1 JUAN 2:21 - Tepehua Pisaflores

²¹ Ani klats'o'niyaw jantu wa xliyu li jant'uch'a misp'ayat'iti an yu sawalh, klats'o'niyaw wa xliyu misp'ayat, ch'i k'ats'ayat'iti li jantu tu'u maslakatinti katiminchalh tan sawalh.

1 JUAN 2:21 Iomraidhean Croise

SAN JUAN 18:37

Pus an Pilato juniy: ―¿Pus, uxint'i ka Rejk'at'i? An Jesús alhtaylh, juniy: ―Kit'in ikRey, tacha uxint'ich'a nawt'a'un. Kit'in ixlakata yucha li iktsukulh chi yucha ikla'minta ani lakamunulhpa', para li aklhichiwinilhi an yu sawalh. Wa tichicha yu sawalhi tan t'ajun, asmat'a an kinchiwinti.

SAN JUAN 8:44

Uxitnan mimpayk'an yucha an xapay makxkay'un, ch'i yuch'ach'a ach'aniyat ilht'unip'ut'unat yu lhinajun. Yucha sta akxni ilhtukanchalh an lakamunulhpa, sta akxnicha jama'ninilh, chi jantu a'tam najunta yu sawalh, mu jantu tu'u yu sawalh kanawlh yucha. Akxni maslakatinin, najuncha tanischa yucha, mu yucha maslakatini', chi xapay maslakatinti.

SANTIAGO 1:19

Kint'ala'awnin yu klamapayniyaw, k'alhak'ap'up'it'iti ani yu klajunaw: minchuxk'ani wa las k'a'asmatt'it yu unk'anat'it, pero jantu wa lasi k'ach'iwinint'it chi jantu wa lasi k'at'alh'amant'it.

2 SAN PEDRO 1:12

Uxitnan k'ats'a'oyatcha chux ani chi laj'oximaj'aych'a t'awnat an tan sawalh, yu masunik'ant'it. Pero masi chuncha, kit'in akla'a'tayjuyaw, lhilhiji aklamapast'ak'aniyaw.

1 JUAN 3:19

Chunchacha kapuk'atsayaw li kitnan t'alhtanantaw an yu sawalh, chi la ix'ukxlakapu an Dios lhitala'si kak'atsanaw,

JUDAS 1:5

Iklamapast'ak'aniputunaw yu k'ats'ayatcha uxitnan: li an Jamach'alhkat jama'alhtaxtulhi an ixlapanakni an xalakaat'un Egipto pero ixli'astan jama'nilhi an yu jantu takiklaka'ilh.