SAN LUCAS 9:19 - Tepehua Pisaflores

¹⁹ Yu'uncha tajuniy: ―Ali'in tanajun ma Jama'paxanaj Juank'at'i, ali'in ma Eliask'at'i, chi ali'in tanajun ma xamati yu an ma'anchacha ixtalhichiwiniy ixchiwinti Diosi la'awcho'olh.

SAN LUCAS 9:19 Iomraidhean Croise

SAN MATEO 14:2

Pus an ixma'tsukunin jajuniy: ―Yucha an jama'paxanaj Juancha la'awcho'olh, xliyu lay lhilak'ilhtuy yu masuy an ix'alhp'asninti Dios.

SAN MATEO 3:1

Akxni an jama'paxanaj Juan tsukulhcha lhichiwiniya ixchiwinti Dios, an xalakaat'un Judea, tan lakak'iwin

SAN MARCOS 6:14

An rey Herodes k'atsaalhi li an Jesús sawalhcha ixmispakan. Ixtalaknajun yucha an ixjama'paxanancha Juani la'awcho'olh xliyu lay lhilak'ilhtuy masi yu la'lhima'anxkay laj'ay tanlhun, yu masuy ix'alhp'asninti an Dios.

SAN MARCOS 6:15

An ali'in ixtanajun: ―Yucha an Elías. Chi an ali'in ixtanajun: ―Ka xamaticha yu wachu chun tacha an yu ixtalhichiwiniy ixchiwinti Dios ma'anchacha.

SAN LUCAS 9:18

A'tamchacha akxni ixtapaynit'ajun wa ix'akstu an Jesús, jajuniy an ixt'alhtanan mu ancha ixtat'a'aklat'ajun: ―¿Tisi kit'incha tanajun an lapanakni?

SAN LUCAS 9:20

Pus yucha jajuniy: ―¿Chi uxitnan tisi kit'inch'a nawnat'iti? An Pedro juniy: ―Uxint'i ixCristo Dios.

SAN JUAN 1:21

Pus talhisakmiy tajuniy: ―¿Pus tisu uxint'icha? ¿Uxint'i Elías? Yucha najun: ―Jantu, jantu kit'ini Elías. ―¿Uxint'i yu lhich'iwiniy ixchiwinti Dios? Yucha ja'alhtaypalh: ―Jantu.

SAN JUAN 1:25

Tajuniy an Juan: ―¿Pus mu li jantu uxint'i Cristojk'at'i, chi jantu Elíask'at'i chi jantu uxint'i an yu kamina lhichiwiniy ixchiwinti Dios, t'asu li jama'p'axanancha?

SAN JUAN 7:40

Wa chuncha an ali'in tacha an lhilhuw ixlakyakalh, akxni chunchacha ta'alha'asmatlhi, ixtanajun: ―Ani yucha ixchiwinti Dios sawalhi lhichiwiniy.

SAN JUAN 9:17

Wa chuncha talhisakmipalh a'tami an yu la'lhtuluw ixjunita lapanak, tajuniy: ―An yu malakawanin, ¿tisu lapanakch'a na'uni? Yucha najun: ―Kit'in iknajun pumatam yu lhichiwiniy ixchiwinti Dios.