APOCALIPSIS 14:13 - Tepehua Pisaflores

¹³ Wa chuncha ik'asmatlhi kixa'alakalh sta an lakt'iyan kijunkan: ―K'ats'o'ulat'i: “Oxi para yu'uncha yu chaway ati'anta taniy chi tat'atala'xto'ta an Jamach'alhkat Dios.” Chun, najuni an Takuwin, katajastaknanacha la ixtapatsatk'an, chi mu oxi tatapatsalh ani pus awint'i katala'a'iyanta yu laj'oxi.

APOCALIPSIS 14:13 Iomraidhean Croise

SAN MATEO 3:17

Chi an lakt'iyan chiwinkanchalhcha nawkan: ―Yucha anicha yu ikmapayniy kinTs'alh yucha yu kima'an'achay.

SAN LUCAS 16:25

Pero an Abraham juniy: “Kints'alh, k'ap'ast'akt'i, uxint'i jama'lht'ayancha la mijatsukunti laj'oxi mintanlhun, chi ani Lázaro wa stakcha ma'alh'ajnalh. Pero chaway yucha anicha ma'oxamixikan, chi uxint'i st'akch'a ma'alh'ajnan.

SAN LUCAS 16:9

’Kit'in klajunaw, k'ajapulhajaxt'ut'iti mi'amigojnink'an an tanlhuncha alin laj'oxi ani lakamunulhpa', walh laniy akxni kamin'oya, uxitnan k'ala'a'ik'ana'it'iti an lakt'iyan tan minputawlh'alhinchak'an.

ROMANOS 14:8

Li t'awnaw, para yucha an Jamach'alhkati li t'awnaw, chi li niyaw, para yucha an Jamach'alhkati li niyaw. Pus katsukuw u kaniw, an kijatsukuntik'an yucha an Jamach'alhkati ixnawin.

1 CORINTIOS 15:18

Chi li chuncha, an yu talaklhtatacho'olhcha ixlijunti, an yu ixtakiklaka'iy an Cristo, wachucha wa tats'an'acho'olh.

1 CORINTIOS 15:20

Pero yu sawalh, li an Cristo yucha la'awcho'olh. Yucha yu p'ulhnajcha p'uxkalh xajatawk'at an jach'ananti, yucha yu p'ulhnajcha la'awcho'olh.

1 CORINTIOS 15:58

Pus xliyu'u kint'ala'awnin, k'at'aylhip'it'iti oxi k'at'ajalht'anant'it an Dios ch'i jant'u k'amak'awnit'iti li tu'u katamapaxan. Ali ali k'at'ap'ats'at'iti an la ixtapatsat an Jamach'alhkat Dios. K'ats'ayat'iti li t'ach'a an t'at'ap'ats'ayat'it an Jamach'alhkat jantu wa katiwalhcha.

2 CORINTIOS 5:8

Pero ijkiklaka'iyaw, chi wa laycha li apalijcha akmakajuwi an kilakatunajk'an para li akt'a'awcha tawlhnini an Jamach'alhkat.

FILIPENSES 2:17

Chi masi akima'nikalh para li kalhila'tsakalhcha amilha'ulank'an yu ma'axt'a'niyat an Dios ixlakata mijakiklaka'intik'an, kit'in ik'achan chi ali uxitnani iklat'alaj'achanaw.

1 TESALONICENSES 4:14

Tacha kiklaka'iyawi li an Jesús nilh chi la'awcho'olh, wanajcha chuni an Dios kajat'alhimincho'oya an Jesús an lapanakni an yu tat'atala'xto'lhi chi talaknilhcha.

1 TESALONICENSES 4:16

Mu ka'alha'asmatkana an Jamach'alhkat Dios la ixchiwinti yu puch'alhkatnan, kachiwina pumatam xa'ay angelh chi la ixtrompeta an Dios p'asi kas'olhkana li ta'alhtajut'ajuncha an lakt'iyan an Jamach'alhkat. Chi an yu talaknitacha yu takiklaka'ilh an Cristo, p'ulhnajcha katala'awcho'oya'.

1 TESALONICENSES 5:10

Yucha nilhi kilakatak'an, para li masi li la'awtawka u nitawcha kat'atawlhcha'awi tan wilhchalh.

1 TIMOTEO 5:24

An ixtala'alhink'an an ali'in oxicha tasuy chaway masi jantuka' tu'u ts'awalan, pero ali'in ixli'astani jak'atsanikan.

1 TIMOTEO 5:25

Wanajcha chun, an yu laj'oxi tanlhun ilhtukan, tasuy, chi an yu jantu laj'oxi tanlhun jantu layi jantucha a'tam katik'atsakalh.

