SAN JUAN 16:32 - Tepehua Pisaflores

³² Pus mintacha an panch'e'ex, chi chawaycha, akxni atamj atamjcha kala'ts'ina tanchuncha ka'ana', wa ki'akstu akilamakawnaw. Pero jantu wa ki'akstu ikt'ajun, mu an kimPay kint'a'aklat'ajun.

SAN JUAN 16:32 Iomraidhean Croise

SAN MATEO 26:31

Ancha jajuniy an Jesús: ―Ani katats'isiya wanaj akilamakaw'oyaw. Mu ts'o'muk'akanta an la ixchiwinti Dios tan najunta: “Akma'niya an yu jalhist'ak'a ixborregojnin, chi an ixborregojnin wanaj tilh katata'a'pitsi'oya'.”

SAN MATEO 26:56

Pero wa xliyu li chuncha katapasaya tacha an tats'o'muk'ata an yu ixtalhichiwiniy ixchiwinti Dios. Wa chuncha an ixt'alhtanan an Jesús, wanaj tamakaw'olh, ta'oslicha.

SAN MARCOS 14:27

An Jesús jajuniy: ―Chaway ani jata'oxana wanaj akilamakaw'oyaw, mu ts'o'muk'akanta an la ixchiwinti Dios tan najun: “Akma'niya an yu jalhist'ak'a ixborregojnin, chi an ixborregojnin wanaj tilh katata'a'pitsi'oya'.”

SAN MARCOS 14:50

Wachuncha tamakaw'olhi an ixt'alhtanan an Jesús, talakats'alalhcha.

SAN JUAN 12:23

An Jesús jajuniy: ―Chilhcha panch'e'ex li an yu isTs'alh Lapanak kijunchilh kala'ayakanacha.

SAN JUAN 16:2

K'alakt'amakxt'uk'ana'it'iti an laka lakcha'a tan tata'ayxt'o'a an yu tajakiklaka'inin, chi kachina panch'e'ex akxni masi yu katama'niyan kapast'ak'a li Diosi ma'ilhtuy.

SAN JUAN 16:25

’Ani tacha iklaxa'alaw wanaj iklapuxkawniw tu'u t'ach'a laych'a k'alhimach'a'xat, pero mintacha panch'e'ex akxni jantucha aktilaxa'alaw wanaj laka pulhamacha'xan, ixla'ts'awalanticha aklajunaw ixlakata an kimPay.

SAN JUAN 16:31

An Jesús jajuniy: ―¿Ah, pus chaway ka kilakiklaka'iyawcha?

SAN JUAN 19:27

Chi an ixt'alhtana yucha juniy: ―Anchunu yalh, minati. Pus sta akxni an ixt'alhtana an Jesús, tacha ixnaticha la'a'ilh la ixcha'a'.

SAN JUAN 20:10

Wa chuncha an ixt'alhtanan an Jesús ta'ancho'olhcha ixcha'ak'an.

SAN JUAN 4:21

An Jesús juniy: ―Ani ijkunan sawalh, kachina panch'e'ex akxni k'at'ap'ayniniya'it'it an Dios wa tanchuncha masi jantucha ani a'stitawk'a chi Jerusalén.

SAN JUAN 4:23

Pero an panch'e'ex kachinacha, chi chawaycha, akxni an yu ixlisawalh tatapayniniy an Dios katatapayniniya laka takuwin chi ixlisawalh, chi mu wachu an Dios, an yu tatapayniniy japuxkajuyi li katatapayninilh.

SAN JUAN 5:25

Kamina panch'e'ex chi sawalh, chi an panch'e'ex chawaycha, akxni an janinin kata'alha'asmat'a an isTs'alh Dios. Chi an yu kata'alha'asmat'a katatsukuya'.

SAN JUAN 5:28

Pero jant'u k'alhi'a'nit'iti ani, mu kachina panch'e'ex akxni ixchuxk'an an yu ta'aknunun kata'alha'asmat'a an ixchiwinti.

SAN JUAN 8:16

Chi li iknajuni tani laycha xamati, an yu iknajun yucha sawalh, mu jantu wa ki'akstucha iknajun, ali an kimPay yu kimakmintachalhi iknawnaw.

SAN JUAN 8:29

Mu an yu kimakminta aniya kint'a'aklat'ajun, jantu wa ki'akstucha kimakajunta an kimPay, mu kit'in lhilhiji ik'ilhtuy yu oxi lhiwilay.

LOS HECHOS 21:6

Ixli'astan, iklala'axa'ala'ojo iktajuwcha laka barco, chi an lapanakni yu'uncha talak'ancho'olhcha la ixcha'ak'an.

LOS HECHOS 8:1

An Saulo ancha ixt'ajun, wa tamcha ixma'k'atsay li tama'nilhcha an Esteban. Anchunu wilhchan tsukulhcha jach'a'o'akani an yu ixtajakiklaka'inincha an la'acha'an Jerusalén. Ixchuxk'ani tatalaktilh'olh, talak'alhcha an xala'acha'anaxni Judea chi Samaria, pero an yu ixjamala'achata an Jesús yu'uncha jantu.