Tuma 26:2 - Tampulma

² “Koor Agripa, mu tuha sɔɔni di mu kok mu titi i suwachak ni a li chenani maga Ju tim ta fiksi min chen zinan ni.

Tuma 26:2 Iomraidhean Croise

Mat. 10:19

Ba wa kpa ma a wa sɛria bar diili dɛ, ma ta nyɛ chenani ma kaa wa sɛmi kimuksi ma. Saha naa ma kaa wa sɛm, Koosa zi wa biksi ma sɛm naa ma zi wa sɛmu.

Luk 12:11

“Nara zi wa kpa ma a la ba bar lagmi dɛɛna awa koorsa awa nihɛɛta suwachak di ba di ma sɛria. Chen wa ya, ma ta nyɛ chenani ma kaa wa sɛmi kimuksi ma.

Luk 21:12

Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.

Tuma 25:26

Mu zi sɔbi tɔnu a ŋɔ Siiza ni o wɛ, amaa mu si ha wa su chenani mu zi sɔbi. Chendaha mu kpa un wa ma maga wati zinan, chen ni i waa, koor Agripa, zi di o sɛriau a na wu digi a nyɛ min mu du mu tɔn ti ni.

Tuma 26:1

Agripa fun ŋɔ Pɔɔl ni, “I kpak nyinbaanu a zi kok i titi.” Pɔɔl fun viigi o nin a ŋɔ,

Tuma 26:19

“Koor Agripa, mu funɛ tiŋ naa li Koosa tɔhɔn ti ka mu na un a chi mu deesi, nɔ.

Tuma 26:26

Pɔɔl fun burgi a ŋɔ koor Agripa ni, “Koor Agripa, i zim chenani mu sɛm chen munu. Chendaha mu kpak bambi a sɛm hin. Nara fu zi ŋɔ hin kin nama wɛu, domi a wa funɛ sogli a ya.

Tuma 26:3

I zimu nɛnɛ chenani Ju tim ta nyɛn awa chenani ba yaa lagmi dɔŋ ni a sɛm ba amɔrɛ sɛma. N sumi hinu di i kpak kanyita a kinu mu wati.

Tuma 26:7

Ya buuri nara fidalɛ ba naa maga yaa jɛɛmi Koosa, kpak bambi bɛgimu a li vɔwi ti ni. Koor Agripa, Ju tim ta fiksi minu i suwachak ni zinan, domi mu gbanko kpak bambi bɛgimnɛ un ni.