EFESIOS 4:30 - Tepehua Pisaflores

³⁰ Jant'u k'ama'ant'a'oxila'alhinit'i an Stalan'a ixTakuwin Dios, an yu p'useyojlak'ant'it para li k'ap'umisp'ak'ant'itcha akxni k'ama'alht'axt'uk'ana'it.

EFESIOS 4:30 Iomraidhean Croise

SAN MARCOS 3:5

Pus talh'amancha jala'ts'in an Jesús chi lhita'oxila'alhiycha li yu'uncha jantu talhakapu'ani li kataja'a'tayjunulh, juniy an lapanak: ―K'alats'awalat'icha amimaka'. Walh lats'awalalhcha, tamaj'oxilhcha.

SAN LUCAS 21:28

Akxni chunchacha kalaj'a'tayniya kalaktapasaya ani laktanlhun, oximaj'ayi k'a'unt'it, k'alakt'alak'at'iya'ut'it, mu akxni wa k'ischa k'ama'alht'axt'uk'ana'itcha.

SAN JUAN 3:33

Li xamati kiklaka'iy an tacha najun, yucha najuni li sawalhi an tacha najun an Dios.

LOS HECHOS 7:51

Chi jajumpalay an Esteban: ―Uxitnan wa minchunchachak'ani jant'u k'is ja'asmatnanat'it, uxitnan lhit'awnat mi'a'ax'olhk'an chi mijalhunutk'an yu jant'u p'ak'iklak'a'ininat'it. Wa lhilhijch'a t'alaxt'uk'uyat an Stalan'a Takuwin. Wa mijalakt'atamchak'ani amilakpaynink'an ixtajunita.

ROMANOS 8:11

Chi li lhit'awnat'iti la mijatsukuntik'an an ixTakuwin an yu mala'awnicho'olh an Jesús, wachu kataxta'niyani sast'i jatsukunti an la milakatunajk'an yu lay niy, mu an ixTakuwin lhit'awnatcha.

ROMANOS 8:23

Chi jantu wa yucha an tacha lak'ilhtutacha an Diosi tala'ma'alh'ajnan, wachu kitnan, yu lhit'awnaw an Takuwin, yu puk'atsayaw tuchini kala'a'iyawcha. Sawalhcha la'ma'alh'ajnanawi li chaway wa pakxan'iyawka akxni akintala'a'iyancha tacha ixjas'at'an an Dios, chi chunchacha yu kaputa'alhtaxtuya an kilakatunajk'an.

1 CORINTIOS 1:30

Pero an Dios yuchacha tat'amala'xto'tan uxitnan an Jesucristo. Chi wachucha ilhtulhi li an Cristo kijatapast'ak'atchak'ani kawalh chi yu ts'awjcha kaputsukuw chi yu kapustalan'aw chi yu kaputa'alhtaxtuw.

1 CORINTIOS 15:54

Chi akxni yu ani lay lakp'uch'iy ka'ilhtukanacha li jantucha kalakp'uch'ilh chi li jantucha kanilhi ani yu lay niy, akxni, katapasayacha tacha an najunta an ixchiwinti Dios an tan ts'o'kanta: “Lhajakalhi an lhinin.

1 TESALONICENSES 5:19

Jant'u k'ala'amaj'ant'iti an yu ilhtuy an Takuwin.

HEBREOS 10:29

Pus ¿jant'u lhiwilayat'iti li palay ay lhima'alh'ajna katala'a'iya an yu wa taputayaycha an isTs'alh Dios, chi jantu tu'u talhiwilay an ixjak'alhni yu ixtapustalan'antacha chi wa talhila'ts'incha an Takuwin yu jamapayninin?

HEBREOS 3:10

xliyu kintalhima'talh'amalh anchunu lapanakni yu ma'anchacha ixtat'ajun, chi iknawlh: “Wa lhilhijcha tats'an'ata la ixjalhunutk'an, jantu tamispata an kintij.”

HEBREOS 3:17

¿Chi tisi yu'unchacha yu jatalh'amnilh an Dios t'up'uxam k'ata? Yu'uncha an yu ta'ilhtulh ixtala'alhink'an, yu'uncha tala'ta'a'talh chi talaknilhi an tan wa jaxixnintacha lakaat'un.