Tait. 1:9 - Tampulma

⁹ O lawa o kpak Koosa laaboor weri naa ba fun te biksi unu nɛnɛ. Waa ya wuti tiina. O kpak chen nɛnɛ, o zi kotiu a kpa un a biksi nara a kpami ba, aa koti a burgi ba naa vɛ un nyuunau.

Tait. 1:9 Iomraidhean Croise

Tuma 18:28

Apɔlɔs wa Ju tim ta fun di amɔrɛ kpok a nyaŋi ba a li nara tima suwachak ni. O fun lisi Koosa sɛm tɔn ti bar digi a biksi ba a li gbampulim ni di Yesu ya Kristo naa Koosa fun ŋɔ di o zi wa tumu wuzu digi chen.

1 Kɔr. 14:24

Amaa ma maga sɛm a li Koosa kpok ti ni, ba naa se vɛ su Koosa awa ba naa maga vɛ zim sɛm kurgɛ ta wa zu, ba zi nuu a la nɔɔni di ba ya tum tagna nitumɛwa. Ma sɛm maga zi zu ba bambeu.

1 Tɛs. 5:21

Ma nyini ba sɛma maga a nɛɛ a weru. A were ma kpak a.

2 Tɛs. 2:15

Mu niinbisa, chen daha, maa kpak nɛnɛ aa tiŋ wuti biksi naa ya fun biksi ma saha naa ya fun nyɛn ma wati awa chenani ya fun sɔbi tɔn ni a nyɛ ma.

1 Tim. 1:10

a la tum chɔkumsi tuma a daŋni ba wa ba dɔŋtima nibaala kichɔ, a kpaksi nara a la yogli a la sɛm nusun sɛma a la chɔk nara sɔna a la tum tum naa vɛ tiŋ wuti nyinbaan biksi ti.

1 Tim. 1:15

Chenani mu kaa ŋɔ nan ya wuti sɛma a naa ya maga zi la nɔɔni. Yesu Kristo funɛ wa tɛɛnɛ nɔ maga di o wa yisi nara a li ba tum tagna ni baa tiŋ Koosa. Min funɛ tum tum tagna a kaali nara maga.

1 Tim. 1:19

a kpak nɛnɛ aa tiŋ un wa tuha bɛgim ni. Bɔnɛ ka wa fun tiŋ wa tuha bɛgim a bur a chɔk ba se suuli kinkan.

1 Tim. 4:9

A waa ya wuti sɛma a naa ya maga zi la nɔɔni kinkan.

1 Tim. 6:3

Ba naa maga vɛ la nɔɔni ya kunyana Yesu Kristo wuti sɛma a naa nyɛ ya tiŋ un nɛnɛ, amaa a kpak ba titi biksi a nyɛ nara ni,

2 Tim. 1:13

I funɛ nyɛn mu wati, mu fun a biksi hin Koosa wuti wɛ di ii tiŋ un. Lalaknɔ kpak mu wuti biksi nɔ nɛnɛ. Nyɛ i si yaa su Yesu Kristo aa kidaŋni nara nɛnɛ, domi o wa ya ya nibɛgimnɛ.

2 Tim. 2:2

I funɛ nu ka muu biksi nara bu damata. I gbanko tiŋ mu nɔ sɛma aa kibiksi ba naa ya wuti tima ba zi kotiu a la biksi ba dɔŋtima.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

2 Tim. 3:14

Amaa ii ka tiŋ Koosa nyinbaan wuti ti. I zimu nɛnɛ ba naa funɛ te biksi hin o wɛ chen, di i si su un kinkan.

2 Tim. 4:3

Saha wau nibinsa zi vɛ wa nu Koosa wuti biksi ti, amaa ba zi wa tiŋ ba titi daŋnɛu a lagmi ba naa la zi wa biksi ba chenani ba daŋni aa gbaari.

Tait. 1:11

Ba biksi tagna a naa lawa ba ta biksi, waligi narawa awa ba walɛ a ta a li Koosa nyinbaan wuti ti ni. Chendaha i ŋɔ ba di ba gil ba muri. Ba gbanko biksi chene di ba na malɛ.

Tait. 2:1

Amaa o lawa i kpa Koosa wuti biksi tiu aa biksi nara.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.

JɔnN Deesi 3:11

Mu zi bur wau lalaga. Ma kpak chenani ma tiŋ min nɛnɛ, chen ni nandigi wa zi lisi Koosa mi fali naa mu zi kpa a nyɛ ma, a li ma ni.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.