SAN JUAN 7:39 - Tepehua Pisaflores

³⁹ An Jesús nawputun li yu katakiklaka'iya, katala'a'iya an ixTakuwin Dios, mu akxni an ixTakuwin Dios jantuka' ixmakminkan.

SAN JUAN 7:39 Iomraidhean Croise

SAN MATEO 16:14

Yu'uncha tajuniy: ―Ali'in tanajun ma jama'paxanaj Juan, chi ali'in tanajun ma Elías, chi ali'in tanajun ma Jeremías, u ma wa xatichicha yu ixlichiwiniy ixchiwinti Dios.

SAN MATEO 21:11

Pus an ali'in lapanakni tanajun: ―Ani Jesús, yucha lhichiwiniy ixchiwinti Dios, jamacha'a Nazaret, xalakaat'un Galilea.

SAN LUCAS 24:49

Chi kit'in aklamakminiyawi an yu nawlh kimPay li kamakmina'; pero uxitnan k'asa' t'awlat'iti ani la'acha'an Jerusalén, sta li akxni k'ala'a'iya'itcha an yu alhp'as k'ap'u'una'it an yu kaminanta lakt'iyan.

SAN LUCAS 3:16

Pero an Juan jajuniy: ―Kit'in wa laka xkani klama'paxayaw, pero kamina pumatam yu palay ay, kit'in jantu, yucha katama'paxayan la ixTakuwin an Dios chi laka jikmi, yucha jantu ikt'acha'ani masi wa ak'o'x'otnilhcha ixwarachi.

SAN LUCAS 7:16

Ixchuxk'an an yu ixtama'anta talaktalhanalh, chi ixtaxta'niycha lhimala'puchajuni an Dios, ixtalaknajun: ―Ayi ani yu lhichiwiniy ixchiwinti Dios, yu makminkanta ani tan t'awnaw. An Dios minta jama'alhtaxtunu an ixlapanakni.

SAN JUAN 1:21

Pus talhisakmiy tajuniy: ―¿Pus tisu uxint'icha? ¿Uxint'i Elías? Yucha najun: ―Jantu, jantu kit'ini Elías. ―¿Uxint'i yu lhich'iwiniy ixchiwinti Dios? Yucha ja'alhtaypalh: ―Jantu.

SAN JUAN 1:25

Tajuniy an Juan: ―¿Pus mu li jantu uxint'i Cristojk'at'i, chi jantu Elíask'at'i chi jantu uxint'i an yu kamina lhichiwiniy ixchiwinti Dios, t'asu li jama'p'axanancha?

SAN JUAN 1:33

Kit'in jantu xakmispay, pero an yu kimakmilh li akmilh jama'paxana lakaxkan kijunilh: “An yu k'ala'ts'ina'a li kalakpatawlanta an ixTakuwin Dios akxni kata'alhtajuya, yucha yu jama'paxanan laka Stalan'a ixTakuwin Dios.”

SAN JUAN 12:16

Wa ixlip'ulhnaj an ixt'alhtanan an Jesús jantu talhimacha'xalh, pero ixli'astan, akxni an Jesús la'ayakalhcha, akxni tapastaklhicha li chuncha ixlits'o'muk'akanta li yucha ixlichiwininta tacha an ta'ilhtulh.

SAN JUAN 12:23

An Jesús jajuniy: ―Chilhcha panch'e'ex li an yu isTs'alh Lapanak kijunchilh kala'ayakanacha.

SAN JUAN 14:13

Ch'i wa t'uch'ich'a k'ask'iniya'it an kimPay la kinta'a'ut, ak'ilhtuya', para li an isTs'alh Dios kaputasulhi an ixta'ayaxtu Dios.

SAN JUAN 14:26

Pero an yu katalhi'a'tayjuyan, an Stalan'a Takuwin yu kamakminanta an kimPay la kinta'a'ut, yucha katamasuni'oyani an laktanlhun chi katamapast'ak'ani'oyani chux tacha an iklajuntaw.

SAN JUAN 16:14

Yucha kamasuya an ki'alhp'asninti, mu kala'a'iya yu ki'anun chi katamasuniyan.

SAN JUAN 16:7

Pero kit'in iklajunaw yu sawalh: Oxi para uxitnani li kit'in ak'alh. Mu li jantu ak'alh, an yu katalhi'a'tayjuyan jantu katitala'min, pero li ak'ana, aklamakminitacha'aw.

SAN JUAN 17:1

Akxni chunchacha chiwin'olh an Jesús, tala'st'alhcha an lakt'iyan, najun: ―KimPay, an panch'e'ex chilhcha. K'amasut'icha aminTs'alh li ay, para li aminTs'alh wachucha kamasuni li ayk'at'i.

