e'ex an Jesús alh tapaynini a'stitawk'a, tuntats'isni tapayninilh an Dios.

SAN LUCAS 9:18

A'tamchacha akxni ixtapaynit'ajun wa ix'akstu an Jesús, jajuniy an ixt'alhtanan mu ancha ixtat'a'aklat'ajun: ―¿Tisi kit'incha tanajun an lapanakni?

SAN LUCAS 9:28

Ixli'astan katacha la'atsajincha wilhchan la'pusli chuncha ixjalhixa'alata an Jesús, jat'a'alhcha an Pedro chi Juan chi an Jacobo tanchun a'stitawk'a, alhcha tapaynini'.

LOS HECHOS 6:4

Kitnan aktaylhi'anawi aktapayniyaw chi aklhichiwininaw an ixchiwinti Dios.