JɔnN Deesi 6:2 - Tampulma

² Mu fun la nyini a na zaag pilim ka o nyɛn dooni. Naa funɛ zini zaag ti chen funɛ kpak toha awa hɛmwa ka ba fun kpa salma nyuchiga a chik o nyuha. O fun la chem laal a nyaŋi o dɔm damata.

JɔnN Deesi 6:2 Iomraidhean Croise

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

1 Kɔr. 15:25

Kristo zi dɔ kina magau, hali Koosa wa nyaŋi o dɔma maga.

JɔnN Deesi 11:15

Doone malaikasa nɔpɛ tiina fun hu o kaabul. Mu fun nu ta kpoka a li Koosa tɔhɔn ti ni ka a ŋɔ, “Ya kunyana awa Kristo naa o fun lisi a nyɛ o titi ni kpak kpok a dɔ tɛɛnɛ nɔ maga. Waa la zi dɔ un hali saha naa vɛ kpak bɔ.”

JɔnN Deesi 11:18

Saha telu di i na paan a lɛrgi ba diŋsa a di ba naa sitɛɛ, sɛria. Chendaha ba naa vɛ zim hin, fun na paan kinkan a du hin ni. Saha telu di i bɔ i witinsa ba naa ya i tumtumsa, awa i nara ba naa maga ya nizene awa niwisa a la nyɛ hin jirima, chem. Saha telu di i kpa ba naa funɛ chɔk tɛɛnɛ nɔ kina maga a ta ba yɔri.”

JɔnN Deesi 14:14

Mu fun nyini a na ka Yesu naa ya nibine be fun kani dobaal pilim daha ni. O funɛ chik salma nyuchigrɛ a kpak gorga diili o nin ni.

JɔnN Deesi 15:2

Mu fun na Koosa nara ba naa maga vɛ jɛɛmi sel zen ti akoo o vura a vɛ nyɛ o kpa o sɔn awa kɔksa nɔra di fumnɔra danɔra a dani ba. Ba fun chiŋi a dugli bɛɛŋa naa funɛ pɛn a lili a chi diga ka din nyɛn o daha ni, a kpak gɔnjisa a naa Koosa fun kpa a nyɛ ba.

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 19:14

Lanjima damata ba naa nyɛn Koosa tɔhɔn ti ni fun tiŋ o gantɛl a zini zaag pilima a laari kipilima were.

JɔnN Deesi 3:21

Ba naa kpak nɛnɛ hali a la tel o bɔ, mu zi nyɛ ba bɔni mu jirima bar nyɛniu Koosa chakpal ni. Mu funɛ kpak nɛnɛ hali a fun la tel o bɔ. Chendaha o nyɛ mu kani dooni.

JɔnN Deesi 9:7

Hɔɔni ta funɛ chi zaagna a naa ba saksi a di a la chem laal. A se funɛ chi nibinsa sewa ka ba fun chiksi salma nyuchigsa.