Tait. 3:14 - Tampulma

¹⁴ Kibiksi i nara ba se sɛri baa tum tum were, chen ni ba zi koti a suŋi ba naa la daŋni suŋi wuti niu. Ba ta ya nibin yɔrisa.

Tait. 3:14 Iomraidhean Croise

Mat. 21:19

Ba funɛ la chene, o fun na bugil naa ba yir ‘fig’ ka o chiŋi nyinbaan nɔ ni. O fun kaali o mun a daŋni o di o nɔna. O ka wa fun na kundɔŋ. Kpachak duŋduŋnɛ o fun kpak. Yesu fun ŋɔ bugil ti ni, “Nandigi wa zi bu di i nɔna zinan wuzu nɔ kpa la saha maga.” Bugil ti kpachaga fun vaan loori ka o sou.

Mat. 7:19

Bugil naa vɛ nɔn nɔn were, ba yaa teŋ unu a dau a suk din du un ni.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 15:8

Chenani maa tum tum were a nyɛ min a gbaari la zi biksi nara di ma ya mu gantɛl tiŋsiwa. Doone ba zi bur a nyɛ mu nyan ti wa jirima kinkan.

Tuma 18:3

Pɔɔl fun la nyɛn ba dam ni, domi o wa Akwila funɛ ya sela tɔna nikɔɔrɛwa.

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Room 12:13

Maa suŋi Koosa nara ba naa vɛ kpak kina, a la hɔɔra a du ma damsi ni.

Room 15:28

Mu wa tel dooni a kpa kina nama a nyɛ ba peti, mu zi la Speenu a la zaami ma nyinbaan ni.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Filip. Tima 4:16

Mu funɛ nyɛn Tɛsalɔnika ni a daŋni kina, wuzu bilɛ bambaan ni ma fun kpa papaha a wa nyɛ min.

Filip. Tima 4:17

Mu wara daŋni ma papaha duŋduŋnɛ. Mu daŋni chenani ma zi ya a sɔɔni Koosa tuharɛ.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

2 Tɛs. 3:8

Ya ka funɛ tum nha wa dusumu kinkan, chen ni ya zi diu a li ya bara wilim ni. Ya wa fun a daŋni di ma suŋi ya wa diwe ni. Kin naa maga ma yaa fun a nyɛ ya, ya yaa bɔ a nyuuniu.

Tait. 2:8

Kpa wuti sɛma aa biksi ba, chen ni i dɔma wa zi koti a ŋɔ di i tum galimsau. I sɛm chen, hiisa zi kpak bau.

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

2 Pita 1:8

Ma tum tum were nama a gbaari, a zi nyɛ chenani ma zim ya kunyan Yesu Kristo bukoo zenu a gbaari.