Tuma 10:1 - Tampulma

¹ Lanjima nihɛɛ digi funɛ nyɛn Siizaria ni. Ba funɛ yir un Kɔnilius. O funɛ ya lanjimasa kɔkwa nyuhu tiinnɛ. Ba maga funɛ li pulum naa ba yir Itali chene.

Tuma 10:1 Iomraidhean Croise

Mat. 27:27

O lanjimasa fun kpa un a la zu Pailɔt dɛ zen, a fun yir ba dɔŋtima ba wa.

Mat. 27:54

Lanjimasa kɔkwa nihɛɛ awa o lanjimasa ba naa funɛ chiŋi bɔnɛ a il Yesu, ba funɛ na tɛɛnɛ zigsɛɛ awa chenani maga yɛɛ, hansura fun kpak ba kinkan. Ba funɛ sɛm dɔŋ ni, “Wuti baal nɔ sir ya Koosa bere.”

Maak 15:16

O lanjimasa fun kpa un a la zu dɛ zen naa ba yir Pirtɔrium, a fun yir ba dɔŋtima ba wa.

Luk 7:2

Lanjima nihɛɛ funɛ nyɛn dooni. O tumtum naa o daŋni kinkan, funɛ wi a daŋni siwi.

Jɔn 18:12

Doone lanjimasi ta, ba nihɛɛ awa ba naa la il Koosa bar jɛɛmi dam ti, ba fun kpak Yesu a vɔu o nisa a ta o gantɛl ni.

Jɔn 18:3

Koosa dam kɔkɔɔrsi ta awa Farisi tim ta fun lagmi lanjimasa awa ba naa la il Koosa bar jɛɛmi dam ti. Judas fun te ba suwachak a kpa ba kaali ŋma we ti di ba la kpak Yesu. Ba fun kpa chisi zene awa fitinsa a suksi kɔvɔtɛ wa din ni a kaali.

Tuma 10:24

Chɔɔsa fun bu wa pisi, ba funɛ tel Siizaria. Kɔnilius, o walɛ ta awa o pɛgsa ba naa o fun yir chen funɛ pɔ ba di ba zaami ba.

Tuma 21:31

Zɛmɛ ta funɛ saksi di ba kpu Pɔɔl chene, nandigi fun chɔ a la zini a ŋɔ Roman tim lanjimasa nihɛɛ nyuhu tiin ni di Jɛrusalɛm tim maga funɛ damu.

Tuma 21:8

Chɔɔsa funɛ wa pisi, ya fun bu zu arŋ ti a li dooni a kaali Siizaria. Ya fun gil arŋ ti a la zu Filip dama a nyɛn o wati. Waa yaa funɛ biksi Koosa laaboor weri ti a nyɛ nara ni. O funɛ ya nara banɔpɛ ta digirɛ Yesu nitiŋɛ ba naa nyɛn Jɛrusalɛm ni fun lisi di o nyini ba malɛ ta.

Tuma 22:25

Lanjimasi ta fun kpa ganɛsa a vɔu Pɔɔl a saksi di ba tuk un. O fun burgi a ŋɔ ba nihɛɛ naa chiŋi dooni, “Mu ya Ju tim baallɛ a vɛɛn ya Roman tim gbanko. Ma wa kpak nyinbaan naa ma zi tuk min wa vurmsi ni, domi ma ha wa kpa min la sɛria bar diili dɛ a na mu galimsa.”

Tuma 23:23

Doone nihɛɛ nyuhu tiin ti fun yir o nihɛɛta nara balɛ ba wa o ŋɔ ba, “Ma lagmi lanjimasa kɔksa lɛ, lanjimasa ba naa la zini zaagna fumnɔpɛ awa lanjimasa ba naa la chem laal wa tima ni, kɔksa lɛ a nyɛ ba saksi Siizaria laali. Ma nyɛ ba wa la dusum diwe diili peti saha.

Tuma 23:33

Ba fun la tel Siizaria a zer ba nihɛɛ nyuhu tiin ti tɔn a nyɛ Filiks ni a kpa Pɔɔl a du o nin ni.

Tuma 25:1

Wuzu butora gantɛl ni, Fɛstus fun li Siizaria a kaali Jɛrusalɛm.

Tuma 25:13

Wuzu bilɛ gantɛl ni, koor naa ba yir Agripa awa o haan naa ba yir Bɛrnisi, fun wa Siizaria di ba zaami Fɛstus.

Tuma 27:1

Saha fun wa tel di ba kpa Pɔɔl kila Itali pulum doonani koorsi ta nyuhu tiina Siiza nyɛn. Lanjimasa nihɛɛ digi funɛ nyɛn doon ba yir un Julius. Koor Siiza fun kpa o titi sɔn a du Julius lanjimasa puk ti. Ba fun kpa Pɔɔl awa ba naa ba tɔ ba dɛ bɔnɛ a du Julius nin ni.

Tuma 27:31

Pɔɔl funɛ na ka niduse tima daŋni ba gil arŋ ti ta a ta bu bur laali, o fun ŋɔ lanjimasi ta awa ba nihɛɛ ti ni, “Ma ta nyɛ niduse tima kaali a ka ya. Ba kaalɛɛ, ya maga zi sitiu.”

Tuma 27:43

Lanjimasi ta nihɛɛ ti wa fun nyɛ lanjimasi ta kpu ba, domi o wa funɛ daŋni Pɔɔl sou. O fun purigi ya maga chen bilɛ. O fun ŋɔ ba naa zim ni diili chen ba te tu ni ti a di a la zini jibaŋ,

Tuma 8:40

Koosa siim weri ti fun nyɛ Filip kaali tɔhɔn naa ba yir Asdɔd. O funɛ biksi nara Koosa laaboor weri ti wɛ a li tɔsa maga ni hali a la tel tɔhɔn naa ba yir Siizaria.