JɔnN Deesi 3:8 - Tampulma

⁸ Mu zim chenani maa tumu awa chenani ma vɛ kpak kpoku, amaa ma tiŋ mu biksi ti a vɛ li mu gantɛl nara bambaan ni. Chendaha mu fun puk mu koor ti bulzɔɔnɔ di ma zu. Nandigi wa to a la zi tɔ un.

JɔnN Deesi 3:8 Iomraidhean Croise

Luk 12:9

Nibine naa maga ka vɛ ŋɔ nara ni di min dɔ ba, n waa nibine be wa zi sɛm chen a nyɛ Koosa malaikasi ta ni.

Jɔn 15:20

Ma lisi chenani mu fun ŋɔ ma di yom wa to a zen a kaali o kunyana. Ba funɛ muksi minu kinkan, adaha ba zi wa muksi ma gbanko zi nu ma sɛmau.

Jɔn 17:6

“I funɛ lisi nara a li tɛɛnɛ nɔ tim maga ni a nyɛ i titi ni. I fun kpa ba a nyɛ min ka mu fun biksi ba i wɛ ba tiŋ i nɔ.

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

1 Kɔr. 16:9

Mu kpak nyinbaanu bar nɔ a zi koti a tum Koosa tuma kinkan a na nyɔɔra. Amaa ba naa la daŋni ba tɔ mu tum nyinbaan, ba iiu.

2 Kɔr. 2:12

Mu funɛ wa tel Troas, ya kunyan ti fun a nyɛ min nyinbaan kinkan di mu biksi nara Yesu Kristo laaboor weri ti wɛ.

Filip. Tima 4:13

Kristo kpak o kpok ti a nyɛ min, chen ni mu zi a chem kina magau.

Kɔl. 4:3

Maa sumi Koosa gbanko a nyɛ ya di o nyɛ ya nyinbaan ya sɛm nara ni o laaboor weri ti wɛ aa biksi ba o kisogli wɛ. O wu sogli ti ya Kristo. O laaboor weri ti daha ba fun tɔ min dɛ.

1 Tim. 5:8

Nandigi vɛ nyini o titi walɛ, o wa tiŋ Koosa nɛnɛ. O tum tagna a kaali ba naa vɛ zim Koosa, domi ba waa koti a nyini ba walɛ.

2 Tim. 4:7

Mu miisa chi chɔchɔharɛ. Mu kpaŋu a chɔ peti ka mu si ha vɛɛn su Koosa.

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 2:2

Mu zim chenani ma bambe duu awa chenani ma kpak un ma bambe ni di ma tum ma tuma wa kanyita ni a ta kuuli. Mu zimu di ma wa kpak wu digi wa ba naa la tum tum tagna ni a zaamsi ba naa ŋɔ di ba ya Koosa wuti nibiksɛwa a na di ba ya nusun timwa.

JɔnN Deesi 22:7

Yesu ŋɔ ma, “Ma nu mu sɛm na. O wa zi vusi ka mu bur wa. Ba naa maga se su chenani mu sɔbi a li tɔn nɔ ni, ba tusa zi sɔɔni.”

JɔnN Deesi 3:1

“Sɔbi kin nama a la nyɛ naa la nyini Yesu nitiŋɛ ta a li Sardis ni. “Mu waa kpak Koosa siimsa nɔpɛ awa wula nɔpɛ. Ma nu chenani mu kaa ŋɔ ma. Mu zim chenani maa tumu awa chenani nara sɛm di ma tiŋ minu nɛnɛ amaa ma wa tiŋ nɛnɛ.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.

JɔnN Deesi 3:15

Mu zim chenani maa tum. Ma se wa sɛri a li chenani ma daŋni ma tum mu tuma, amaa ma wa bur a li mu tiŋi ni. Mu fu daŋni mu zim di ma se sɛriu akoo ma zi gil mu tiŋirɛ.

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.