Tait. 1:1 - Tampulma

¹ Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

Tait. 1:1 Iomraidhean Croise

Luk 18:7

Koosa wa chi un. Ba naa o fun lisi a nyɛ o titi ni yaa sumi unu di o suŋi ba, o wa zi vusi a ya chen.

Tuma 13:48

Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

Ɛfɛ. 2:8

Koosa funɛ suŋi ma ma se su un, chen ni o zi yisi mau a li ma tum tagna ni. Ma wa kikoti a ya chen a nyɛ ma titi ni. Chenani o tum a nyɛ ma ya o papaha ti.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

1 Tim. 2:4

domi o daŋni o yisi nara magwa a li ba tum tagna ni baa tiŋ un a wa zim o wuti ti.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Tim. 6:3

Ba naa maga vɛ la nɔɔni ya kunyana Yesu Kristo wuti sɛma a naa nyɛ ya tiŋ un nɛnɛ, amaa a kpak ba titi biksi a nyɛ nara ni,

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

2 Tim. 2:23

Ta lagmi nibin womni ba naa yaa di dɔŋa wa amɔrɛ kin nawara ba vɛ zimi wɛ. I zimu di ba yaa di amɔrɛu hali o wa peti dɔŋ yooli ni.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

2 Pita 1:3

Waa funɛ yir ya di o wa ya bɔni o jirima awa o chaani kinkan awa chenani o bambi du a fun kpa o kpok awa kin naa maga ya daŋni a nyɛ ya, chen ni ya zi kotiu a tum tum were a tiŋ un nɛnɛ. O ya chene a li chenani ya zim un ni.

2 Pita 3:11

Wuzu digi buudaha awa tɛɛnɛ nɔ maga zi wa chɔku a chi chen, nibin baŋwa ma kaa wa chi? Ma ya tu chaan tima a kitiŋ Koosa nɛnɛ,

1 Jɔn 2:23

Naa vɛ la nɔɔni di Yesu ya Koosa be, o gban vɛ Koosau. Naa la nɔɔni wa Koosa be wɛ, o vɛɛn zim o kunyana Koosau.

JɔnN Deesi 1:1

Min waa, Jɔn, la sɔbi tɔn nɔ a nyɛ Koosa tumtumsi ni di mu biksi ba chenani la zi ya lalaga. Koosa funɛ te kpa kin nama maga a sogli a zi kpa a a li gbampulim a nyɛ Yesu Kristo ni. Waa funɛ kpa a a nyɛ mu waa naa ya Yesu tumtum ni.