APOCALIPSIS 1:11

Najun: ―Kit'in ik'Alfa chi ik'Omega, yu p'ulhnaj chi astan. K'ats'o'muk'acha laka librojo an t'ach'a la'ts'in ch'i k'amala'ach'at'icha an lakatujun la'acha'an tan tata'ayxt'o'a an yu tajakiklaka'inin, an xalakaat'un Asia: an la'acha'an Éfeso, chi Esmirna, chi Pérgamo, chi Tiatira, chi Sardis, chi Filadelfia chi Laodicea.

APOCALIPSIS 10:4

Akxni tachiwin'olhcha an la'atujun xalapanak xkan, kit'in xakts'o'ulaputun, pero ik'asmatlhi la'atam chiwinti an lakt'iyan yu kijuniy: ―Wa sa' k'ama'at'i an yu tanawlh an la'atujun xalapanak xkan, jant'u k'ats'o'ulat'i.

APOCALIPSIS 11:15

An ixlipumatujuncha angelh s'olilhcha an la is'olh, walh wa chuncha p'asi chiwinkalh an lakt'iyan, nawkan: “An lhich'alhkat ani lakamunulhpa ix'anucha an kiJamach'alhkatk'an Dios chi ix'anucha wachu an ixCristo, chi yuchacha ixpujun'alhincha kajuna kach'alhkatnana'.”

APOCALIPSIS 11:19

Wa chuncha talhti'alhcha an ixtajtan an Dios awint'i lakt'iyan, chi an la ixtajtan ixtasuycha an caja yu pumujuta an ixchiwinti yu japut'atamakawlh an ixlapanakni. Chi stakcha jamakalipnilh, chi ixlakchiwinkancha, chi ixtat'asaycha xalapanak xkan, chi laklalhcha an lakaat'un chi p'ascha tukani patajulh chaj'it.

APOCALIPSIS 16:17

An ixlipumatujuncha angelh puxte'elhcha an ixcopa an laka un, walh wa chuncha p'asi chiwinkalh an laka tajtan an lakt'iyan, an tan wilh an putawlan yu puch'alhkatnankan, nawkan: ―¡Ilhtu'okalhcha!

APOCALIPSIS 19:9

An angelh kijunilh: ―K'ats'o'muk'a: “Sawalhcha oxi para yu'uncha an yu jajunkan li kata'alh ma'waynin tan tama'xt'o'a an Jas'at'a Borrego.” Chi nawpalay: ―Ani chiwinti sawalh, yucha ixchiwinti an Dios.

APOCALIPSIS 2:1

’K'ats'o'nini an xa'angelh an tan tata'ayxt'o'a an yu tajakiklaka'inin an la'acha'an Éfeso: “Chunchuniya najun an yu jach'apata la'atujun st'aku laka oxi ixmaka', an yu aklat'ajun ixtan'ajni an ma'atujun yu de oro pula'ma'tajiy maklhku. Najun:

APOCALIPSIS 2:7

¡Yu lhit'ajuni ixpa'asmatna, ka'asmatlhicha yu jajuniy an Takuwin an tan tata'ayxt'o'a an yu tajakiklaka'inin! Yu kalhajayanta akxta'niya para li ka'unilhi xajatawk'at an k'iw yu xt'a'a jatsukunti, yu yalh ixtan'ajni an la ixpalakch'anan Dios.”

APOCALIPSIS 20:6

Sawalhcha oxi para yu'uncha an yu p'ulhnajcha tala'awcho'olh chi la'stalan'an. An ixlila'at'uycha lhinin jantu lay ta katija'ilhtulh, yu'uncha isacerdotejnincha an Diosi katajuna chi isacerdotejnincha an Cristo, yuchacha katat'ach'alhkatnana tam mil k'ata.

APOCALIPSIS 21:5

An yu sa' ixwilh laka putawlan yu puch'alhkatnankan najun: ―Kit'in sast'icha chux iklak'ilhtucho'oy. Chi kijuniy: ―K'ats'o'muk'a, mu ani chiwinti yucha ka'uktaxtuya sawalh chi t'acha'ani li kakiklaka'ikalh.

APOCALIPSIS 22:17

An Stalan'a Takuwin chi an ixli'it an Jas'at'a Borrego tanajun: ―¡K'at'at'icha! Chi yu asmat'a wachu kanawlh: ―¡K'at'at'icha! Chi yu kikxixa kamilh, chi yu lakask'in, ka'otlhicha an xkan yu xt'a'a jatsukunti, jantu tu'u katimapalalh.

APOCALIPSIS 6:11

Wa chuncha jala'xta'nikalhcha la'sut'ut'u ixla'ch'itk'an chi jajunkan li katapakxampalhka lakats'uniy panch'e'ex, sta li katata'a'tsalhcha an ixt'ala'ajunk'an yu wachu chun kajalhima'nikana tacha yu'uncha jalhima'nikalh ixlakata li tat'atapatsay an Dios.