APOCALIPSIS 18:15 - Tepehua Pisaflores

¹⁵ An yu yucha ixtalakst'ay ani tanlhun chi an yu tapulhitsukulhcha ixtumink'an an ay la'acha'an, wa ma'atcha katatayayanta, mu katatalhamniyacha an ixma'alh'ajnat an ay la'acha'an, katala'ta'oxila'alhiyacha chi katalaj'alhunacha,

APOCALIPSIS 18:15 Iomraidhean Croise

SAN MARCOS 11:17

Tsukulhcha jamasuniy jajuniy: ―Mu ts'o'kanta an la ixchiwinti Dios tan najun: “Chux an lapanakni ta ixlijalhi'ay an lakamunulhpa an kincha'a katajuna putapaynin.” Walh uxitnan wa p'a'alhawnanatcha.

LOS HECHOS 16:19

Pero akxni an ixpatronin an jatsi tala'ts'ilhcha li tucha lay ali katitapulhajalh, tach'apayawlhcha an Pablo chi an Silas, talhi'anilhcha an jamach'alhkatni an ixtan'ajni la'acha'an.

APOCALIPSIS 18:12

lhist'at tacha oro chi plata chi yu la'lhuw xtapalh chiwx chi perlas chi la'ch'it yu laj'oxi yu de lino chi de seda, yu xmumuw chi slapulh, chi ta tipachux yu lhaklhij akamin jalakch'uk'unti k'iw chi tanlhuncha yu de marfil la'oxikanta chi tanlhuncha yu de laj'oxi k'iw ilhtukanta chi yu de bronce chi yu de tsasnat chi yu de mármol,

APOCALIPSIS 18:13

wachu an canela chi tanlhuncha lhala'oxin yu lak'akamin, chi p'um chi perjume chi tanlhuncha alhch'ajat chi jamaskajanti xaxkan uva chi asayte chi yu sawalhcha oxi harina chi trigo, chi jatapakxatcha yu tamak'uk'anan chi borregojcha chi kawayo chi carreta sta lapanakni yu wa japutapatsakancha.

APOCALIPSIS 18:14

Chi an la'acha'an katajuna: “¡Jant'uch'a t'u'u lhit'a'un an yu sawalhch'a ixlaj'ach'aniy lajkan jatawk'at, ixpujun'alhinch'a ma'ats'an'at'i chux, an lajk'usi mintanlhun chi amintumin!”

APOCALIPSIS 18:19

Chi talak'uktawk'alhcha po'xmi mu ixtala'ta'oxila'alhiycha chi ixtalaj'alhuncha chi talakt'asalhcha, ixtalaknajun: “¡Payniycha, payniycha an ay la'acha'an! Ixchuxk'an an yu ixtalaklhit'ajun ixbarcojk'an an alamalh ixtapulhit'ajuncha ixtumink'an an laka laktanlhun yu laj'oxi ixlit'ajun an la'acha'an. ¡Walh chi wanaj wa tam pants'ik'isi lakt'ilhikalh!

APOCALIPSIS 18:3

Mu ta kilhmakchux ta'alin an lapanakni ta'otlhi an jamaskajanti xaxkan uva yu wa aya pulay, chi an rejnin yu ani lakaat'un tat'ajun wa ayacha tat'aalalh, chi an tajast'anan ani lakaat'un tapulhitsukulhcha ixtumink'an tacha an wa lhimo'slaycha lakmasuy yu lajk'usi ixtanlhun an ay la'acha'an.”