SAN LUCAS 18:31 - Tepehua Pisaflores

³¹ Wa lakatamcha jama'ayxto'lhi an ixpumakawt'uyk'an ixt'alhtanan an Jesús, chi jajuniy: ―Akxni kacha'anawcha la'acha'an Jerusalén, kalaktapasayacha tacha an kintalhits'o'muk'ata yu ixtalhichiwiniy ixchiwinti Dios kit'in yu ikwalh isTs'alh Lapanak.

SAN LUCAS 18:31 Iomraidhean Croise

SAN MATEO 16:21

Chi akxni, an Jesús tsukulhcha jajuniya ixla'ts'awalanti an ixt'alhtanan li ka'ana stak ma'alh'ajna yucha, la'acha'an Jerusalén, li katama'niya'. Jajuniy: ―Yu'uncha an laktatanincha jamacha'an Israel chi an xalaj'ajin sacerdotejnin chi an xamaestrojnin lhamap'a'sini yu akintama'niya'. Pero akla'awcho'oya ixlila'at'utu wilhchan.

SAN MATEO 27:63

Tajuniy: ―Jamach'alhkat, ikpastakwi li akxni ixt'ajunka anchunu ja'o'xcho'onu, nawlh: “Ixlila'at'utu wilhchan akla'awcho'oya'.”

SAN MARCOS 8:9

An yu talakwaylh lapanakni ka tacha la'at'at'i milh. Xli'astan an Jesús jala'axa'alalhcha an lapanakni chi talak'ancho'olhcha.

SAN LUCAS 10:30

An Jesús juniy: ―Pumatam lapanak tajuminchalh la'acha'an Jerusalén ixti'an la'acha'an Jericó. Walh tapaxto'lhi ja'alhawnan wanaj tamaxtuni'olhi ixtanlhun. Stakcha talakasamalh wanajcha ixtama'nit'ajun chi ixli'astan tamakawlhcha, ta'alhcha.

SAN LUCAS 9:22

Chi jajuniy: ―Kit'in yu ikwalh isTs'alh Lapanak akstak ma'alh'ajnana', chi jantu akintitala'ts'imputulhi an laktatanincha chi an xalaj'ajin sacerdotejnin chi an xamaestrojnin lhamap'a'sin. Akintama'niya pero ixlila'at'utu wilhchan akla'awcho'oya'.

SAN LUCAS 9:51

Akxni waniycha ixchint'ajun panch'e'ex para li an Jesús ka'anacha lakt'iyan, wachunchacha t'ak'alh lhi'ilhtulh ixtak'atsan li ka'anacha la'acha'an Jerusalén.