JɔnN Deesi 4:8 - Tampulma

⁸ A maga funɛ kpak chɛnɛ anɔnɔrawa ka se ta su a bara maga. Ba yaa funɛ lɔ boola a vɛ hiisi a ŋɔ, “Ya kunyana Koosa naa ya tu chaan tiina a kpak kina maga kpok, i vɛ kpak piili a nyɛn a vɛ kpak peti.”

JɔnN Deesi 4:8 Iomraidhean Croise

Tuma 20:31

Ma doso a kilisi chenani mu fun kpak un mu bambi ni di mu biksi ma bunsa tora a ta hiisi tama.

2 Kɔr. 6:18

Mu zi ya ma nyanau, ka ma kiya mu bisa. Mu waa, Koosa, naa kpak kina maga kpok, ŋɔ nan.”

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

1 Tim. 4:16

Kidoso i nyɛni ni awa chenani i biksi nara. I kpak kin nama nɛnɛ, wuzu digi Koosa zi wa yisi i wa ba naa la nu i nɔu a li ma tum tagna ni hali a wa peti.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Ju 13:8

Yesu Kristo naa funɛ nyɛn ba ni a nyɛn ya ni, ya nibɛgimnɛ. O wa zi chɛrgi hali saha naa vɛ kpak bɔ.

JɔnN Deesi 1:4

Min waa, Jɔn, la sɔbi tɔn nɔ bar digi a nyɛ Yesu nitiŋɛ ba naa purige bunɔpɛ a li Azia pulum ni. Koosa naa funɛ nyɛn a ha vɛɛn nyɛn, o zi nyɛnu. O wa siimsa nɔpɛ a naa nyɛn o suwachak ni a li o tɔhɔn ni,

JɔnN Deesi 1:8

Koosa funɛ nyɛn a ha vɛɛn nyɛn, o zi nyɛnu. O waa naa kpak kina maga kpok, ŋɔ, “Mu vɛ kpak piili a nyɛn a vɛ kpak peti.”

JɔnN Deesi 11:17

“Ya kunyan Koosa naa kpak kina maga kpok, i wa kpak piili aa nyɛn. Ya zaami hinu di i funɛ kpa i kpok zenu a piili a dɔ tɛɛnɛ nɔ tim maga.

JɔnN Deesi 14:11

Din naa nyɛ ba namsi, nyɔɔsa zini buudaha hali saha naa vɛ kpak bɔ. Ba naa funɛ jɛɛmi sel zen ti awa o vur ti a nyɛ o kpa o sɔn a dani ba, ba waa la namsi a vɛ hiisi.”

JɔnN Deesi 14:3

Ba naa wa piisi be ti funɛ chiŋi, ba se funɛ chem doonani Koosa jirima bar kani awa sela naasi ta wa nihɛɛta fumlɛ danaasi ta fun nyɛn, a lɔ bool fali. Kɔk di fumnaasi danaasi tusugsa ba naa piisi be ti fun lisi a li tɛɛnɛ nɔ tim maga, ba duŋduŋ funɛ koti a lɔ bool fali ti.

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.

JɔnN Deesi 15:7

Ba fun la chiŋi sela naasi naa chiŋɛ a go Koosa jirima bar kani ti chen digi suwachak ni. O fun kpa Koosa naa nyɛn hali saha naa vɛ kpak bɔ, paan kinkan awa chenani o lɛrgi tɛɛnɛ nɔ tim maga diŋsa a du salma gbaŋsa nɔpɛ ni a nyɛ malaikasi ta ni.

JɔnN Deesi 16:14

Alizin tagna tora ta funɛ kpak kpok di a tum tum zene damata. Ba fun gba a lagmi tɛɛnɛ nɔ tim maga koorsa awa ba walɛ, chen ni Koosa wuzu zen naa o zi wa di ba sɛria chen wa tel, ba zi chem unu a li laal ni.

JɔnN Deesi 16:7

Doone mu fun nu ta a li biŋbiŋ ti ni ka o ŋɔ, “Ya kunyana Koosa naa kpak kina maga kpok, chenani i na ba galimsa deŋlu a ya wuti.”

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.

JɔnN Deesi 19:4

Nihɛɛta nara fumlɛ danaasi ta awa sel zene naasi a naa funɛ go Koosa jirima bar nyɛni fun si a pimi o suwachak ni a jɛɛmi un a ŋɔ, “Ami. Ma nyɛ ya maga pɛgi un a gbaari.”

JɔnN Deesi 21:22

Ba wa fun sa Koosa bar jɛɛmi dama, domi ba naa nyɛn dooni funɛ jɛɛmi ba kunyana Koosa naa kpak kpok a kaali kina maga awa piisi be ti bawu maga ni.

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.

JɔnN Deesi 4:4

Bar kanɛ fumlɛ danaasi funɛ go un. Nihɛɛta nara fumlɛ danaasi funɛ kani doonma ni. Ba maga funɛ laari kipilimiwa a chik salma nyuchigsa.

JɔnN Deesi 4:6

Bɛɛŋa naa funɛ pɛn a lili a chi diga gbanko funɛ nyɛn o suwachak ni. Sela naasi funɛ chiŋi a go un a gbaari. A maga se funɛ iiu a nyɛn a se awa a naŋkporsi ni.

JɔnN Deesi 4:9

Sela naasi ta funɛ lɔ a booliwa a pɛgi naa funɛ kanɛ Koosa jirima bar kani ni, domi o kpak jirima awa chaani kinkanu a nyɛn hali saha naa vɛ kpak bɔ.

JɔnN Deesi 5:6

Mu fun nyini a na ka piisi be nyɛn doon. O chi ba funɛ kɔrigi unu. O fun chiŋi a dugli Koosa jirima bar kani ti ka sela naasi ta awa nihɛɛta nara fumlɛ danaasi ta go dooni. Piisi be ti funɛ kpak nyindaasa anɔpɛ awa se nɔpɛwa. O se nɔpɛ ta funɛ ya Koosa siimsa nɔpɛ naa Koosa fun tum tɛɛnɛ nɔ maga ni.

JɔnN Deesi 6:1

Piisi be ti funɛ la tɔn ti, o fun kasi kitɔɔli naa te chen a puk tɔn ti bar digi. Sela naasi ta digi fun ŋɔ min a chi nasɛha, “Kuwa a wa na.”

JɔnN Deesi 6:6

Mu fun nu ta a li sela naasi ta bambaan ni ka o ŋɔ, “Kila a la bɔ ba naa tum wuzu bɛgim chen wa poge gbaŋpuluma akoo mɛ gbaŋpulumsa tora, amaa doso a ta chɔk nu ti akoo sin.”

JɔnN Deesi 7:11

Sela naasi ta awa nihɛɛti ta awa malaikasa a naa maga fun si a pimi tɛɛnɛ ni Koosa jirima bar kani suwachak ni a jɛɛmi un,

JɔnN Deesi 7:15

Chendaha ba nyɛn Koosa jirima bar kani suwachak ni a la tum o tuma saha maga a li Koosa tɔhɔn nɔ ni. Koosa titi zi kpalimi ba watiu.