SAN LUCAS 7:33 - Tepehua Pisaflores

³³ Mu kilachilhcha an Jama'paxanaj Juan yu jantu wa sawalhcha ixwajin chi jantu ix'ot'a xaxkan uva, ch'i unat'iti li makxkay'uni ixlakpach'apata.

SAN LUCAS 7:33 Iomraidhean Croise

SAN MATEO 10:25

An jatalanini ka'achalhcha li tacha an ixmaestrojcha jalakpastaknan chi an ma'tapatsan li tacha an ixpatroncha tapatsay. Li tajuniy xapay makxkay'un an lapanak yu la'ts'ilhi'an tani lhiwilakalhcha la ixcha'a, ¿tasu jantu palaycha kajajunkana yu tawilanalh la ixcha'a'a?

SAN MATEO 3:1

Akxni an jama'paxanaj Juan tsukulhcha lhichiwiniya ixchiwinti Dios, an xalakaat'un Judea, tan lakak'iwin

SAN MATEO 3:4

An ixla'ch'it an Juan wa ixla'ach'awt camellojo ixla'oxinikanta chi ixch'axpawilhcha a'xtam jaxt'a'an. Chi yu ix'uy, xat'axkat lakak'iwin chi sele'.

SAN MARCOS 1:6

An ixla'ch'it an Juan wa ixla'ach'awt camellojo ixla'oxiynikanta chi ixch'axpawilhcha a'xtam jaxt'a'an. Chi akxni xwajin wa t'axkat yu alin lakak'iwini ix'uy, chi sele'.

SAN LUCAS 1:15

Mu ayi kajuna la ix'ukxlakapu Dios. Jantu kati'otlhi xaxkan uva chi k'uch'u, sawalhcha kalhitsukuya an ixTakuwin Dios, masi palaktajunka an ixnati.

SAN LUCAS 7:32

Wanaj tacha an jas'at'an akxni an talaj'amanajtawlay ixtan'ajni an la'acha'an chi talamat'asaycha talajuniy: “Klala's'olhniwcha laka s'olh pero, jant'u lak'at'inint'it, chi klamilhpaniwcha yu wa lhita'oxila'alhikan pero, jant'u laj'alhunt'it.”

SAN LUCAS 7:34

Chi milhcha an isTs'alh Lapanak yu ixwajin chi ix'ot'a li tu'u, ch'i ch'unch'a ix'ump'alat li wa sawalhcha wajin chi li wa sawalhcha ot'a xaxkan uva, chi li x'amigojnini an talaklhach'inin tanlhun chi an la'ma'lhta'alhinin.

SAN JUAN 10:20

Ixluwk'ani yu yu'uncha ixtanajun: ―Wa loko chi wa lakpach'apata makxkay'un, ¿tasu li takiklaka'iycha?

SAN JUAN 8:48

An judiojnin tajuniy an Jesús: ―Sawalhcha tacha an iknawnaw li jamacha'ak'at'i Samaria chi li makxkay'uni lakpach'apatan.

SAN JUAN 8:52

An judiojnin tajuniy: ―Chaway oxicha ijk'atsaw li wa lakpach'apatan makxkay'un sawalh. An Abraham chi an ali'in yu ixtalhichiwiniy ixchiwinti Dios talaknilh, chi uxint'i na'un: “Yu kinkiklaka'iy jantu a'tam katinilh.”

LOS HECHOS 2:13

Ali'in wa xkayaj ixtanajun, ixtanajun: ―¡Wa tala't'a'ap'ata!