Tuma 13:3 - Tampulma

³ Yesu nitiŋɛ ta fun sumi Koosa chen daha a kpa ba nisa a saksi ba ni a nyɛ ba kaali.

Tuma 13:3 Iomraidhean Croise

Luk 2:37

O funɛ ya luhaannɛ bun fummɛnasa danaasiwa. O funɛ nyɛn Koosa bar jɛɛmi dam ti nɛɛ a vɛ la bar digi. Nha wa dusum maga, o yaa funɛ jɛɛmi Koosarɛ a la sumi un a la vɔu nɔ.

Tuma 1:24

Ba naa maga funɛ lagmi dooni fun sumi Koosa a ŋɔ, “Ya kunyana, hin zim chenani nibinsa maga bambe du. Biksi ya naa ya kaa ya lisi a li nara balɛ na tuhu ni,

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 13:4

Koosa siim weri ti fun ŋɔ Barnabas awa Sɔɔl ni di ba la tɔhɔn naa ba yir Selusia a la zu arŋa a la Saiprus pulum naa ni go chen.

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

Tuma 14:26

a la zu arŋa dooni a bur kaali Antiɔk naa nyɛn Siiriya pulum ni chen. Antiɔk ti nɛɛ Yesu nitiŋɛ ta fun te kpa Pɔɔl awa Barnabas a du Koosa nin ni di o suŋi ba ba la tum o tuma a li tɔsi naa bole ni a peti.

Tuma 15:40

Yesu nitiŋɛ ta fun kpa Pɔɔl awa Sailas naa o fun lisi, a du Koosa nin ni di o suŋi ba. Ba fun li dooni,

Tuma 6:6

Ba funɛ lisi ba peti a kpa ba a chiŋsi nitumɛ ta suwachak ni. Nitumɛ ta fun kpa ba nisa a saksi ba nyuuni ni a sumi Koosa a du ba ni.

Tuma 9:17

Ananias fun si a la zu dam ti a kpa o nisa a sak Sɔɔl ni a ŋɔ un, “Mu niinbe Sɔɔl, ya kunyana Yesu naa i na nyinbaan ni chen, funɛ tum min di mu wa lɛli i se. O gbanko funɛ tum min di o nyɛ Koosa siim weri ti zu hin ni a te i suwachak.”

Room 10:15

Koosa fu vɛ tum nandigi, anti fu zi koti a biksi nara tima o wɛ? Ma zim chenani ba fun sɔbi a li Koosa sɛm tɔn ti ni a ŋɔ, “Ba naa la gba a la mɔɔli Koosa laaboor weri ti, ba waali weru kinkan.”

1 Tim. 4:14

Ta suglɛ papaha naa Koosa fun nyɛ hin saha naa o wa yir hin di i ya o tumtumna a nyɛ o witiina sɛm a li o kpok ni ka Yesu nitiŋɛ nihɛɛti ta kpa ba nisa a sak hin ni.

1 Tim. 5:22

Ta kpa i nisa a saksi nara ni lalaga di ba ya ya kunyan ti tumtumsa. Ta lagmi ba naa la tum tum tagna wati, amaa i kpak i titi wa tu chaan ni saha maga.

2 Tim. 1:6

Chendaha mu daŋni i lisi saha naa mu fun wa kpa mu nisa a sak hin ni, ka Koosa kpa o papaha a nyɛ hin chen. Ta tɔ un, amaa kitum un nɛnɛ.

2 Tim. 2:2

I funɛ nu ka muu biksi nara bu damata. I gbanko tiŋ mu nɔ sɛma aa kibiksi ba naa ya wuti tima ba zi kotiu a la biksi ba dɔŋtima.

3 Jɔn 1:6

Ba funɛ sɛm i wɛu a nyɛ Yesu nitiŋɛ ba naa nyɛn bar nɔ ni. Ba funɛ pɛgi hinu a li chenani ii daŋni ba ni. Ba wa saksi di ba li, i suŋi ba ba li nyinbaan ti ni nɛnɛ, chen ni i zi sɔɔni Koosa tuhau kinkan.

3 Jɔn 1:8

Chendaha o weru wa yaa suŋi nara timau. Yaa suŋi dɔŋa chen ni, ya wa ba la biksi nara Koosa wɛ.