Tait. 2:12 - Tampulma

¹² Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

Tait. 2:12 Iomraidhean Croise

Mat. 12:32

Nara pini n waa nibine be, Koosa zi koti a gil chen a nyɛ bau. Nara ka pini Koosa siim weri ti, Koosa wa zi gil chen a nyɛ ba, hali saha naa vɛ kpak bɔ.”

Mat. 16:24

Yesu fun ŋɔ o gantɛl tiŋsi ta ni, “Nar la daŋni o tiŋ min, o vɛ o tutɔ a zer o daakakli a baasi aa tiŋ min.

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Luk 1:6

O wa o haan ti funɛ ya nibin werewa aa tiŋ Koosa chiksɛ nɛnɛ.

Luk 1:75

O gbanko funɛ vɔu di o zi nyɛ ya o kpoku di yaa tum tum were a ya tu chaan tima o wati a kpa la hali ya wuzuna nyɛni maga.”

Jɔn 14:30

Mu wa bura daŋni mu sɛm kinkan ma wati, domi sintana naa dɔ tɛɛnɛ nɔ tim maga wau. Mu wa un wa kpak wu digi wa dɔŋ ni.

Jɔn 6:25

Ba funɛ na un, ba fun pɛɛsi un, “Ya kunyana, yɛrɛ i ya a wa bar nɔ?”

Tuma 24:16

Mu yaa fun kpak unu mu bambi ni di mu tum mu tuma wa tu bɛgim ni Koosa awa nara suwachak ni.

Tuma 24:25

Pɔɔl fun ŋɔ ba chenani ba naa se su Yesu fun kpaŋi ba titi di ba tum tum were a nyɛ un a ya bambe tima. O gbanko funɛ ŋɔ bau chenani Koosa zi wa di tɛɛnɛ nɔ tim maga sɛriau wuzu digi. Pɔɔl sɛm ta fun nyɛ hansura kpak Filiks ka o ŋɔ un, “O magu. Kila. Mu wa na nyinbaan, mu zi yir hinu i wa sɛm ya gbaari.”

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Room 6:12

Ma ta tiŋ ma titi daŋnɛ a nyɛ tum tagna nyaŋi ma.

Room 6:19

O bɔmu di ma zim kin nama mun. Chendaha mu ŋɔ ma a li ma nyɛni ni. Saha digi ma yaa fun kpa ma titiu a tum chɔkumsa tuma awa tum tagna bɔnɛ a gbaari. Lalaknɔ ma kpa ma titi aa tum tum were.

Room 8:13

Yaa tiŋ ya bara kina, Koosa zi wa ta ya yɔriu. Amaa ma ka vɛ ma bara tum tagna tiŋi Koosa siim weri ti kpok daha, ma zi kpak o miisa naa vɛ kpak bɔu.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 1:4

O fun te lisi ya a nyɛ o titi ni Yesu Kristo daha ka o fun a naami tɛɛnɛ nɔ maga, chen ni ya zi kotiu a ya bambi chaan tima ba naa o vɛ na ba galimsa o suwachak ni.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

1 Tɛs. 4:7

Koosa wa fun lisi ya di ya tum chɔkumsa tuma, amaa o funɛ lisi yau di ya tum tum were.

1 Tɛs. 4:9

O wara daŋni mu sɔbi ma chenani ma zi daŋni dɔŋa, domi Koosa titi funɛ piin biksi ma nanu.

1 Tim. 4:12

Nyɛ i sɛma awa i nyɛni wa chenani i daŋni nara wa chenani i si su wa i tum were, biksi Yesu nitiŋɛ ta chenani ba zi tiŋ Koosa. I ya chen, nandigi wa zi ŋɔ di i ya bichɛllɛ.

1 Tim. 6:17

Kibiksi ba naa kpak kidamata di ba ta daŋni sɔn a daha. Ba ta kpak bambi bɛgim a li ba kin naa la zi wa chɔk ni, amaa ba ka kpak bambi bɛgim Koosa naa la nyɛ ya kina maga di ya tusa sɔɔni ni.

1 Tim. 6:9

Amaa ba naa la daŋni ba ya malɛ tima, sintana zi wa zaamsi bau a mo ba lo a li ba womsa awa ba tum tagna daŋni ni, chen ni ba zi wa chɔku kinkan.

2 Tim. 3:12

Nibinsa zi yaa wa muksi ba naa la daŋni ba tiŋ Koosa nɛnɛ, domi ba wa Yesu Kristo ya nibɛgim.

2 Tim. 4:10

Dimas naa la daŋni tɛɛnɛ nɔ maga kina, funɛ gil minu a kaali Tɛsalɔnika. Krɛsɛns funɛ a gbau a kaali Galesia pulum. Taitus ka kaali Dalmesia pulum.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

Ju 8:11

Nandigi wa zi wa biksi o niinbe chenani mu bambi du wɛ, domi ba naa ya nibirige awa ba naa vɛ ya nibirige maga zi zim minu.

Jems 1:27

Ya kunyana Koosa daŋni yaa tiŋ un wa wuti nɛɛ. O lawa yaa suŋi sunsa awa luhaana ba naa la namsi, aa gil tɛɛnɛ nɔ tim maga tum tagna a ta.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.

2 Pita 3:11

Wuzu digi buudaha awa tɛɛnɛ nɔ maga zi wa chɔku a chi chen, nibin baŋwa ma kaa wa chi? Ma ya tu chaan tima a kitiŋ Koosa nɛnɛ,

1 Jɔn 2:27

Koosa funɛ kpa o siim weri ti a du ma bambe ni. Chendaha nara wa biksi ma a gbaari o biksi ti ni, o ya yɔrirɛ. Koosa siim weri ti ya naa la zi biksi ma kina maga nyinbaan. O biksi maga ya wutirɛ. Nusuna wa to un ni. Adaha ma nyɛ ma wa Yesu ya nibɛgim a chi chenani Koosa siim weri ti fun a biksi ma chen.

1 Jɔn 2:6

Nar ŋɔ di o nyɛn Koosa nɛɛ, o tiŋ un a chi o be Yesu funɛ tiŋ un chen.

1 Jɔn 5:19

Ya zimu di ya ya Koosa bisiwa. Ba naa maga vɛ ya Koosa bisa, ba waa nyɛn sintana nin ni.

Juud 1:18

a ŋɔ, “Tɛɛnɛ nɔ maga siili saha wa dugli, ba naa la tiŋ ba titi daŋnɛ, zi wa mɔm mau a li ma Koosa nyinbaan tiŋi ni.”

JɔnN Deesi 14:12

Chendaha o lawa Koosa nara ba naa la tiŋ Koosa chiksɛ nɔ ka ba vɛ bur Yesu tiŋi ni, ba li lalaknɔ namsi wa kanyita niu.