SAN JUAN 17:5

Pus chawayi kimPay, k'amasut'icha li ik'ayi la mimpa'xti', tacha an kilhi'ay xakjunita la mimpa'xti akxni jantuka' ix'alin an lakamunulhpa'.

SAN JUAN 20:22

Wa chuncha jasunulhcha an ixt'alhtanan an Jesús chi jajuniy: ―K'ala'a'itcha an Stalan'a Takuwin.

SAN JUAN 6:14

An lapanakni akxni chunchacha tala'ts'ilh ilhtulh an Jesús, ixtanajun: ―Yucha anicha sawalhi an li yu kamina lhichiwiniy ixchiwinti Dios ani lakamunulhpa'.

SAN JUAN 7:12

An lapanakni sawalhcha ixtalhichiwiniya an Jesús. Ali'in ixtanajun: “Yucha oxi lapanak.” Pero ali'in ixtanajun: “Jantu, wa ja'o'xcho'oycha an lapanakni.”

SAN JUAN 8:54

An Jesús jajuniy: ―Li wa kit'incha ikla'ayakan, an kinta'ayat jantu tu'u lhitapalay. Pero yu kila'ayay yucha an kimPay, an yu unat li miDiosk'an.

LOS HECHOS 19:2

Jajuniy: ―¿Uxitnan la'a'itcha an Stalan'a Takuwin akxni jak'iklak'a'inint'itcha? Yu'uncha ta'alhtaylh tajuniy: ―Jantu a'tam k'asmattawi tuchini yu Stalan'acha Takuwin.

LOS HECHOS 2:17

An Dios najun, Akxni xalakti'astancha wilhchan, akpuxte'emaj'ana an kinTakuwin la ix'ukxnik'an chux an lapanakni. Amijas'at'ank'an, ts'alan chi jatsi'in, katanawna kinchiwinti, an yu lakts'alaninka katala'puminatnana yu katapasaya', chi an yu laktatanincha katajala'awanana'.

LOS HECHOS 2:33

Akxni an Dios la'ayalhcha an Jesús chi ulachalhcha tan oxi ixpa'xti chi xta'nilhcha an Stalan'a ixTakuwin, yucha wanajcha chuni kintaxta'nin tacha xakintajuntan li akintaxta'niyan. Pus chaway yuch'ach'a t'ach'a ani la'ts'inat'it ch'i asmat'at'it.

LOS HECHOS 2:38

An Pedro ja'alhtaylh: ―K'amak'a'unt'itcha mintala'alhink'an ch'i k'alaj'a'p'axt'itcha la ixta'a'ut an Jesucristo, para li an Dios katamala'mixinini mintala'alhink'an, walh laniy chuncha kataxta'niyani an Stalan'a ixTakuwin.

LOS HECHOS 2:4

Ixchuxk'an wanaj tala'a'i'olhi an Stalan'a Takuwin, chi tsukulhcha talakchiwiniy tumpaj chiwinti, tacha yu jaxta'nilhcha an Stalan'a Takuwin li katachiwinilh.

LOS HECHOS 3:13

An IxDiosk'an Abraham, chi Isaac chi Jacob, an IxDiosk'an yu ta ixjalhila'ts'inaw, yucha masut'ajun ixta'ayat an isTs'alh, yu junkan Jesús, an yu uxitnan ma'axt'a't'it laka lakjamach'alhkat chi uxitnan la'amaj'ant'iti akxni an Pilato ixnajuncha li kamakawna'.

LOS HECHOS 4:31

Akxni tatapayni'olhcha, an tan ixta'ayxto'nun, laklalh. Chi ixchuxchak'ani alhp'as jala'cha'alh an Stalan'a Takuwin. Chi jantucha ixtatalhanani ixtalhichiwiniy an ixchiwinti Dios.

ROMANOS 8:9

Pero uxitnan jantucha yu p'ut'awnat an yu wa mijatapast'ak'atchak'an lakask'in, yucha an tacha lhi'achaniycha Takuwin, mu an ixTakuwin Dios la mijatsukuntichak'ani t'ajun. Yu jantu lhit'ajuni an ixTakuwin Cristo, jantu ixlapanak an Cristo.

2 CORINTIOS 3:8

Mu li chuncha ixjunita an ixtapatsat an lhamap'a'sin, ¿jantu palaycha alhp'as kajuna an ixtapatsat an ixTakuwin Dios?

EFESIOS 4:30

Jant'u k'ama'ant'a'oxila'alhinit'i an Stalan'a ixTakuwin Dios, an yu p'useyojlak'ant'it para li k'ap'umisp'ak'ant'itcha akxni k'ama'alht'axt'uk'ana'it.