Tait. 1:11 - Tampulma

¹¹ Ba biksi tagna a naa lawa ba ta biksi, waligi narawa awa ba walɛ a ta a li Koosa nyinbaan wuti ti ni. Chendaha i ŋɔ ba di ba gil ba muri. Ba gbanko biksi chene di ba na malɛ.

Tait. 1:11 Iomraidhean Croise

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Luk 20:40

Sajusi tim ta funɛ nu chenani Yesu sɛm, ba wa bu kpak nyinbaan di ba pɛɛsi wu digi.

Jɔn 10:12

Tumtumna nyini piisisa, o wa zi nyini a nɛnɛ. Gbeha wa wa di o wa pisi a dɔŋ ni a kpak a, o zi chɔu a ka a, domi o wa dɔ a.

Room 3:19

Ya zimu di ba naa la biksi Koosa chiksɛ ta, ba waa la biksi ba naa la tiŋ a, di ba na galimsa. Chendaha nara maga zi wa la nɔɔniu di ba tum galimsau Koosa suwachak ni. Ba wa zi wa koti a sɛm wu digi.

2 Kɔr. 11:10

Mu sɛm ta ya wutirɛ domi Yesu Kristo nyɛn min ni. Ba naa maga nyɛn Girik tim pulum ni zi nuu di mu wara nyini ma se ni a li kundɔŋ ni.

1 Tim. 5:13

Luhaan butoosa gbanko zi kpak zanyɛrkau a gba nara damsa a zu ba wɛ ni aa lɔ nara gantɛl.

1 Tim. 5:4

Amaa luhaan kpak niisisa akoo bisa, ba nyini un a bɔ chenani ba nyana awa ba niina fun ya nyɛ ba. Chene ba zi tiŋ Koosau ba dam ni a sɔɔni o tuha.

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

2 Tim. 2:18

Nara balɛ na funɛ gil Koosa wuti nyinbaanu a nyɛ ba naa se su Kristo bɔnɛ bur o tiŋi ni, domi ba biksiu di ya piin siu a li ya sou ni.

2 Tim. 3:6

Ba bɔnɛ la zu damsa a mur nihaana ba naa vɛ kpak nɛha. Ba banchisa la yaali ba tum tagna daha. Hali ba titi daŋnɛ la lɛrgi ba di ba ya chen.

Tait. 1:7

Chenani o ya Yesu nitiŋɛ nyuhu tiina aa tum Koosa tuma nan, o lawa o kpak sɔn weri wa nara niu. O ta ya diŋ vɛ nuuli tiina a ta na paan lalaga a du nara ni, a ta nyɔ sin kinkan a dɛɛsi, a ta kpak nara wa tuha sa, a ta daŋni o ya malɛ tiina.

Tait. 1:9

O lawa o kpak Koosa laaboor weri naa ba fun te biksi unu nɛnɛ. Waa ya wuti tiina. O kpak chen nɛnɛ, o zi kotiu a kpa un a biksi nara a kpami ba, aa koti a burgi ba naa vɛ un nyuunau.

Tait. 3:10

Nar daŋni o purigi ba naa la tiŋ Yesu di ba tiŋ un, i tɛ un nin bilɛ. O vɛ di o wa zi nu i sɛma, i wa un wa bu kpak wu digi wa dɔŋ ni.