Tait. 3:7 - Tampulma

⁷ O fun a suŋi ya di ya wa bu kpak galimsa o wati a nyɛ ya kpak bambi bɛgim di ya la o mi fali naa vɛ kpak bɔ.

Tait. 3:7 Iomraidhean Croise

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Maak 10:17

Yesu fun li dooni a la bar digi chen. Baal digi fun wa chem un a gbiri o suwachak ni a pɛɛsi un, “Mu kunyan weri, yɛrɛ n kaa ya a wa na Koosa miisa naa vɛ kpak bɔ?”

Room 11:6

O funɛ yisi ba o siki daharɛ. O wa fun yisi ba ba tum were daharɛ. O yisi nara ba tum were daha, o wa fun koti a kpak ba siki.

Room 3:24

Koosa fun a kpak ya siki a nyɛ Yesu Kristo la ya nyuuna a nyɛ ya. Koosa fun ya chen a nyɛ ya yɔri. Chendaha o bu vɛ na ya galimsa o wati.

Room 3:28

Ya kpak bambiu di nibine se su Kristo, Koosa wa na o galimsa. Chen tiina tiŋ o chiksɛ ta duŋduŋ, Koosa wa zi koti a ya chen.

Room 4:16

Koosa vɔwi nyini nara se suuli nee, chen ni Abraham bi lulɛ maga ba naa teŋsee awa ba naa vɛ teŋsi, zi kpak bambiu di Koosa zi tum chenani o fun vɔu. O vɔwi ti ya papaharɛ. Abraham ya ya maga nawaal.

Room 4:4

Nandigi tumɛɛ ka o kunyan bɔ un, chimnɛ o bɔ. O wa ya papaha.

Room 8:17

Chendaha wuzu digi ya zi wa la kin naa o fun vɔu di o kpa nyɛ yau. Kristo wa ya gbanko zi bɔni kin naa Koosa fun vɔu di o kpa nyɛ unu. Ya namsi lalaknɔ Kristo sɔn daha, wuzu digi o wa ya zi wa bɔni o jirima awa o chaani kinkanu.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

Gal. 2:16

Ya zimu di nar tiŋ Koosa chiksɛ ta duŋduŋ, chen tiina ha zi vɛɛn kpak galimsau o wati, amaa nar nyɛ o si su Yesu Kristo, Koosa wa zi bu na o galimsa. Ya se su Yesu Kristo. Ya wara tiŋ Koosa chiksɛ ta duŋduŋ. Chendaha o wa bu na ya galimsa.

Gal. 3:29

Kristo dɔ ma. Chendaha ma zi na kin naa maga Koosa fun vɔu a nyɛ Abraham bi lulɛ ni chenu.

Gal. 4:7

Lalaknɔ ma wa bu ya yosa, amaa ma ya Koosa bisiwa. Chendaha o zi kpa o kin nawara maga o fun vɔu chen a nyɛ mau.

2 Tɛs. 2:16

Ya kunyana Koosa la daŋni ya a fun suŋi ya, a kpami ya ya kpak bambi bɛgim un ni.

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

Tait. 2:11

Koosa daŋni o suŋi nibinsa magawa a yisi ba a li ba tum tagna ni baa tiŋ un. Chendaha o fun tum o be o wa tɛɛnɛ nɔ maga ni.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

Ju 11:9

O funɛ la tel pulum naa Koosa fun vɔu di o nyɛ un chen, o funɛ ya hɔɔrrɛ dooni. O wa o bisa, Aizik awa Jakɔb, funɛ nyɛn lɛwa nɛɛ. Ba gbanko fun a bɔni chenani Koosa fun vɔu a nyɛ Abraham ni chen.

Ju 6:17

Koosa fun kpa o sɔn a gbaari o vɔu ti ni di o biksi ba naa kaa wa la un di o wa zi chɔk un.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

1 Pita 3:7

Nibaala, ma wa ma haanasa lagmi nyɛn nɛha ni. Ma kpok kaali ba kpok. Chendaha maa nyɛ ba jirima. Ma wa ba piin la Koosa mi fali ti. Ma vɛ ya chen, ma sumi zi tɔu.